Baefeso 6:19 - Indagano Inyaaya mu-Chijita

¹⁹ Munsabhirwe anye wone, korereki Nyamuwanga anaane emisango ja okwayika, niraasye kwa ribhaasi obhutinge bhwa imbisike yaaye bhunu bhusweruriiywe mu‑Misango ja Ekisi.

INDAGANO INYA:YA

¹⁹ Nanye one munsabirwe, korereki niyabwe okwaika na:samye omunwa gwani, na:ike no buba:si obumbise bwe Bigambo byo bwana.

Baefeso 6:19 ပူးပေါင်းရင်းမြစ်များ

Ebikorwa 13:46

Noorwo kutyo, Pawuro na Bharinaabha nibhabhasubhya kwa ribhaasi nibhaayikaga ati, “Jaariga jiiyire omusango gwa Nyamuwanga, guraasibhwe kw‑imwe, emwe Abhayawudi okwamba. Nawe kwa okubha mwagurema na okwiramura abheene ati muteeyire obhuwanga bhwa akajaanende, woori echibhasiga echigenda okuraasisya abhaanu bhanu bhatari Bhayawudi.

Ebikorwa 14:3

Pawuro na Bharinaabha nibhagenderera okurama siku nyafu Yikoniya awo, nibhabhwira abhaanu kwa ribhaasi inguru ya Raatabhugenyi Yeesu. Raatabhugenyi Yeesu omwene wone, ꞉eeresiisye ati, omusango gwaye gwa obhwitiriranya ni gwa echimari, kwa okubhayaana obhuturo bhwa okukora ebhibharikisyo na ebhiruguusyo bhyafu.

Ebikorwa 18:26

Apooro ꞉aambire okusimura kwa ribhaasi nene mu‑nju ya eriikofyanyo rya Abhayawudi. Mbe Pirisiira na Akiira, bhejire bhaamutegeresya nibhamukuma iika eweebhwe, nibhamusomboorera emisango ja injira ya Nyamuwanga jinu aariga achaari okuungwa.

Ebikorwa 19:8

Kwa omwanya gwa ameesi gasatu Pawuro aariga ˆneengira mu‑nju ya eriikofyanyo rya Abhayawudi na okusimura nabho kwa ribhaasi. Aasimuraga na abhaanu na okubharembeja bheekirisye emisango ja obhukama bhwa Nyamuwanga.

Ebikorwa 2:4

Abhaanu abho bhoone nibheejusibhwa na Mwoyo Mweru, nibhaamba okwayika mu‑nyaayika jingenyi, rwa kutyo Mwoyo Mweru aabhatangasyaga okwayika.

Ebikorwa 28:31

Aariga ˆneeyigisya abhaanu kwa ribhaasi inguru ya obhukama bhwa Nyamuwanga na inguru ya Raatabhugenyi Yeesu Kirisito, okugaanywa na omuunu wuri.

Ebikorwa 4:13

Abhakuru abho bhejire bhaarora Peetero na Yowana kutyo abharoma kwa ribhaasi, enu bhabhamenyere ati ni bhaanu bhanu bhatasomere na bhatari na obhwengeeso, nibharuguura muno. Nibheeya nibhasombookerwa ati Peetero na Yowana bhaariga bhari aamwi na Yeesu.

Ebikorwa 4:29

Raatabhugenyi, ringira ebhikangyo bhyebhwe, nuuchiyaane obhuturo eswe abhakosi bhaawo, chiraasye omusango gwawo kwa ribhaasi nene.

Ebikorwa 4:31

Bhejire bhaamara okusabhwa Nyamuwanga, inju inu bhaariga bheekofyanyiisye‑mo niitikima. Abho bhoone nibheejusibhwa na Mwoyo Mweru, nibhaamba okwiyigisya abhaanu omusango gwa Nyamuwanga kwa ribhaasi.

Ebikorwa 9:27

Nawe Bharinaabha ˆnaamugega, ˆnaamusira ku‑tumwa ja Yeesu. ˆNaabhabhwira kutyo Saawuri ꞉aarorere Raatabhugenyi ku‑njira ˆnaagendaga Damaasiko, na kutyo Raatabhugenyi ꞉aaromere nage. ˆNaabheeresya wone kutyo Saawuri ꞉eeyigisiisye abhaanu bheende‑yo inguru ya Yeesu kwa ribhaasi.

Ebikorwa 9:29

Omwanya ogundi aariga ˆnaasimura na okubhambasyanya na Abhayawudi bhanu bhaaromaga Echiyunaani, nawe abho bhaariga nibharegeeja okumwita.

