Baefeso 2:20 - Indagano Inyaaya mu-Chijita

²⁰ Muri rwa inju inu yumbakirwe ku‑rufuka rwa jitumwa na abharagi. Kirisito Yeesu omwene, ari rwa ribhuyi rinene rya orufuka.

INDAGANO INYA:YA

²⁰ Okuba mwombakirwe ku musingi gwa jintumwa na baragi, ribui rinene erya ku sonde niwe Kristo omwene.

Baefeso 2:20 ပူးပေါင်းရင်းမြစ်များ

Matayo 16:18

Anye enikubhwira ati, awe Peetero uri rutare, inguru ya orutare runu, nikwo niryumbaka rikanisa ryani, noorwo amanaga ga nyombe gataririyiga wuri.

Matayo 21:42

Niwo Yeesu ˆnaabhabhwira ati, “Angu, muchaariga okusoma jinu jikaamirwe mu‑Bhikaame Ebhyeru? Jikaamirwe ati, ‘Ribhuyi rinu abhoombaki ꞉bhaaremere, niryo ryabha ribhuyi rinene rya orufuka. Raatabhugenyi niwe aakora ogwo, ogwo ni musango gwa okuruguusya kw‑iswe.’”

1 Bakorinto 12:28

Nyamuwanga ateeye mw‑ikanisa, bha okwamba jitumwa, bha kabhiri abharagi, bha kasatu abheeyigisya. Wone ateeye bhanu abhakora ebhiruguusyo, bhanu bhari na echiyaanwa cha okuwosya abharwaye, bhanu bhari na echiyaanwa cha okusakira abhandi, bhanu bhari na echiyaanwa cha okutangasya, na bhanu bhari na echiyaanwa cha okwayika jinyaayika jingenyi.

Bagalatia 2:9

Mbe Yakobho, Peetero na Yowana, nibho bhaariga bhari abhatangasya abhakuru, nibhasombookerwa ati Nyamuwanga niwe ꞉aanaaye emirimu jinu ku‑bhwitiriranya bhwaye. Kurwa ejo, nibhachiyaana amabhoko, anye na Bharinaabha rwa echibharikisyo cha obhusangi. ꞉Cheekirisyanyiisye nabho ati eswe chigende okukora emirimu ku‑bhanu bhatari Bhayawudi, na abheene bhakore emirimu ku‑Bhayawudi.

Baefeso 3:5

Nyamuwanga ꞉ataasweruuye obhutinge bhwa imbisike eyo, ku‑mayimbo agandi ganu gaayitingʼene, nawe woori ku‑njira ya Mwoyo Mweru asweruriiye jitumwa na abharagi bhaaye abheeru.

Bakolosai 2:7

Mwimaririre mu‑mwene, mutuure obhurame bhwemwe mu‑mwene na okurumatana mu‑riikirisya rwa kutyo ꞉mweeyigiiye. Ka wone, mubhe abhaanu bhanu abhasiima Nyamuwanga bhuri mwanya.

1 Petero 2:6

Okubha mu‑Bhikaame Ebhyeru jikaamirwe ati, “Murore, enituura ribhuyi rinene rya orufuka mu‑musi gwa Sayuuni, ka wone niryo ribhuyi rya obhurambu obhunene rinu ꞉naasorere. Omuunu woonewoone unu ariikirisya unu ari ribhuyi eryo atariiswasibhwa noorwo na akatyari!”

Obhusweruro 21:14

Indugu eyo, yaariga yumbakirwe ku‑mabhuyi ekumi na gabhiri ga orufuka. Bhuri ribhuyi ryariga rikaamirwe‑ko risiina rya owumwi wa jitumwa ekumi na bhabhiri bha Omwana wa Inaama.