Baefeso 2:1 - Indagano Inyaaya mu-Chijita

¹ Emwe mwariga mufuuwe echinyamwoyo, inguru ya bhunyatagayuka bhwemwe na ebhibhiibhi bhyemwe.

INDAGANO INYA:YA

¹ Nemwe one mwariga mufu:ye kurwe bikayo byemwe ne bibi:bi byemwe,

Baefeso 2:1 ပူးပေါင်းရင်းမြစ်များ

Matayo 8:22

Yeesu ˆnaamusubhya ati, “Awe nuunduubhe, siga bhanu bhafuuwe echinyamwoyo bhasiike abhafuuwe bheebhwe.”

Ruuka 15:24

kwa okubha omwana waani unu, aariga afuuwe, woori anu aasuuruka. Aariga abhurire, woori anu aabhonekana rindi!’ Mbe, bhoone nibhaamba okusandabha.

Ruuka 15:32

Nawe omutooto waawo unu, jeenderwe chimukorere obhugenyi, chikonderwe na okusandabha aamwi. Okubha aariga ari wuti afuuwe, woori anu aasuuruka. Aariga abhurire, woori anu, aabhonekana rindi!’”

Yowana 10:10

Omwifi kaaja mw‑igutu korereki eebhe, eete na okusingaarisya jinaama. Nawe anye niijire korereki jibhe na obhuwanga, ka wone jibhe nabhwo bhwafu.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 5:21

Rwa kutyo Raata kaasuurura abhafuuwe na okubhayaana obhuwanga, nikwo kutyo Omwana wone kaayaana obhuwanga bhwa akajaanende koone abhaanu bhanu omwene keenda ayaane.

Yowana 5:25

Ni chimari enibhabhwira ati, omwanya oguuja, ka wone gwakingire, gunu abhafuuwe bharyungwa obhuraka bhwa Omwana wa Nyamuwanga. Niwo abhaanu bhanu bharibhaga nibhamutegeresya, bharibhaga na obhuwanga bhwa akajaanende koone.

Barumi 8:2

Ku‑njira ya okubha na obhumwi na Kirisito Yeesu, amanaga ga Mwoyo Mweru unu kaareeta obhuwanga bhwa akajaanende koone, gankorere nibhe na obhwitaage, korereki nisige okutungwa na amanaga ga ebhibhiibhi na orufu.

1 Bakorinto 15:45

Mu‑Bhikaame Ebhyeru jikaamirwe ati, “Omuunu wa okwamba, Adaamu, ꞉aabhumbirwe ˆnaabha omuunu omuwanga,” nawe Adaamu wa obhuteero, Kirisito, niwe Mwoyo unu kaayaana abhaanu obhuwanga.

2 Bakorinto 5:14

Eryenda rya Kirisito erichisinyiirisya, okubha chimenyere ati omuunu umwi ꞉aafuuwe inguru ya abhaanu bhoone, obhugajuro bhwagwo ni ati, abhaanu bhoone ꞉bhaafuuwe.

Baefeso 4:18

Obhusombookerwa bhwebhwe bhuri‑mo echisuute, bhakindikirwe kura okusooka ku‑bhuwanga bhwa Nyamuwanga, ku‑songa ya obhumuumu bhunu bhubhari‑mo okuruubhana na obhukomeeye bhwa emyoyo jeebhwe.

Baefeso 5:14

Nikwo okukora ejaayikwa ati, “Rafya awe, unu uwongeeye. Usuuruke okusooka mu‑bhafuuwe, Kirisito arikungʼarabhisya obhweru.”

Bakolosai 2:13

Muchaari okwikirisya Kirisito, mwariga mufuuwe inguru ya ebhibhiibhi bhyemwe, ka wone ꞉mutatenderwe bhumuunu bhwemwe bhwa ebhibhiibhi. Nawe Nyamuwanga ꞉aabhayaaye obhuwanga aamwi na Kirisito na ꞉aachifwiriiye echigongo ebhibhiibhi bhyeswe bhyone.

1 Timoteo 5:6

Nawe omutumbagasi unu atakutura okwiyangarira, oyo ari rwa omufuuwe noorwo kutyo kaabhonekana okubha omuwanga.

1 Yoana 3:14

Eswe chimenyere ati chaasookere mu‑managa ga orufu na woori chiri na obhuwanga bhwa akajaanende koone. Echimenya kutyo, kwa okubha woori echeenda abheejaasu. Omuunu woonewoone unu atakwenda abheejaabho, oyo chimari achaari mu‑managa ga orufu.

Obhusweruro 3:1

Niwo omuunu oyo ˆnaagenderera okwayika, ˆnaambwiraga ati, “Ukaamire maraayika wa mw‑ikanisa rya Sariidi kutya, Anye, naanye nitungire emyoyo etaanu na ebhiri ja Nyamuwanga na niri na jinjota etaanu na ebhiri jirya. Mutegeresye jinu enibhabhwira! Enimenya ebhikorwa bhyemwe. Muri na jikuma ja okubha abhaanga echinyamwoyo, keenu mufuuwe.