Barumi 15:30

Abhayiri bhaani, okuruubhana na obhumwi bhweswe na Raatabhugenyi weeswe Yeesu Kirisito, na okuruubhana na eryenda rinu Mwoyo Mweru achiyaaye, enibheerembeeresya kwa omwoyo gwani gwone ati, mwikomeesye okuwumbana aamwi na anye mu‑kunsabhirwa ku‑Nyamuwanga.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

1 Bakorinto 1:5

Mu‑kubha na obhumwi na Kirisito muniibhire mu‑bhuri musango, chimwichimwi mu‑kwayika kwemwe na mu‑bhumenyi bhwemwe.

1 Bakorinto 2:7

Obhwengeeso bhunu echiraasya ni mbisike ya Nyamuwanga, inu yaariga ichaari okuswerurwa ku‑bhaanu. Omwanya gunu Nyamuwanga aariga achaari okubhumba echaaro, ꞉aaramuuye okukorera emirimu obhwengeeso obhwo, inguru ya rikusyo ryeswe.

1 Bakorinto 4:1

Abhaanu bhachibhare ati eswe chiri bhakosi bha Kirisito, chiyaaywe emirimu ja okuraasya obhutinge bhwa imbisike ya Nyamuwanga bhunu bhwariga bhubhisirwe.

2 Bakorinto 1:11

Emwe musakirane na eswe mu‑kuchisabhirwa ku‑Nyamuwanga. Omwene koongwa risabhwa ryemwe na okuchiyaana amabhando. Kutyo, abhaanu bhaafu bharisiima Nyamuwanga inguru yeeswe, bhaakoongwa ati, aachiyaana obhwitiriranya okuruubhana na risabhwa ryemwe.

2 Bakorinto 3:12

Mbe, kwa okubha obhwo nibhwo obhwiyikanyo bhweswe, echikora kwa ribhaasi.

2 Bakorinto 6:11

Emwe Abhakoriito, chaayika na emwe abhwerubhweru, kwa okubha emyoyo jeeswe ni myeru kw‑imwe.

2 Bakorinto 7:4

Enaayika na emwe kwa ebhaasi nene, ka wone eniikuuya muno inguru yeemwe. Mwanfungʼamya muno na mwakora nibhe na rikonderwa enene, noorwo kutyo echinyaasibhwa muno.

2 Bakorinto 8:7

Muri bhaniibhi mu‑misango joone. Muri na eriikirisya, obhuturo bhwa okwayika kisi, obhumenyi, obhwikomeesya bhwafu bhwa okukora ja ekisi, na eryenda ryemwe kw‑iswe. Mbe, nyabhuriko, mubhe abhaniibhi ku‑mirimu ja obhwitiriranya ejo, ja okusakira abhandi.

Baefeso 1:9

꞉Aakorere kutyo, omwanya gunu ꞉aachisweruriiye imbisike ya okwenda kwaye, okuruubhana na obhukarariiye bhwaye okusookerera kara mu‑Kirisito.

Baefeso 3:9

Nyamuwanga ꞉aanaaye obhuturo bhwa okusomboorera abhaanu bhoone emisango ejo, korereki bhamenye kutyo Nyamuwanga arikuumisya obhutinge bhwa imbisike yaaye. Obhutinge obhwo, bhwariga bhubhisirwe okusookerera kara ku‑Nyamuwanga unu ꞉aabhumbire ebhiinu bhyone.

Bakolosai 2:2

Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

Bakolosai 4:3

Muchisabhirwe eswe wone, korereki Nyamuwanga achiigurire orwigi rwa okuraasya omusango gwaye inguru ya Kirisito gunu kara gwariga gubhisirwe. Anye nibhoyerwe inguru ya okuraasya omusango ogwo.

1 Batesalonika 2:2

Ka wone mumenyere ati omwanya gunu chaariga chichaari okukinga kw‑imwe, ꞉chaanyaasiibhwe muno na okufumwa mu‑musi gurya gwa Firiipi. Noorwo kw‑imwe ꞉chaayingiriiywe muno, nawe Nyamuwanga weeswe ꞉aachiyaaye ribhaasi rya okubharaasisya Emisango ja Ekisi.

1 Batesalonika 5:25

Woori, abhayiri bheeswe, muchisabhirwe eswe wone ku‑Nyamuwanga.

2 Batesalonika 3:1

Woori abhayiri bheeswe, muchisabhirwe korereki Emisango ja Ekisi inguru ya Raatabhugenyi Yeesu, jigenderere okuswirana bhwangu na abhaanu bhajiramire kwa echibharo, rwa kutyo jaariga jiri kw‑imwe.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Filemoni 1:22

Aamwi na ejo, unyiraabhire orubhaara orwa okwikara, kwa okubha eniiyikanya ati, mu‑kusabhwa kwemwe, Nyamuwanga arinsakira niije kw‑imwe.

Baeburania 13:18

Mugenderere okuchisabhirwa. Chimenyere chimari ati emitima jeeswe ni myeru, kwa okubha cheendere okukora jinu jiri ja obhurengeresi ku‑bhaanu bhoone.