Baefeso 4:11 - Indagano Inyaaya mu-Chijita

¹¹ Omwene niwe ꞉aawuuwe abhaanu abhandi okubha jitumwa, abhandi abharagi, abhandi abharaasya, abhandi abhareefi na abheeyigisya.

INDAGANO INYA:YA

¹¹ Omwene nayana abandi okuba jintumwa, na bandi abaragi, na bandi abasimusi be Bigambo byo bwana, na bandi abare:fi na be:igisya,

Baefeso 4:11 ပူးပေါင်းရင်းမြစ်များ

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Ebikorwa 13:1

Mw‑ikanisa rya mu‑musi gwa Atiyookiya, bhaariga bhari‑mo abharagi na abheeyigisya. Mu‑bheene bhaariga bhari, Bharinaabha, Simiyooni unu aatogwaga Nigeeri, Ruukiyo okusooka Kureene, Manayeni unu aariga arereeywe aamwi na omukama Yeroode Atipaasi, na Saawuri.

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

Ebikorwa 21:8

Mwejo yende‑ko, nichiriinya mu‑ngarabha, nichikinga mu‑musi gwa Kayisaariya. Nichiikara mu‑nju ya Firipo, unu aariga ari muraasya wa Emisango ja Ekisi ja Yeesu. Aariga ari umwi wa abhasakisi bhataanu na bhabhiri bhanu ꞉bhaasorerwe Yerusareemu.

Barumi 12:7

Omuunu unu ayaaywe echiyaanwa cha okukorera emirimu abheejaabho, abhakorere emirimu kisi. Omuunu unu ayaaywe echiyaanwa cha okwiyigisya, eeyigisye kisi.

1 Bakorinto 12:4

Bhiri‑wo ebhiyaanwa bhya mbaga nyafunyafu, nawe Mwoyo unu kaagabha ebhiyaanwa ebhyo ni uryaurya.

Baefeso 2:20

Muri rwa inju inu yumbakirwe ku‑rufuka rwa jitumwa na abharagi. Kirisito Yeesu omwene, ari rwa ribhuyi rinene rya orufuka.

Baefeso 3:5

Nyamuwanga ꞉ataasweruuye obhutinge bhwa imbisike eyo, ku‑mayimbo agandi ganu gaayitingʼene, nawe woori ku‑njira ya Mwoyo Mweru asweruriiye jitumwa na abharagi bhaaye abheeru.

Baefeso 4:8

Nikwo okukora, Ebhikaame Ebhyeru ebhyayika ati, “Ejire aariinya inguru, ꞉aagwatire abhasoko, ˆnaayaana abhaanu ebhiyaanwa.”

2 Timoteo 4:5

Nawe awe, ikenga ejo joone, igumiirisya mu‑bhinyaasyo, ukore emirimu ja okuraasya Emisango ja Ekisi, ukore ekisi mu‑bhukosi bhwawo bhwone.

Baeburania 5:12

Ku‑mwanya gunu emwe mwari mwenderwe okubha abheeyigisya ku‑bheejaanyu, nawe mucheenda omuunu wa okubheeyigisya ameeyigisyo ga ku‑bhwambiro ga omusango gwa Nyamuwanga! Mbe, muri rwa abhaana abharera bhanu abhanywa amata era, nawe bhatakutura okurya ebhiryo bhikomeeye.

Yuuda 1:17

Nawe emwe abheendwa bhaani, mwichukega emisango jinu jitumwa ja Raatabhugenyi weeswe Yeesu Kirisito ꞉bhaayikire kara.

Obhusweruro 18:20

Mukonderwe emwe bhanu mwikaaye mu‑rwire. Mukonderwe, emwe abheeru bha Nyamuwanga, jitumwa na abharagi, kwa okubha Nyamuwanga aasoosya indamu ku‑musi ogwo ku‑jinu ꞉gwabhakoreeye.

Obhusweruro 21:14

Indugu eyo, yaariga yumbakirwe ku‑mabhuyi ekumi na gabhiri ga orufuka. Bhuri ribhuyi ryariga rikaamirwe‑ko risiina rya owumwi wa jitumwa ekumi na bhabhiri bha Omwana wa Inaama.