Baefeso 5:11 - Indagano Inyaaya mu-Chijita

¹¹ Musigega okusangira ebhikorwa ebhibhiibhi bhya mu‑chisuute bhinu bhanyatagayuka abhakora. Akiri mubhiswerure, korereki bhibhe abhweru.

INDAGANO INYA:YA

¹¹ Mutasangiraga ne bikorwa bye cisu:te binu bitakutwasya matwasyo, nawe akiri mubigonye.

Baefeso 5:11 ပူးပေါင်းရင်းမြစ်များ

Matayo 18:15

“Araabha omwikirisya oweejaanyu aakakukayira, nuumujee‑ko umubhwire echikayo chaaye muri bhabhiri era. Araabha aakakuungwa, owubha usakiiye omuunu oyo okubha omwikirisya oweejaanyu rindi.

Ruuka 3:19

Niwo Yowana ˆnaagonya omukama Yeroode Atipaasi, kwa okubha Yeroode ꞉aagegere Yerodiya, omugasi wa owaabho, ˆnaamutwara. Yowana ˆnaamugonya ku‑musango ogwo na ku‑mabhiibhi agandi goone ganu aariga ˆnaakora.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Barumi 13:12

Woori, obhwire bhwaja okucha, mu‑mwisi yaafogera. Kurwa ejo, chisige ebhikorwa ebhibhiibhi bhinu ebhikorwa mu‑chisuute, na chigege ebhigwato bhya obhweru.

Barumi 16:17

Woori, abhayiri bhaani, enibhakomeeresya ati, mwikengega abhaanu bhanu ameeyigisyo geebhwe agakora abheekirisya bhaawukane makijumakiju, ka wone aganyamura eriikirisya na akatungiiywe keebhwe. Mubhe kura nabho, kwa okubha ameeyigisyo geebhwe agataasyanya na ganu ꞉mweeyigisiibhwe.

Barumi 6:21

Nawe angu, ꞉mwabhwene omuriiro ki okuruubhana na ebhikorwa bhyemwe ebhijabhi, bhinu woori ebhireterera murore jiswaro? Gutari‑mo omuriiro gwonegwone! Emisango ejo ejireeta orufu rwa akajaanende koone.

Bagalatia 6:8

Mbe, omuunu unu kaatangasibhwa na okurigira kwa omubhiri, niwe arigesa okusingaarisibhwa kwa okurigira okwo. Nawe unu kaatangasibhwa na Mwoyo Mweru, arigesa obhuwanga bhwa akajaanende koone okusooka ku‑Mwoyo oyo.

Baefeso 4:22

꞉Mweeyigisiibhwe okufuura jitungwa jeemwe jimbiibhi ja obhusimukwa, bhumuunu bhwemwe bhwa kara, bhunu obhunyamurwa na obhurigire bhwabho bhwa okujiga.

Baefeso 5:12

Okubha ebhikorwa bhinu abhakora mu‑mbisike ni swaro noorwo okubhyayika.

Baefeso 5:7

Kurwa ejo, musige okusangira aamwi nabho ku‑misango jeebhwe ejo.

Bakolosai 1:12

Ka wone, musiimega Raata Nyamuwanga, kwa okubha ꞉aabhayaaye obhuturo bhwa okusangira omwandu aamwi na abheeru bhaaye mu‑bhutungi bhwa obhweru.

1 Batesalonika 5:7

Mu‑ngeta nigwo omwanya gunu abhaanu abhawongera. Ka wone, nigwo omwanya gunu abhanywi bha obhwarwa, abhakorwa.

2 Batesalonika 3:14

Araabha omuunu woonewoone, atakwenda okuruubha emisango jeeswe jinu jiri ku‑nyarubha inu, mwikenge omuunu oyo. Musige okubha na obhumwi nage, korereki eesware.

2 Batesalonika 3:6

Abhayiri bheeswe, echibharagirira kw‑isiina rya Raatabhugenyi Yeesu Kirisito ati, mwikenge na abhayiri bhoone abharenga, bhanu bhatakuruubha ameeyigisyo ganu ꞉chaabhayaaye.

1 Timoteo 5:20

Nawe abhakaruka bhanu abhagenderera okukora ebhibhiibhi, ubhagonye imbere ya abhaanu abhandi bhoone, korereki abho wone bhoobhaye.

1 Timoteo 5:22

Waasiga okwiwuta okutuura omuunu ku‑mirimu ja Raatabhugenyi, kwa okubha ukatuura‑ko omuunu omubhiibhi ku‑mirimu ejo, awe wone owubha usangiiye ebhibhiibhi bhyaye. Wiyangarire omwene, korereki ugenderere okubha omweru.

1 Timoteo 6:5

ka wone nijo ejinyamura obhungwani siku joone. Abhaanu abho obhwenge bhwebhwe bhunyamukire, bhatari‑mo echimari mu‑myoyo jeebhwe. Abheetogera ati okwikara rwa kutyo Nyamuwanga keenda niyo injira ya okubhona obhuniibhi.

2 Timoteo 3:5

Abhaanu abho anja abhabhonekana ati abheekara rwa kutyo Nyamuwanga keenda, nawe mu‑myoyo jeebhwe abheegaana amanaga ga Nyamuwanga ganu agatura okuyindura jitungwa jeebhwe. Ikenga na abhaanu bha jitungwa ja ejaabho ejo.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Tiito 2:15

Mbe, iyigisya abhaanu emisango ejo, bhasimbiisye na okubhagonya ku‑bhuturo bhwone. Ka wone, omuunu woonewoone asige okukugaya.

Obhusweruro 18:4

Niwo ninuungwa obhuraka obhundi okusooka mu‑rwire nibhwayika ati, “Abhaanu bhaani, mumusooke‑ko, korereki mwasiga okusangira aamwi nage ebhibhiibhi bhyaye, ka wone korereki mwasiga okusangira aamwi nage jitambara jaaye.