Baefeso 4:10 - Indagano Inyaaya mu-Chijita

¹⁰ Omwene oyo, unu ꞉eekire emwaro muno, oyooyo niwe wone ꞉aariinyire inguru okukira orwire rwone, korereki eejure mu‑bhiinu bhyone bhinu bhiri mu‑rwire na mu‑chaaro.

INDAGANO INYA:YA

¹⁰ Unu e:kire niwe oyo arinyire inguru muno kukira orwire rwone, korereki aku:misye byone,

Baefeso 4:10 ပူးပေါင်းရင်းမြစ်များ

Matayo 24:34

Ni chimari enibhabhwira ati, riyimbo rinu ritariwaa‑wo emisango ejo joone jichaari okukorekana.

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Yowana 1:16

Okuruubhana na obhukuumiiye bhwa omuunu oyo, chiyaaywe obhwitiriranya obhundi ku‑bhundi.

Yowana 19:24

Mbe, nibhaayikana ati, “Chisige okutemura omwingiro gunu, tari chigwitongisye, chirore ati, oguja okubha gwa ga.” Ejo ꞉jaakorekeene korereki jikuumire jinu jikaamirwe mu‑Bhikaame Ebhyeru ati, “꞉Bhaagabheene emyenda jaani, na okwitongya inguru ya omwingiro gwani.” Nikwo kutyo abhasirikare abho ꞉bhaakorere.

Yowana 19:28

Mbe, Yeesu ˆnaasombookerwa ati aariga aamarire okukora emirimu jaaye joone. Mbe, ˆnaayika ati, “Obhwiro bhwanyita.” Kurwa ejo, nijikuumira jinu jikaamirwe mu‑Bhikaame Ebhyeru.

Yowana 19:36

Ejo ꞉jaakorekeene korereki jikuumire jinu jikaamirwe mu‑Bhikaame Ebhyeru ati, “Ritari‑wo riiwa ryaye noorwo rimwi rinu riribhutuka.”

Ebikorwa 1:11

Nibhaayika ati, “Emwe abhaanu bha Gariraaya, ni kurwa ki mwimereeguuyu anu keenu omuroreerera ku‑rutumba? Yeesu unu aagegwa okusooka kw‑imwe okugenda mu‑rwire, arisubha rindi, rwa kutyo mwamurora ˆnaagenda.”

Ebikorwa 1:9

Yeesu ejire aamara okwayika ejo ku‑tumwa jaaye, ˆneengʼengibhwa okugenda mu‑rwire. Eriire nirimuswikira, ꞉bhataamurorere rindi.

Ebikorwa 2:33

Nyamuwanga ꞉aamwinamusiisye na okumuriinyya ku‑chibharo cha inguru, woori eenyanjire orubhaara rwaye rwa ebhuryo. Ka wone Raata Nyamuwanga ayaaye Yeesu Mwoyo Mweru rwa kutyo ꞉aamuragire. ꞉Aachiitururiiye Mwoyo Mweru, ebhikorwa bhyaye, nibhyo bhinu omurora na okuungwa.

Ebikorwa 3:18

Nawe, ꞉jaakorekeene kutyo korereki Nyamuwanga akuumisye emisango jinu ꞉aaragire okutura ku‑bharagi bhoone ati, Kirisito waaye arinyaasibhwa.

2 Bakorinto 12:2

Enisombookerwa omwikirisya umwi, unu emiguuga ekumi na ena jinu ꞉jaaturire, ꞉aagegerwe ˆnaasirwa mu‑rwire rwa inguru muno. Nitakumenya ati ꞉aagegerwe ari mu‑mubhiri gunu, amwi ati aariga atari mu‑mubhiri gunu. Nyamuwanga wenyere niwe amenyere.

Baefeso 3:19

Enibhasabhirwa ku‑Nyamuwanga mubhe na obhuturo bhwa okumenya eryenda rya Kirisito, noorwo kutyo ni nene muno mutakutura okurisombookerwa ryone kisi. Enisabhwa kutyo, korereki mwijusibhwe obhurame bhunu bhukuumiiye okusooka ku‑Nyamuwanga.

Bakolosai 1:19

Nikwo kutyo, kwa okubha ꞉jaakondeeye Nyamuwanga ati, obhukuumiiye bhwaye bhwone bhubhe mu‑Mwana waaye.

Bakolosai 2:9

kwa okubha obhukuumiiye bhwone bhwa Nyamuwanga bhuri mu‑mwene, mu‑mubhiri gwa echinyamuunu.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Baeburania 4:14

Mbe, chiri na Omugabhisi Omukuru unu ꞉aagendere na okwingira mu‑rwire, niwe Yeesu Omwana wa Nyamuwanga. Ku‑songa eyo, chigwatirire jinu echiikirisya.

Baeburania 7:26

Omugabhisi Omukuru wa imbaga eyo keendwa muno kw‑iswe, kwa okubha omwene ni Mweru, atari na esoro, noorwo ꞉ataakorere echibhiibhi choonechoone. Nyamuwanga ꞉aamukindikire okusooka ku‑bhakosi bha ebhibhiibhi, ˆnaamwinamusya okuja mu‑rwire.

Baeburania 8:1

Omusango omunene mu‑joone ejo nigwo gunu. Eswe chiri na Omugabhisi Omukuru wa imbaga eyo, unu eenyanjire mu‑rwire eyo, orubhaara rwa ebhuryo rwa echitebhe cha ingʼoma cha Nyamuwanga owa obhuturo bhwone.