Baefeso 5:10 - Indagano Inyaaya mu-Chijita

¹⁰ Muregeejega okwiyigira emisango jinu ejikondesya Raatabhugenyi.

INDAGANO INYA:YA

¹⁰ Mukomeresye binu Ratabugenyi kenda.

Baefeso 5:10 ပူးပေါင်းရင်းမြစ်များ

Barumi 14:18

Omuunu woonewoone unu kaakorera emirimu Kirisito ku‑njira eyo, kaakondisya Nyamuwanga, ka wone keekirisibhwa na abhaanu.

Bafilipi 1:10

korereki mubhe na obhuturo bhwa okwawura jinu jiri ja ekisi. Awo niwo muribha na emitima myeru, ka wone muribha mutari na esoro okukingira orusuku rurya Kirisito arisubha.

Bafilipi 4:18

Woori, ebhiinu bhirya bhyone ꞉mwayaanire Epafurodiito okundeetera, naabhiramiiye. Bhyeya ku‑bhukene bhwani bhwone, ka wone bhyafura okukira bhinu naariga niikena. Obhusakisi obhwo bhuri rwa echoogo cha ebhirange bhya ekisi, nicho echoogo chinu Nyamuwanga keekirisya na okwenda.

Bakolosai 1:10

Niwo muritura okurama rwa kutyo Raatabhugenyi Yeesu keenda na okumukondisya ku‑misango joone. Obhurame bhwemwe bhurimukondisya inguru ya emirimu jeemwe ja ekisi, ka wone murigenderera okukura mu‑kumenya Nyamuwanga.

1 Batesalonika 5:21

tari, muregeeje emisango joone ja obhuragi, nawe mugwate‑mo ja ekisi

1 Timoteo 2:3

Omusango ogwo ni gwa ekisi, ka wone gukondeeye Nyamuwanga Omuchungusi weeswe.

1 Timoteo 5:4

Nawe omutumbagasi woonewoone akabha ari na abhaana amwi abheechukuru, ejikenwa abhaana na abheechukuru abho nibho bhabhe bha okwamba okwiyigira okukora emirimu ja okusakira abhayiri bheebhwe. Ku‑njira eyo abhariya abheebhusi bheebhwe ku‑ja ekisi jinu abheene wone ꞉bhaabhakoreeye. Kutyo nikwo Nyamuwanga keenda.

Baeburania 12:28

Kurwa ejo, chisiimega Nyamuwanga, okubha eekirisya chibhega nichisangira obhukama bhwaye bhunu bhutakutikima. Chiramyega Nyamuwanga ku‑njira inu eyimukondisya na mu‑bhwikeeya na echibharo,

1 Petero 2:20

Ni chibharo ki chinu omubhona araabha mukeegumiirisya okuyaanwa ebhitiibha inguru ya ebhibhiibhi bhinu omukora? Nawe mukeegumiirisya ebhinyaasyo bhinu omubhona inguru ya okukora ja ekisi, ni musango gwa kisi muno ku‑Nyamuwanga.

1 Petero 2:5

Mumenye ati, emwe wone muri rwa amabhuyi amawanga, Nyamuwanga kaabhoombaka mubhe inju ya echinyamwoyo. Ka wone abhawuuwe na okubhakora mubhe abhagabhisi bhanu abhasoosya ebhyogo bhya echinyamwoyo bhinu ebhimukondisya ku‑njira ya Yeesu Kirisito.