Baefeso 4:21 - Indagano Inyaaya mu-Chijita

²¹ Enimenya chimari ati, ꞉mwoonguuwe ameeyigisyo inguru yaaye na okwiyigisibhwa kisikisi, kutyo echimari chiri mu‑Kirisito.

INDAGANO INYA:YA

²¹ Araba mwamunguywe nimwiigisibwa mu Mwene, rwe bye cimari kutyo biri mu Yesu.

Baefeso 4:21 ပူးပေါင်းရင်းမြစ်များ

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Ruuka 10:16

Niwo, Yeesu ˆnaabhabhwira abharuubhirisya bharya ati, “Omuunu unu kaabhategeresya emwe, kaategeresya anye. Omuunu unu kaabharema emwe, noorwo anye wone kaandema. Omuunu unu kaandema anye, kaarema noorwo unu ꞉aantumire.”

Yowana 1:17

Okubha, Nyamuwanga ꞉aasoosiisye ebhiraagiro bhyaye okutura ku‑Muusa, na woori asoosiisye obhwitiriranya bhwaye na echimari chaaye okutura ku‑Yeesu Kirisito.

Yowana 10:27

Jinaama jaani ejuungwa obhuraka bhwani. Anye nijimenyere, ejeene ejinduubha.

Yowana 14:17

Oyo niwe Mwoyo Mweru unu kaja okuswerurira abhaanu echimari. Abhaanu bha ku‑chaaro kunu bhatakutura okumuramira kwa okubha bhatakumurora, ka wone bhatakumumenya. Nawe emwe omumumenya Mwoyo oyo, kwa okubha eekaaye aamwi na emwe, ka wone kaja okubha mw‑imwe.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Barumi 10:14

Woori, abhaanu abhatura kutiki okumusabhwa araabha bhachaariga okumwikirisya? Ka wone, abhatura okumwikirisya kutiki araabha bhachaariga okuungwa emisango jaaye? Abhatura kutiki okuungwa emisango jaaye araabha omuunu achaariga okubharaasisya?

2 Bakorinto 1:20

Nikwo kutyo jiri, kwa okubha joone jinu Nyamuwanga ꞉aaragire, jaakuumira ku‑Yeesu Kirisito. Nikwo okukora okutura ku‑mwene, echaayika ati, “Jibhe kutyo,” inguru ya okukusya Nyamuwanga.

2 Bakorinto 11:10

Rwa kutyo echimari cha Kirisito chiri mu‑mwoyo gwani, atari‑wo omuunu noorwo umwi mu‑mukoowa gwone gwa Akaaya, unu kaatura okunyingirira okwikuuya inguru ya emisango ejo.

Baefeso 1:13

Emwe wone, bhanu mutari Bhayawudi ꞉mwoonguuwe omusango gwa echimari, nijo Emisango ja Ekisi ja obhuchungusi bhwemwe. Ka wone, mwejire mweekirisya Kirisito, Nyamuwanga ꞉aabhateeye‑ko orunabho kwa okubhayaana Mwoyo Mweru unu aariga abharagire. Kwa okukora kutyo, ꞉eeresiisye ati, muri abhaana bhaaye.

Baefeso 2:17

Kirisito ˆnaaja, ˆnaaraasya Emisango ja Ekisi inguru ya omurembe ku‑bhaanu bhoone, kw‑imwe bhanu mwariga muri kura na Nyamuwanga na ku‑Bhayisirayeeri, bhanu bhaariga bhari yeeyi nage.

Bakolosai 1:5

Eriikirisya ryemwe na eryenda ryemwe eryo, ebhiruubhana na obhwiyikanyo bhwemwe ati muriramira amabhando ganu Nyamuwanga abhabhiikiiye mu‑rwire. ꞉Mwoonguuwe inguru ya obhwiyikanyo obhwo omwanya gunu ꞉mwaraasisiibhwe omusango gwa echimari, nijo Emisango ja Ekisi.

Bakolosai 1:6

Emisango ja Ekisi jinu ꞉jaakingire kw‑imwe, woori ejiswirana mu‑chaaro choone. Ejigenderera okukora abhaanu bhatwasye amatwasyo na okukura echinyamwoyo, rwa kutyo ꞉jaakorekeene kw‑imwe okusookerera orusuku runu ꞉mwoonguuwe inguru ya obhwitiriranya bhwa Nyamuwanga na okusombookerwa kisi kutyo obhwitiriranya bhwaye bhuri.

Bakolosai 2:7

Mwimaririre mu‑mwene, mutuure obhurame bhwemwe mu‑mwene na okurumatana mu‑riikirisya rwa kutyo ꞉mweeyigiiye. Ka wone, mubhe abhaanu bhanu abhasiima Nyamuwanga bhuri mwanya.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.