Baefeso 4:29 - Indagano Inyaaya mu-Chijita

²⁹ Omusango gwonegwone omujabhi gusige okusooka mu‑kanwa keemwe, tari gwa ekisi gunu gwiyire okukomeesya bhanu bhari na obhukene, korereki bhanu abhaguungwa bhayaanwe obhwitiriranya.

INDAGANO INYA:YA

²⁹ Omusango gwone omujabi gusige kuso:ka mu kanwa kemwe, nawe jibe ejo bwana jinu jiire okukome:sya unu akenere, korereki banu abongwa bayanwe cigongo.

Baefeso 4:29 ပူးပေါင်းရင်းမြစ်များ

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Ruuka 4:22

Yeesu ejire aamara okwiyigisya, abhaanu bhoone nibhaayika ati, “Aayika emisango ja ekisi!” Nibharuguurira muno emisango jaaye ja obhwitiriranya jinu ꞉aayikire. Nibheeya nibhabhuusyanya ati, “Angu, unu atari niwe omwana wa Jejefu?”

Yowana 1:37

Abheeyigisibhwa bhabhiri abho bhejire bhoongwa emisango ejo, nibharuubha Yeesu.

Barumi 14:19

Kurwa ejo, chiikomeesye omwanya gwone okukora emisango jinu ejireeta omurembe na jinu ejirumatanya abheejaasu mu‑riikirisya ryeswe.

Barumi 15:2

Bhuri umwi weeswe, eekomeesye okukora emisango ja okukondisya omwikirisya oweejaabho, korereki weejaasu oyo, abhone omuriiro na arumatane mu‑riikirisya.

1 Bakorinto 14:19

nawe mw‑ikanisa eneenda muno okwayika mu‑bhwengeeso emisango etaanu jinu ejimenyekana korereki niiyigisye abhandi. Ogwo nigwo gwa ekisi muno okukira okwayika emisango ebhiwumbi ekumi mu‑nyaayika ingenyi.

Baefeso 4:12

꞉Aabhateeye‑wo bhakore abheeru bha Nyamuwanga bhabhe bhatengeejere inguru ya emirimu ja obhukosi, korereki rikanisa rya Kirisito ryumbakwe, eryo nigwo omubhiri gwaye.

Baefeso 4:16

Kirisito niwe kaagwatanya omubhiri gwone aamwi na omubhiri gwone ogumbakwa ku‑bhusakisi bhwa ebhiwuga ebhindi. Omwanya gunu bhuri chungo cha omubhiri echikora omurimu gwacho kisi, omubhiri gwone ogukura na bhuri chungo echeendana na echeejabho.

Bakolosai 4:6

Emisango jinu omwayika jibhe ja ekisi. Ka wone, jibhe ja okukongya, korereki mumenye okusubhya bhuri muunu kisi.

1 Batesalonika 5:11

Mbe, mugenderere okusimbiisyanya na okukomeesyanya emwe abheene kwa abheene, ka wone omusango ogwo nigwo omukora noorwo woori.

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

1 Petero 3:1

Nyabhuriko, emwe abhagasi bhanu mutwawe, mugayuke abharume bheemwe, korereki araabha bhari‑wo abharume bhanu bhatakwikirisya Emisango ja Ekisi, bhajiikirisye kwa okubha abharora jitungwa jeemwe ja ekisi. Kurwa ejo, abhatura okwikirisya Nyamuwanga noorwo bhatabhwiriiywe omusango.

2 Petero 2:18

Abhaayika emisango ja orwikuuya na jinu jitari na obhugajuro, na mu‑kuruubha okurigira kwebhwe okubhiibhi kwa orukubho, abhatega abhaanu bhakore kutyokutyo. Abhaanu bhanu abhategwa, bhaamamara okwikirisya na okusiga okukora jinu abhanyamusi abhakora.