Baefeso 6:17 - Indagano Inyaaya mu-Chijita

¹⁷ Mufware obhuchungusi rwa ingofiira ku‑mitwe, ka wone, muramire omusango gwa Nyamuwanga gunu guribha rwa imbanda ya Mwoyo waaye.

INDAGANO INYA:YA

¹⁷ Mugege na ingofira yo mweruro one, ne cinyambutu co Mwoyo, nigwo Musango gwa Nyamuanga.

Baefeso 6:17 ပူးပေါင်းရင်းမြစ်များ

Matayo 4:4

Nawe Yeesu ˆnaamusubhya ati, “Jikaamirwe mu‑Bhikaame Ebhyeru ati, ‘Obhurame bhwa omuunu bhutari ku‑bhyokurya era, tari mu‑kugayuka omusango gunu ogusooka mu‑kanwa ka Nyamuwanga.’”

Matayo 4:7

Nawe Yeesu ˆnaamusubhya ati, “Jikaamirwe rindi ati, ‘Waasiga okuregeeja Raatabhugenyi Nyamuwanga waawo.’”

Baefeso 5:26

꞉Aakorere kutyo, korereki aryesye kwa okuryosya mu‑manji ga obhubhatiijo na ku‑njira ya omusango gwa Nyamuwanga.

1 Batesalonika 5:8

Nawe eswe, chiri bhaana bha mu‑mwisi, kurwa ejo chiyingirire. Eriikirisya na eryenda bhibhe mu‑myoyo jeeswe. Okubha ebhiinu ebhyo, bhiri rwa ingubha ya echuuma ku‑bhifubha bhyeswe. Chiiyikanye wone ati, Nyamuwanga arichichungura, niwo echibha wuti chifwaye ingofiira ya echuuma ku‑mitwe.

Baeburania 4:12

Omusango gwa Nyamuwanga ni muwanga ka wone guri na amanaga okukira imbanda yooneyoone eya amoogi gabhiri. Rwa kutyo imbanda eyitura okusoma omuunu nikinga ku‑mawa gaaye, nikwo kutyo wone omusango gwa Nyamuwanga ogutura okusoma omuunu, nigwingira muno mu‑mwoyo gwaye, niguswerura jinu keeganirisya na jinu keenda.

Baeburania 6:5

Ka wone bhaamarire okumenya obhwa ekisi bhwa omusango gwa Nyamuwanga na amanaga ga obhutungi bhwa Nyamuwanga ku‑mwanya gunu aritunga echaaro choone echiyaaya.

Obhusweruro 1:16

Mu‑kubhoko kwaye kwa ebhuryo aariga ari na jinjota etaanu na ebhiri. Imbanda ya amoogi gabhiri yaariga nisooka mu‑kanwa kaaye. Obhusu bhwaye bhwariga nibhungʼarabhya rwa risuubha kutyo eriseekaana.

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.

Obhusweruro 19:15

Imbanda ya obhuugi eyisooka mu‑kanwa kaaye, korereki ku‑mbanda eyo ayige amaanga. Arigatunga kwa amanaga maafu. Aritajirira riswejisyo rya jijabhiibhu rinu eryeresya risungu rya Nyamuwanga owa obhuturo bhwone.

Obhusweruro 2:16

Mbe mute ebhibhiibhi bhyemwe! Mukarema okuta, niribhaaja‑ko bhwangu korereki nirwane na abhaanu abho ku‑mbanda inu eyisooka mu‑kanwa kaani.