Baefeso 2:18 - Indagano Inyaaya mu-Chijita

¹⁸ Okubha omwene oyo, achiyaaye eswe bhoone, Mwoyo Mweru korereki chifogere ku‑Raata Nyamuwanga.

INDAGANO INYA:YA

¹⁸ Okuba kubwoyo eswe cabwene injira yo kumufugerera Rata mu Mwoyo umwi.

Baefeso 2:18 ပူးပေါင်းရင်းမြစ်များ

Matayo 28:19

Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru,

Yowana 10:7

Mbe, Yeesu ˆnaabhabhwira rindi ati, “Ni chimari enibhabhwira ati, anye naanye rirango rinu jinaama ejitura‑mo okwingirira mw‑igutu.

Yowana 10:9

Anye naanye rirango eryo. Woonewoone unu keengira mw‑igutu okutura kw‑anye arichungurwa, ka wone aribha na obhwitaage bhwa okuwuruka na okwingira, na okugenda okureebha mu‑bhureebho bhwa ekisi.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Barumi 5:2

Ku‑njira ya okwikirisya Yeesu, Nyamuwanga achiyaaye obhwitiriranya bhwaye. Noorwo woori echigenderera okuramira obhwitiriranya obhwo. Echikonderwa muno, kwa okubha echiiyikanya ati chirisangira aamwi na Nyamuwanga mw‑ikusyo ryaye.

Barumi 8:15

Nyamuwanga ꞉ataabhayaaye Mwoyo Mweru, korereki mubhe rindi abhagaya bhanu abhamuubhaya, tari ꞉aabhayaaye Mwoyo Mweru, korereki mubhe abhaana bhaaye. Mwoyo oyo, niwe kaachiyaana obhuturo bhwa okubhirikira Nyamuwanga ati, “Abha,” obhugajuro bhwaryo “Raata!”

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

1 Bakorinto 8:6

Nawe kw‑iswe, ari‑wo Nyamuwanga umwi wenyere, niwe Raata, niwe ꞉aabhumbire ebhiinu bhyone. Eswe chiikaaye inguru yaaye. Ka wone ari‑wo Raatabhugenyi umwi wenyere, niwe Yeesu Kirisito, na ebhiinu bhyone ꞉bhyabhumbirwe okutura ku‑mwene, ka wone eswe chiri bhaanga okutura ku‑mwene.

Bagalatia 4:6

Mbe, kwa okubha chiri bhaana bha Nyamuwanga, omwene ꞉aatumire Mwoyo wa Omwana waaye mu‑myoyo jeeswe. Mwoyo oyo, niwe kaakora chibhirikire Nyamuwanga ati “Abha,” obhugajuro bhwaryo “Raata.”

Baefeso 3:12

Mbe, mu‑kubha na obhumwi na Kirisito na ku‑njira ya eriikirisya ryeswe ku‑mwene, chiri na obhuturo, obhwitaage na ribhaasi rya okufogerera Nyamuwanga.

Baefeso 3:14

Kurwa ejo, eniifukama imbere ya Raata Nyamuwanga na okubhasabhirwa.

Baefeso 4:4

Guri‑wo omubhiri gumwi, ari‑wo Mwoyo Mweru umwi, rwa kutyo mwabhirikiiywe mubhe na obhwiyikanyo bhumwi bhunu Nyamuwanga achibhirikiriiye.

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

Bakolosai 1:12

Ka wone, musiimega Raata Nyamuwanga, kwa okubha ꞉aabhayaaye obhuturo bhwa okusangira omwandu aamwi na abheeru bhaaye mu‑bhutungi bhwa obhweru.

Baeburania 7:19

꞉Aarisoosiisye‑wo, kwa okubha ebhiraagiro bhya Muusa bhyariga bhitari na obhuturo bhwa okukuumisya omusango gwonegwone. Nawe woori, Nyamuwanga achiyaaye obhwiyikanyo obhundi bhwa ekisi muno, bhunu obhuchikora chibhe ayeeyi nage.

Yakobo 3:9

Ku‑njira ya orurimi echikuuya Raata, oyo niwe Raatabhugenyi weeswe, nyabhuriko, ku‑njira ya orurimi orwoorwo echiiyiima abhaanu bhanu Nyamuwanga abhumbire mu‑rususo rwaye.

1 Petero 1:17

Omwanya gunu omusabhwa, omubhirikira Nyamuwanga ati Raata. Omwene atari na isoroore ku‑muunu woonewoone. Ariramura abhaanu bhoone okuruubhana na ebhikorwa bhinu bhakorere. Kurwa ejo, mwikare nimuramya Nyamuwanga omwanya gunu gusigaaye emwe okwikara ku‑chaaro kunu.

1 Petero 1:21

Okutura ku‑Yeesu Kirisito, woori emwe omwikirisya Nyamuwanga, unu ꞉aamusuuruuye okusooka mu‑bhafuuwe na okumuyaana rikusyo. Ogwo nigwo ogukora eriikirisya na obhwiyikanyo bhwemwe bhubhe ku‑Nyamuwanga.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

Yuuda 1:20

Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.