Bafilipi 1:26 - Indagano Inyaaya mu-Chijita

²⁶ Omwanya gunu niribha aamwi na emwe, muribha na rikusyo muno inguru ya Kirisito Yeesu kwa okubha kaabha ansakiiye okusubha rindi kw‑imwe.

INDAGANO INYA:YA

²⁶ Okwikuya kwemwe niwo kufure mu Kristo Yesu kubwani, okuba enija kwimwe rindi.

Bafilipi 1:26 ပူးပေါင်းရင်းမြစ်များ

Yowana 16:22

Emwe wone ku‑mwanya gunu musurumbaaye. Nawe niribhaaja‑ko rindi, na murikonderwa mu‑myoyo jeemwe. Atari‑wo omuunu unu arisoosya rikonderwa eryo mu‑myoyo jeemwe.

Yowana 16:24

Noorwo woori, muchaari kusabhwa echiinu choonechoone ku‑Nyamuwanga okutura kw‑isiina ryani. Musabhwe Nyamuwanga, kaja okubhayaana. Ku‑njira eyo rikonderwa ryemwe erija okukuumira.

2 Bakorinto 1:14

noorwo kutyo woori, omuchisombookerwa kutooto era. Omuja okuchisombookerwa abhwerubhweru ati, orusuku runu Raatabhugenyi weeswe Yeesu arisubha, emwe murikuuya inguru yeeswe, rwa kutyo eswe wone echikuuya inguru yeemwe.

2 Bakorinto 5:12

Jitari ati echiregeeja okwikondya rindi kw‑imwe, tari cheenda okubhayaana omwanya gwa okwikuuya inguru yeeswe. Echeenda mubhe na obhuturo bhwa okusubhya abhaanu bhanu abheekuuyisya emisango jinu ejibhonekana, nawe jitari jinu jiri mu‑myoyo jeebhwe.

2 Bakorinto 7:14

Okubha jikabheeye ati, ꞉naabhakuuyiisye muno imbere yaaye ku‑musango gwonegwone, ꞉nitaaswasiibhwe. Joone jinu chaariga nichibhabhwira jaariga jiri ja chimari. Nyabhuriko, jinu ꞉chaabhakuuyiisye imbere ya Tiito, wone jaabhonekana ati ni ja chimari.

2 Bakorinto 7:4

Enaayika na emwe kwa ebhaasi nene, ka wone eniikuuya muno inguru yeemwe. Mwanfungʼamya muno na mwakora nibhe na rikonderwa enene, noorwo kutyo echinyaasibhwa muno.

2 Bakorinto 7:6

Nawe Nyamuwanga unu kaafungʼamya abha obhusurumbaaye, ꞉aachifungʼamiisye mu‑kuuja kwa Tiito.

Bagalatia 6:4

Nawe bhuri muunu aringire jitungwa jaaye omwene. Araabha omuunu kaakora ja ekisi, niwo kaatura okwikuuya inguru ya emisango ja ekisi jinu akorere, noorwo aasiga okwiringʼaanya na emisango jinu omuunu owundi akorere.

Bafilipi 3:1

Mbe woori emwe abhayiri bhaani, mukonderwe muno mu‑kubha na obhumwi na Raatabhugenyi Yeesu! Emisango jinu ꞉naabhakaamiiye, nitakuyigwa okusubhira okubhakaamira rindi, kwa okubha ejibhareetera obhuriisi.

Bafilipi 3:3

Eswe neeswe chitenderwe echinyamwoyo kwa okubha Mwoyo wa Nyamuwanga kaachisakira kutyo jiiyire chiramye Nyamuwanga. Eswe echikuuyisya Kirisito Yeesu na okumwiyikanya. Ka wone chitakwiyikanya ebhikorwa bhyeswe bhya echinyamubhiri korereki chibhone obhuchungusi,

Bafilipi 4:10

Mbe, naakonderwa muno inguru ya okubha na obhumwi na Raatabhugenyi Yeesu, kwa okubha ku‑bhuteero, mwaamba rindi okunyiganirisya. Enimenya ati siku joone mwariga nimunyiganirisya, nawe mwabhurirwe omwanya gwa okukora kutyo.

Bafilipi 4:4

Mukonderwe siku joone kwa okubha emwe muri na obhumwi na Raatabhugenyi Yeesu, enaayika rindi ati mukonderwe!