Bafilipi 2:1 - Indagano Inyaaya mu-Chijita

¹ Mbe araabha omusiiriisibhwa mu‑kubha na obhumwi na Kirisito, araabha omufungʼamibhwa na ryenda ryaye, araabha muri na obhumwi na Mwoyo Mweru, araabha omwendwa na okufwirwa echigongo na Kirisito,

INDAGANO INYA:YA

¹ Mbe, araba kurio kusi:ri:sya kwone mu Kristo, amwi kufuŋamya kwone okwo kwenda, amwi kusangira kowne okwo Mwoyo, amwi kufwirana cigongo,

Bafilipi 2:1 ပူးပေါင်းရင်းမြစ်များ

Ruuka 2:25

Yerusareemu awo, aariga ari‑wo omuunu umwi unu aatogwaga ati, Simiyooni. Simiyooni oyo aariga ari murengeresi na aagayukaga Nyamuwanga. Omuunu oyo aarindiriraga okurora obhuchungusi bhwa Nyamuwanga ku‑Bhayisirayeeri. Mwoyo Mweru aariga ari aamwi nage.

Yowana 14:18

“Nitaribhasiga abheene rwa bhanu bhafwiriiywe abheebhusi bheebhwe, tari niriija rindi kw‑imwe.

Yowana 14:27

Enibhasigira omurembe, omurembe gwani enibhayaana. Omurembe ogwo gutari rwa gunu ogusooka ku‑bhaanu bha ku‑chaaro kunu. Musige okusurumbara mu‑myoyo jeemwe, ka wone musige okuubhaya choonechoone.

Yowana 17:13

“Raata, woori eniija kw‑awe. Enaayika emisango jinu omwanya gunu nichaari‑wo ku‑chaaro kunu, korereki abheeyigisibhwa bhaani bhabhe na rikonderwa ryani ryone mu‑myoyo jeebhwe.

Ebikorwa 2:46

Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,

Ebikorwa 4:32

Abheekirisya bhoone bhaariga bhari na mwoyo gumwi na omutima gumwi. Aariga atari‑wo noorwo omuunu umwi unu ebhiinu bhyaye ꞉aakorere okubha bhyaye omwene era, nawe bhaariga nibhasangira ebhiinu bhyone.

Barumi 5:5

Obhwiyikanyo obhwo, bhutakutura okuchiswasya, kwa okubha Nyamuwanga eeturuuye eryenda ryaye ryafu mu‑myoyo jeeswe, okutura Mwoyo waaye Mweru unu achiyaaye.

Barumi 8:26

Aamwi na ejo, Mwoyo Mweru niwe kaachisakira mu‑bhugeruke bhweswe. Eswe chitakumenya okusabhwa Nyamuwanga jinu jiiyire na jinu ejikenwa, tari Mwoyo Mweru omwene niwe kaachisabhirwa ku‑Nyamuwanga ˆnaariraga kwa obhusungu bhunyataayikwa.

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

1 Bakorinto 15:31

Abhayiri bhaani mu‑riikirisya, bhuri rusuku anye niri mu‑ngʼanga ya okufwa. Omusango gunu ni gwa chimari, rwa kutyo ni chimari ati eniikuuya inguru yeemwe kwa okubha muri na obhumwi na Kirisito Yeesu Raatabhugenyi weeswe.

1 Bakorinto 3:16

Angu, mutakumenya ati, emwe muri riyekaru rya Nyamuwanga, ka wone ati Mwoyo wa Nyamuwanga eekaaye mw‑imwe?

2 Bakorinto 2:14

Nawe echisiima Nyamuwanga, kwa okubha kaachitangasya omwanya gwone ku‑muroobho gwa okusandabhira obhuyigi bhwa Kirisito. Ka wone kaachikora chiraasye obhumenyi bhwa emisango inguru ya Kirisito bhuri rubhaara, rwa orurango rwa ekisi kutyo oruswirana mbaara joone.

Bagalatia 4:6

Mbe, kwa okubha chiri bhaana bha Nyamuwanga, omwene ꞉aatumire Mwoyo wa Omwana waaye mu‑myoyo jeeswe. Mwoyo oyo, niwe kaakora chibhirikire Nyamuwanga ati “Abha,” obhugajuro bhwaryo “Raata.”

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Baefeso 4:4

Guri‑wo omubhiri gumwi, ari‑wo Mwoyo Mweru umwi, rwa kutyo mwabhirikiiywe mubhe na obhwiyikanyo bhumwi bhunu Nyamuwanga achibhirikiriiye.

Bafilipi 1:8

Nyamuwanga niwe kaamenya ati enaayika echimari kutyo eniigomba okubhugana aamwi na emwe rindi, niri na eryenda riryarirya rwa kutyo Kirisito Yeesu kaabheenda.

Bafilipi 3:3

Eswe neeswe chitenderwe echinyamwoyo kwa okubha Mwoyo wa Nyamuwanga kaachisakira kutyo jiiyire chiramye Nyamuwanga. Eswe echikuuyisya Kirisito Yeesu na okumwiyikanya. Ka wone chitakwiyikanya ebhikorwa bhyeswe bhya echinyamubhiri korereki chibhone obhuchungusi,

Bakolosai 2:2

Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

Bakolosai 3:12

Woori, kwa okubha emwe mwabha abhasorwa, abheeru na abheendwa bha Nyamuwanga, mubhe na omwoyo gwa echigongo, obhwa ekisi, obhwikeeya, obhworooro na obhwigumiirisya.

Baeburania 6:18

Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

1 Yoana 3:24

Omuunu woonewoone unu kaagayuka ebhiraagiro bhya Nyamuwanga, ari na obhumwi nage. Omwene wone ari na obhumwi Nyamuwanga. Echimenya ati Nyamuwanga ari na obhumwi na eswe kwa okubha achiyaaye Mwoyo Mweru.

1 Yoana 4:12

Atari‑wo omuunu woonewoone unu arabhuganyiisye ameeso na Nyamuwanga. Nawe araabha chikeendana, Nyamuwanga ari na obhumwi na eswe. Ka wone eryenda ryaye eryo, niryo erikuumira mu‑myoyo jeeswe.

1 Yoana 4:16

Woori, eswe echimenya na echiikirisya ati Nyamuwanga kaacheenda. Nyamuwanga ni ryenda. Omuunu woonewoone unu ari na eryenda, niwe ari na obhumwi na Nyamuwanga, Nyamuwanga wone ari na obhumwi nage.