Bafilipi 2:6 - Indagano Inyaaya mu-Chijita

⁶ Noorwo kutyo omwene aariga engene na Nyamuwanga, ꞉ataarorere ati ni kisi agenderere okurumatana nagwo.

INDAGANO INYA:YA

⁶ Oyo nakabee ariga:ri mu rususo rwa Nyamuanga, nawe ate:ganirisisye okurwana na Nyamuanga rwe ci:nu co kurumatanirako,

Bafilipi 2:6 ပူးပေါင်းရင်းမြစ်များ

Matayo 1:23

“Ringira, omuyarajuma arijira inda, ariibhura omwana wa echirume. Risiina ryaye bharimutoga Manweri.” Obhugajuro bhwa risiina eryo ni ati, “Nyamuwanga ari aamwi na eswe.”

Yowana 1:18

Atari‑wo omuunu woonewoone unu ararorere Nyamuwanga noorwo na akatyari. Tari Mwana waaye eenyere, unu wone ari Nyamuwanga, ka wone ari yeeyi na Raata Nyamuwanga, oyo niwe asweruuye Nyamuwanga kw‑iswe.

Yowana 10:30

Anye na Raata chiri chiinu chimwi.”

Yowana 10:33

Abhayawudi nibhamusubhya ati, “Chitakwenda okukubhuma na amabhuyi inguru ya okukora emisango ja ekisi, tari kwa okubha owifumiirisya Nyamuwanga. Ka wone owiyayika ati awe uri Nyamuwanga, keenu awe uri muunu era rwa abhandi!”

Yowana 10:38

Nawe araabha enikora emirimu jinu Raata kaakora, noorwo araabha mutakunyikirisya anye, mbe mwikirisye emirimu ejo. Niwo omuja okusombookerwa chimari ati, Raata ari na obhumwi na anye, anye wone niri na obhumwi na Raata.”

Yowana 14:28

꞉Mwoonguuwe jinu ꞉naabhabhwiriiye ati, ‘Enigenda, nawe niriija rindi kw‑imwe.’ Araabha chimari mwakanyendere, mwakabheeye nimukonderwa okuungwa ati enigenda ku‑Raata, kwa okubha Raata ni mukuru okukira anye.

Yowana 14:9

Yeesu ˆnaamusubhya ati, “Firipo, niikaaye aamwi na emwe omwanya omureera gunu, uchaari kummenya? Omuunu woonewoone unu andorere, ararorere Raata. Mbe, kurwa ki owumbwira ati, ‘Cheeresye Raata’?

Yowana 17:5

Raata, enikusabhwa undeete rindi mw‑ikusyo ryawo, rikusyo rinu naariga niri naryo, omwanya gunu naariga niri aamwi na awe, bhunu waariga uchaari kubhumba echaaro.

Yowana 20:28

Tomaasi ˆnaamusubhya ati, “Raatabhugenyi waani na Nyamuwanga waani!”

Yowana 5:18

Mbe, okuruubhana na ejo, abhatangasya bha Abhayawudi nibhaamba okuyenjeresya muno injira ya okwita Yeesu. Jitari ku‑songa ya okunyamura orusuku rwa Isabhaato era, tari kwa okubha wone ꞉aayikire ati, Nyamuwanga ni Semwene. Mu‑kwayika kutyo, aariga ˆneeringʼaanya na Nyamuwanga.

Yowana 5:23

Raata ꞉aakorere kutyo, korereki abhaanu bhoone bhayaane Omwana echibharo rwa kutyo abhayaana Esemwene echibharo. Omuunu woonewoone unu atakuyaana Omwana echibharo, oyo atakuyaana echibharo Raata unu ꞉aamutumire.

Barumi 9:5

Abhayisirayeeri abho nibho orwibhuro rwa bhasaaja Bhurayimu, Isaaka na Yakobho. Echinyamuunu, noorwo Kirisito ni Muyisirayeeri. Kirisito, niwe Nyamuwanga, Omukuru wa bhyone, akusibhwe akajaanende koone! Jibhe kutyo.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

1 Timoteo 1:17

Nyamuwanga niwe omukama unu atari na obhuteero, atakufwa na atakubhonekana, atari‑wo owundi rwa omwene. Omwene ayaanwe echibharo na rikusyo akajaanende koone. Jibhe kutyo.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

Baeburania 1:3

Omwene oyo niwe orungʼarabhyo rwa rikusyo rya Nyamuwanga. Ka wone niwe orususo rwa echimari rwa kutyo Nyamuwanga ari. Omwene niwe kaakora ebhiinu bhyone bhigwatane aamwi ku‑musango gwaye ogwa amanaga. ꞉Eesiisye abhaanu ebhibhiibhi bhyebhwe, ˆnaagenda mu‑rwire, ˆneenyanja orubhaara rwa ebhuryo rwa Nyamuwanga owa obhuturo bhwone.

Baeburania 1:6

Ka wone, omwanya gunu Nyamuwanga ꞉aatumire Omwana waaye wenyere ku‑chaaro anu, ꞉aayikire ati, “Bhamaraayika bhoone bha Nyamuwanga bharamye Omwana oyo.”

Baeburania 1:8

Nawe inguru ya Omwana waaye ꞉aayikire ati, “Awe Nyamuwanga uritunga akajaanende na akajaanende, na obhutungi bhwawo bhuribha bhwa obhurengeresi.

Baeburania 13:8

Yeesu Kirisito atakuyinduka. Omwene ni wuryawurya, rigoro, reero, na kajaanende koone.

Obhusweruro 21:6

ˆNaambwira rindi ati, “Jakuumiiye! Anye naanye Obhwambiro na Obhuteero, anye naanye unu enaambisya emisango joone na okujikuumisya. Bhuri muunu unu ari na obhwiro bhwa amanji, nirimuyaana amanji ga okunywa okusooka mu‑mimiro ja amanji ganu agasoosya obhuwanga, atagurire wuri.