Bafilipi 3:18 - Indagano Inyaaya mu-Chijita

¹⁸ Naabhabhwiriiye kwiya kaafu omusango gunu enikena okubhabhwira, woori enigwayika rindi enu nindira amasiga mogomogo. Bhari‑wo abhaanu bhanu obhurame bhwebhwe obhweresya ati, ni bhasoko bha obhuchungusi bhunu ꞉bhwakorerwe na Kirisito ku‑musarabha.

INDAGANO INYA:YA

¹⁸ Okuba ba:fu abaribata, banu nababwiriye kwiya ka:fu, na woryanu enibabwira nindira na masiga ati, nibo abaremo bo musaraba gwa Yesu Kristo.

Bafilipi 3:18 ပူးပေါင်းရင်းမြစ်များ

Ruuka 19:41

Yeesu ejire aarebherera okukinga Yerusareemu, ˆnaarora omusi ogwo, ˆnaamba okuguririra.

Ebikorwa 20:19

Naariga ninkorera Raatabhugenyi mu‑kwikeeya kwone, kwa amasiga na ku‑maregeejo ganu ꞉gaasookeene na inuku ya Abhayawudi.

Barumi 9:2

Chimari, anye niri na obhusurumbaaye bhwafu muno na obhusungu bhwafu mu‑mwoyo gwani

1 Bakorinto 1:18

Abhaanu bhanu abhabhura abharora ati emisango ja Kirisito okufwa ku‑musarabha ni ja echimuumu, nawe kw‑iswe bhanu echichunguka, emisango ejo nigo amanaga ga Nyamuwanga.

1 Bakorinto 6:9

Mutakumenya ati abhajabhi bhatariingira mu‑bhukama bhwa Nyamuwanga? Mwasiga okwijiga! Abhasengani, abhaanu bhanu abharamya amasusano, abharomesi, noorwo abhasambukani,

2 Bakorinto 11:13

Enaayika kutyo, kwa okubha abhaanu rwa abho, nibho jitumwa ja orubheeyi, abhakora emirimu mu‑bhurigerige, abheekora wuti, nibho jitumwa ja Kirisito.

2 Bakorinto 11:29

Araabha omuunu woonewoone ni mujorobhoke, anye wone eniiyungwa okubha omujorobhoke. Araabha abhaanu bharetereeye omuunu woonewoone okukora ebhibhiibhi, anye wone enirumwa.

2 Bakorinto 2:4

꞉Naabhakaamiiye inyarubha irya, mu‑bhusurumbaaye bhwafu, nindumwaga mu‑mwoyo gwani, keenu nindiraga amasiga mogomogo. Obhukarariiye bhwani, bhwariga bhutari ati musurumbare, tari naariga nineenda mumenye kutyo nibheendere muno.

Bagalatia 1:7

Chimari ni ati jitari‑wo Emisango ja Ekisi ejindi. Nawe bhari‑wo abhaanu bhanu abhabhajiga na abhakena okuyindura Emisango ja Ekisi inguru ya Kirisito.

Bagalatia 2:14

Nejire naarora ati bhatakukora rwa kutyo echimari cha Emisango ja Ekisi chiri, nimbwira Peetero abhwerubhweru imbere ya abheekirisya bhoone ati, “Awe uri Muyawudi, nawe owukoraga rwa kutyo abhaanu bhanu bhatari Bhayawudi abhakora. Ni kurwa ki woori usinyiirisye abhaanu abho okuruubha jitungwa ja Echiyawudi?”

Bagalatia 2:21

Nitakutura okurema obhwitiriranya bhwa Nyamuwanga. Araabha omuunu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, mbe bhwariga bhutari‑wo obhukene bhwa Kirisito okufwa!

Bagalatia 5:21

orwiso, obhukorwa, obhunanamba na jinu jiri rwa ejo. Enibhabhwira rindi rwa kutyo naariga naabhabhwiriiye ati, abhaanu bhanu abhakora emisango ejo, bhataribha na omwandu gwonegwone mu‑bhukama bhwa Nyamuwanga.

Bagalatia 6:12

Abhaanu bhanu abhabhasinyiirisya mutendwe, abheenda mukore kutyo, korereki Abhayawudi bhabhayaane echibharo. Abheenda bhasige okunyaasibhwa inguru ya okuraasya emisango ja omusarabha gwa Kirisito.

Bagalatia 6:14

Nawe anye nitakwenda nibhe na omusango gwa okwikumangisya, tari musarabha gwa Raatabhugenyi weeswe Yeesu Kirisito. Okuruubhana na orufu rwaye, emisango joone ja echaaro chinu jitari na obhugajuro kw‑anye, na bhumuunu bhwani bhwa kara bhubhambirwe aamwi nage ku‑musarabha.

Baefeso 4:17

Mbe, enibhakengya na okubharagirira kw‑isiina rya Raatabhugenyi ati, okwambira woori musige okurama rwa abhaanu bhanu bhatakumenya Nyamuwanga kutyo bharamire mu‑bhwiganirisya obhubhiibhi.

Bafilipi 1:4

Ka wone omwanya gwone bhunu enibhasabhirwa, enisabhwaga nikondereywe,

1 Batesalonika 4:6

Kurwa ejo, omuunu woonewoone asige okukayira oweejaabho, noorwo okumujiga. Rwa kutyo ꞉chaabhabhwiriiye na okubhagaanya ku‑bhwambiro ati, Raatabhugenyi Yeesu niwe kaasubhya orusiima ku‑bhaanu bhoone bhanu abhakora ebhibhiibhi ebhyo.

2 Batesalonika 3:11

Echaayika emisango ejo kwa okubha echuungwa ati, bhari‑wo abhaanu abhandi mw‑imwe ni bharenga, bhatakukora omurimu gwonegwone, tari abheeyingisya mu‑misango ja abhandi.

2 Petero 2:10

chimwichimwi bharya abharuubha okurigira okubhiibhi kwa echinyamubhiri na okugaya obhuturo bhwa Nyamuwanga. Abheeyigisya bha orubheeyi abho, bhari na jitungwa ja jimamba na orwikuuya, noorwo bhatakuubhaya okufuma ebhibhumbwa bhya rikusyo bhya mu‑rwire.

Yuuda 1:13

Bhatakutura okwiyingirira, bhari rwa amakonjo amanene ga mu‑nyanja ganu agasaaruuma, na ebhikorwa bhyebhwe bhya jiswaro ebhiswirana rwa rifiro rya amakonjo kutyo erifukumba. Bhari rwa jinjota jinu ejiyengayenga na okubhura. Echisuute echirafuru ti chibhiikirwe inguru yeebhwe akajaanende koone.