Baefeso 4:31 - Indagano Inyaaya mu-Chijita

³¹ Musigane na obhururu bhwone, risungu, okubhiyirwa, inyombo, amafumo, aamwi na obhujabhi bhwone.

INDAGANO INYA:YA

³¹ Okurura kwone na risungu no kubiirwa, na inyombo, no kufuma bibaso:keko aamwi no rwango rwone.

Baefeso 4:31 ပူးပေါင်းရင်းမြစ်များ

Ebikorwa 21:30

Mbe, abhaanu nibhaamba okukora injogere mbaara joone ja omusi gwa Yerusareemu. Okusooka mbaara joone abhaanu abho nibhabhirimira Pawuro mw‑Iyekaru, nibhamukurumukira, nibhakurura Pawuro nibhamuwurusya anja na jinjigi jaaryo nijiigarwa kwa amanaga.

Barumi 3:14

“Mu‑minwa jeebhwe jiijuuye‑mo emisango ja echiyiimo, na emisango jinu ejiwutaasya.”

1 Bakorinto 14:20

Abhayiri bhaani mu‑riikirisya, mwasiga okwiganirisya rwa abhaana abharera, tari mwiganirisyega rwa abhaanu abhakuru. Nawe inguru ya obhubhiibhi, mubhe rwa abhaana abharera.

1 Bakorinto 5:8

Woori, chaasiga okukora ichikukuru ya Okwambuka kwa echifwimbya cha kara, nikwo okwayika ati kwa obhunyamuke na obhubhiibhi, tari chiikore kwa emikaate jinu jitakutuurwa‑mo echifwimbya, nikwo okwayika ati mu‑mutima gwa ekisi na mu‑chimari.

2 Bakorinto 12:20

Enuubhaya ati, omwanya gunu niribhaaja‑ko, amwi niribhasongʼana muri na akatungiiywe kanu katakunkondisya. Eryo ririreterera nikore jinu jitaribhakondera emwe. Enuubhaya ati enitura okubhasongʼana muri na inyombo, orwiso, risungu, orwango, okuromana, okwitemeeka, orwikuuya na injogere.

Bagalatia 5:20

okuramya amasusano, obhurosi, obhusoko, inyombo, okwigomba bhya abhandi, risungu, orwango, isoroore, okwitemyako,

Baefeso 4:22

꞉Mweeyigisiibhwe okufuura jitungwa jeemwe jimbiibhi ja obhusimukwa, bhumuunu bhwemwe bhwa kara, bhunu obhunyamurwa na obhurigire bhwabho bhwa okujiga.

Baefeso 4:25

Mbe, musige chimwi okubhwirana orubheeyi, mubhwiranega echimari bhuri muunu na oweejaabho, okubha bhuri owumwi weeswe ni chiwuga ku‑weejaabho.

Baefeso 4:26

Mukabhiyirwa mutaja okukora echibhiibhi, noorwo risuubha risige okugwa, risungu richaari okubheeka.

Bakolosai 3:19

Emwe abharume wone, mwendega abhagasi bheemwe, mwasiga okubha abharuru ku‑bheene.

Bakolosai 3:8

Nawe woori musige chimwi emisango ejo joone, aamwi na okubhiyirwa, risungu, obhujabhi, amafumo na emisango jinu jiri ja jiswaro jisige okusooka mu‑kanwa keemwe.

1 Timoteo 3:11

Abhagasi bheebhwe wone, bhabhe abha jitungwa ja ekisi, bhasige okubha abharomi bha abhaanu, bhabhe bha okwiyingirira, ka wone, bhabhe abheeyikanyibhwa mu‑misango joone.

1 Timoteo 3:3

Asige okubha omukorwa, asige okubha omurwani, tari abhe mworooro, abhe omwendi wa omurembe na asige okubha na inamba imbiibhi ya okubhona jipirya.

