Baefeso 4:14 - Indagano Inyaaya mu-Chijita

¹⁴ Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

INDAGANO INYA:YA

¹⁴ Cisige kuba ba:na bato:to rindi, niciyemusibwa nicigegwagegwa miyaga jo:ne ejo kwiigisya mu burigerige no bwengebwenge bwa ba:nu, banu abe:te:me:ka ebyo rurimi.

Baefeso 4:14 ပူးပေါင်းရင်းမြစ်များ

Matayo 11:7

Abheeyigisibhwa bha Yowana bhejire bhaasubha‑yo, Yeesu ˆnaamba okubhwira ebhise bhya abhaanu inguru ya Yowana. ˆNaabhabhuusya ati, “Omwanya gunu ꞉mwagendere ibhara, niki chinu ꞉mwagendere okuringira? Tere, ꞉mwagendere okuringira omuunu unu keekirisya emisango joone rwa orufunjo runu omuyaga ogusira enu na erya? Wuri!

Matayo 24:11

“Ku‑mwanya ogwo, bharibhaga nibheebhuka abharagi bhaafu bha orubheeyi, bhajige abhaanu bhaafu.

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

Ebikorwa 23:21

Nawe waasiga okubheekirisisya, kwa okubha abhaanu bhanu abhaambuka makumi gana abhamwiteganira. Bharayiiye ati bhatakurya noorwo okunywa bhachaari okumwita. Woori bhatengeejere, abharindirira ubheekirisisye risabhwa ryebhwe.”

1 Bakorinto 12:2

Mumenyere ati omwanya gunu mwariga muri bhanyamanga, ꞉mwajigirwe na okutangasibhwa okuramya amasusano, noorwo kutyo amasusano gatari na obhuwanga!

1 Bakorinto 14:20

Abhayiri bhaani mu‑riikirisya, mwasiga okwiganirisya rwa abhaana abharera, tari mwiganirisyega rwa abhaanu abhakuru. Nawe inguru ya obhubhiibhi, mubhe rwa abhaana abharera.

1 Bakorinto 3:19

Akore kutyo, kwa okubha obhwengeeso bhwa echaaro chinu, ni bhumuumu imbere ya Nyamuwanga. Jiri rwa kutyo jikaamirwe mu‑Bhikaame Ebhyeru ati, “Nyamuwanga kaakoma abha obhwengeeso mu‑bhurigerige bhwebhwe.”

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

Bagalatia 3:1

Emwe Abhagaraatiya, abhataamutaamu! Niga unu abharogere? ꞉Naabhabhwiriiye abhwerubhweru inguru ya Yeesu Kirisito okubhambwa ku‑musarabha.

Baefeso 6:11

Mugege ebhigwato bhyone bhya Nyamuwanga, korereki muture okuyingirira obhurigerige bhwa Syetaani na okwimereeguru tiritiri.

1 Timoteo 3:6

Ka wone, asige okubha omuunu unu aamamara okuchunguka, korereki aasiga okwikuuya. Okwikuuya okwo okutura okumukora aramurwe rwa kutyo Syetaani ꞉aaramuuywe.

2 Timoteo 1:15

Timoteewo, awe owumenya ati, abhaanu bhoone bha mu‑mukoowa gwa Asiya ꞉bhaansigire. Mu‑abho ari‑mo Fuugero na Erimogeene.

2 Timoteo 3:13

Nawe bhanu abhakora ebhibhiibhi na abhajigi, bharigenderera okukora ebhibhiibhi muno, bharibhaga nibhajiga na okujigwa.

2 Timoteo 4:3

Okubha guriija omwanya gunu abhaanu bharibhaga bhatakutegeresya ameeyigisyo ga echimari. Bharyenda okutegeresya ganu agabhakondisya era na okusora abheeyigisya bha okubheeyigisya ganu abheenda okuungwa.

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

Yakobo 1:6

Nawe omwanya gunu kaasabhwa Nyamuwanga, kaakenwa asabhwe mu‑riikirisya, asige okwitimaata, kwa okubha omuunu unu keetimaata, ari rwa rikonjo rya mu‑nyanja rinu erigegwa na omuyaga nigurisira eyi na eyi.

Yakobo 3:4

Rora na jingarabha wone, noorwo kutyo ni nene muno na ejikuurwa na omuyaga gwa amanaga, nawe ejiyindurwa na ingobhero inooto muno, okuja woonewoone enu omugofi keenda igende.

2 Petero 2:18

Abhaayika emisango ja orwikuuya na jinu jitari na obhugajuro, na mu‑kuruubha okurigira kwebhwe okubhiibhi kwa orukubho, abhatega abhaanu bhakore kutyokutyo. Abhaanu bhanu abhategwa, bhaamamara okwikirisya na okusiga okukora jinu abhanyamusi abhakora.

1 Yoana 2:19

Abhaanu abho, bhaariga bhachiri‑ko, nawe mbachisoka‑ko, kwa okubha bhaariga bhatari na obhumwi bhwa echimari na eswe. Okubha, araabha bhakabheeye na obhumwi obhwo na eswe, bhaakasigaaye kw‑iswe. Nawe ꞉bhaachisookere‑ko, korereki bhaswerurwe abhweru ati bhaariga bhatari na obhumwi bhwa echimari na eswe.

1 Yoana 2:26

Nibhakaamiiye emisango ejo, korereki okubhakengya inguru ya abhaanu bhanu abharegeeja okubhayabhya.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

Yuuda 1:12

Abhaanu abho, omwanya gunu omurya ebhiryo aamwi nabho mu‑bhugenyi bhwemwe bhwa eryenda, abharya keenu nibheegana abheene era, bhatakwiswara wuri. Abhaanu abho, bhari rwa ebhyaji bhya mu‑nyanja bhinu bhitakubhonekana, ni ngʼanga kw‑imwe. Bhatari na omuriiro gwonegwone, bhari rwa ameere ganu gatari‑mo amanji, omuyaga ogugayemba na okugasira woonewoone. Bhari rwa amati ganu gawungurukire, gafuuwe kwiya kabhiri, nikwo okwayika ati gatari na amatwasyo, na geeyirwe chimwi.

Obhusweruro 19:20

Nawe rityanyi, aamwi na omuragi omubheeyi unu ꞉aakorere ebhibharikisyo ku‑songa ya rityanyi eryo, ꞉bhaagwatirwe ngwatwa. Ku‑njira ya ebhiruguusyo bhinu omuragi oyo ꞉aakorere, aariga ajigire abhaanu bhanu bhaariga bhateeywe‑ko orunabho rwa rityanyi eryo na okuramya risusano ryaryo. Bhoone ku‑bhubhiri bhwebhwe nibheeswa bhari bhaanga mu‑nyanja ya omuriro omururu gwa emisimu ja echibhiriiti.