Baefeso 2:11 - Indagano Inyaaya mu-Chijita

¹¹ Kurwa ejo, mwichuke ati, omwanya gunu guturire, emwe mwariga muri bhaanu bhanu bhatari Bhayawudi ku‑bhwibhurwa. Abhayawudi abhabhatoga ati “bhanyatatendwa,” kwa okubha abheene abheetoga ati “abhatendwa.” Okutendwa okwo okukorwa na abhaanu ku‑mubhiri.

INDAGANO INYA:YA

¹¹ Mbe mwicuke ati, emwe mwariga muri ba:maanga mu mubiri kara, banu mwatogwaga Batatendere na banu batogwaga Abatende mu mubiri, kunu okukorwa na mabako

Baefeso 2:11 ပူးပေါင်းရင်းမြစ်များ

Matayo 20:7

Abheene nibhamusubhya ati, ‘Ni kwa okubha atari‑wo omuunu unu achiyaaye emirimu.’ Omwene ˆnaabhabhwira ati, ‘Emwe wone mugende okukora emirimu mw‑isambu ryani rya emijabhiibhu.’

Barumi 11:17

Woori, amatabhi amarebhe ga omujeyituuni ꞉gaatemerwe, na amatabhi agandi ga omujeyituuni gwa ibhara nigongwa‑ko, nigabha agati ya amatabhi ga obhusimukwa ga omujeyituuni gunu. Amatabhi goone agabhona ebhiryo okusooka ku‑misi jiryajirya ja omujeyituuni. Woori emwe, neemwe amatabhi ga omujeyituuni gwa ibhara.

Barumi 2:26

Kurwa ejo, omuunu unu atatenderwe, araabha kaakora rwa kutyo ebhiraagiro ebhiragirira, Nyamuwanga kaamwikirisya rwa omuunu unu atenderwe.

Barumi 2:27

Abhaanu bhanu bhatari Bhayawudi ꞉bhataatenderwe, nawe araabha abhakora rwa kutyo ebhiraagiro ebhiragirira, ebhikorwa bhyebhwe nibhyo ebhikusoosisya obhubhambaasi ati, awe Omuyawudi uri mukosi wa ebhibhiibhi. Uriramurwa, kwa okubha awe Omuyawudi utenderwe, ka wone owumenya ebhiraagiro bhya Nyamuwanga, nawe owubhinyamura.

1 Bakorinto 12:2

Mumenyere ati omwanya gunu mwariga muri bhanyamanga, ꞉mwajigirwe na okutangasibhwa okuramya amasusano, noorwo kutyo amasusano gatari na obhuwanga!

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

Bagalatia 2:15

Chimari, obhusimukwa bhweswe chiri Bhayawudi, chitari rwa bhanu bhatari Bhayawudi bhanu echitoga ati, “abhakosi bha ebhibhiibhi.”

Bagalatia 6:12

Abhaanu bhanu abhabhasinyiirisya mutendwe, abheenda mukore kutyo, korereki Abhayawudi bhabhayaane echibharo. Abheenda bhasige okunyaasibhwa inguru ya okuraasya emisango ja omusarabha gwa Kirisito.

Baefeso 2:2

Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.

Baefeso 5:8

Okubha, omwanya gunu guturire, emwe mwariga muri chisuute, tari woori anu muri bhweru mu‑kubha na obhumwi na Raatabhugenyi. Mbe muramega rwa abhaana bha obhweru,

Bafilipi 3:3

Eswe neeswe chitenderwe echinyamwoyo kwa okubha Mwoyo wa Nyamuwanga kaachisakira kutyo jiiyire chiramye Nyamuwanga. Eswe echikuuyisya Kirisito Yeesu na okumwiyikanya. Ka wone chitakwiyikanya ebhikorwa bhyeswe bhya echinyamubhiri korereki chibhone obhuchungusi,

Bakolosai 1:21

Emwe wone ku‑mwanya gunu guturire mwariga muri kura na Nyamuwanga. Mwariga muri bhasoko bhaaye mu‑bhwiganirisya bhwemwe obhubhiibhi bhunu obhuretereraga jitungwa jeemwe jimbiibhi. Nawe woori, abhagwatanyiisye aamwi nage

Bakolosai 2:11

Omwanya gunu ꞉mwabheeye na obhumwi na Kirisito, omwene ꞉aabhatendere, nikwo okwayika ati, ꞉aabhafuurire bhumuunu bhwemwe bhwa ebhibhiibhi. Okutenda okwo ꞉kutaakorerwe kwa amabhoko ga abhaanu, tari ku‑njira yaaye omwene.

Bakolosai 2:13

Muchaari okwikirisya Kirisito, mwariga mufuuwe inguru ya ebhibhiibhi bhyemwe, ka wone ꞉mutatenderwe bhumuunu bhwemwe bhwa ebhibhiibhi. Nawe Nyamuwanga ꞉aabhayaaye obhuwanga aamwi na Kirisito na ꞉aachifwiriiye echigongo ebhibhiibhi bhyeswe bhyone.

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.