1 Timoteo 5:13

Aamwi na ejo, abheeyigira jitungwa ja obhurenga, bhutari bhurenga era, nawe ni bharomi na abhayengiyengi mu‑misi ja abhaanu abhandi. Jitari ejo era, abheeyingisya wone, mu‑misango ja abhaanu abhandi na okwayika emisango jinu jiteeyire.

2 Timoteo 2:23

Nawe wiikenge na jimamba ja echitaamutaamu, kwa okubha jitari‑mo omuriiro na owumenya ati ejo ejiibhura inyombo.

2 Timoteo 3:3

Ka wone, bhataryendaga omuunu woonewoone, bhataryendaga okugwatanyibhwa, bharibhaga abharomi bha abhaanu, bhatariyingirira, abharuru na bhataryendaga ebhikorwa bhya ekisi,

Tiito 1:7

Okubha omukaruka wa rikanisa, ni mwangarisi wa emirimu ja Nyamuwanga. Kutyo, kaakenʼywa abhe muunu unu atari‑ko esoro. Asige okubha na echigundu, asige okubha na risungu, asige okubha omukorwa, asige okubha omurwani, ka wone asige okubha na inamba imbiibhi ya okubhona jipirya.

Tiito 2:3

Kutyokutyo abhakwekuru wone, ubheeyigisye bhabhe na jitungwa jinu ejikusya Nyamuwanga. Bhasige okubha abharomi bha abhaanu, bhasige okubha abhakorwa, tari abhakenwa bheeyigisye ameeyigisyo ga ekisi.

Yakobo 1:19

Abhayiri bhaani abheendwa, muntegeresye kisi. Bhuri muunu abhe omwangu wa okuungwa, nawe asige okubha omwangu wa okwayika noorwo okubhiyirwa,

Yakobo 3:14

Nawe mukabha na orwiso, obhururu na orwango mu‑mitima jeemwe, musige okwikuuya ati muri na obhwengeeso, noorwo musige okwayika orubheeyi inguru ya echimari.

Yakobo 4:11

Bhayiri bhaani, musigega okuromana, kwa okubha unu kaaroma oweejaabho, amwi okuramura oweejaabho, oyo niwe kaabha agayire ebhiraagiro bhya Nyamuwanga. Omwanya gunu owikora okubha omuramusi wa ebhiraagiro keenu awe utari omuramusi waabhyo, niwo owubha utakubhigayuka, waabha omuramusi wa okuramura ebhiraagiro.

1 Petero 2:1

Mbe, musige obhujabhi bhwone, obhujigi bhwone, obhwirimaanya, orwiso noorwo okuroma oweejaanyu.

1 Yoana 3:12

Chisige okubha rwa omuunu urya kaatogwa ati Kayini unu aariga ari muunu wa Omubhiibhi urya, ka wone ꞉eetire Abheeri, omumura waabho. Ni kurwa ki ꞉aamwitire? Isonga ya okumwita niyo inu, ebhikorwa bhya Kayini bhyariga bhiri bhibhiibhi, nawe ebhya omumura waabho bhyariga bhiri bhya rirenga.

1 Yoana 3:15

Omuunu woonewoone unu kaasoka oweejaabho ni mwiti. Emwe mumenyere ati omwiti woonewoone wa abhaanu atari na obhuwanga bhwa akajaanende koone mu‑mwoyo gwaye.

Obhusweruro 12:10

Mbe, ninuungwa obhuraka obhunene okusooka mu‑rwire nibhwayika ati, “Woori, Nyamuwanga weeswe achungura abhaana bhaaye. Ku‑bhuturo bhwaye ambisya obhukama bhwaye! Eeresya obhuturo bhwa Kirisito waaye. Okubha omubhuusi wa abheekirisya abheejaasu eeserwe ku‑chaaro, omwene aariga ˆneemereeguru imbere ya Nyamuwanga okubhabhuura mu‑ngeta na mu‑mwisi.