Baefeso 1:23 - Indagano Inyaaya mu-Chijita

²³ Woori, rikanisa riri rwa omubhiri gwaye, riijuuye obhurame na amanaga gaaye. Omwene kaakuumisya joone ku‑bhuturo bhwaye.

INDAGANO INYA:YA

²³ nigwo omubiri gwae, nikwo okukumira kwa Oyo kakumisya byone mu byone.

Baefeso 1:23 ပူးပေါင်းရင်းမြစ်များ

Yowana 1:16

Okuruubhana na obhukuumiiye bhwa omuunu oyo, chiyaaywe obhwitiriranya obhundi ku‑bhundi.

Barumi 13:5

Kurwa ejo, omukenwa okuyaana echibharo abhatangasya bha echaaro. Mwasiga okubhayaana echibharo era ku‑songa ya okuubhaya risungu rya Nyamuwanga, tari mubhayaane echibharo kwa okubha omumenya kisi mu‑mitima jeemwe ati, Nyamuwanga keenda mukorega kutyo.

1 Bakorinto 12:6

Ka wone echikora emirimu ja mbaga nyafunyafu, nawe Nyamuwanga unu kaayaana bhoone obhuturo bhwa okukora emirimu joone ni uryaurya.

1 Bakorinto 15:28

Omwanya gunu ebhiinu bhyone bhiribha bhiteeywe emwaro ya obhutungi bhwa Omwana waaye, niwo wone Omwana ariituura emwaro ya obhutungi bhwa Nyamuwanga, unu ateeye ebhiinu bhyone emwaro ya obhutungi bhwa Omwana waaye, korereki Nyamuwanga abhe omutungi wa bhyone.

Baefeso 2:16

Ku‑njira ya orufu rwaye ku‑musarabha, ꞉aasingaarisiisye obhusoko, ˆnaagwatanya aamwi abhaanu bhabhiri okubha omuunu umwi na okubhagwatanya bhoone ku‑Nyamuwanga.

Baefeso 3:10

Obhukarariiye bhwa ejo, ni ati, ku‑njira ya rikanisa, obhwengeeso bhwafu bhwa bhuri mbaga bhwa Nyamuwanga kutyo bhuri, bhumenyekane ku‑bhutungi na ku‑bhuturo mu‑chaaro chinyatarorwa.

Baefeso 3:19

Enibhasabhirwa ku‑Nyamuwanga mubhe na obhuturo bhwa okumenya eryenda rya Kirisito, noorwo kutyo ni nene muno mutakutura okurisombookerwa ryone kisi. Enisabhwa kutyo, korereki mwijusibhwe obhurame bhunu bhukuumiiye okusooka ku‑Nyamuwanga.

Baefeso 4:10

Omwene oyo, unu ꞉eekire emwaro muno, oyooyo niwe wone ꞉aariinyire inguru okukira orwire rwone, korereki eejure mu‑bhiinu bhyone bhinu bhiri mu‑rwire na mu‑chaaro.

Baefeso 4:12

꞉Aabhateeye‑wo bhakore abheeru bha Nyamuwanga bhabhe bhatengeejere inguru ya emirimu ja obhukosi, korereki rikanisa rya Kirisito ryumbakwe, eryo nigwo omubhiri gwaye.

Baefeso 4:13

Obhukosi obhwo, bhurigenderera okukingira eswe bhoone, chigwatanyibhwe mu‑riikirisya ryeswe na okusombookerwa kisi Omwana wa Nyamuwanga. Niwo chirirumatana na chirikuumira na okubha rwa kutyo Kirisito ari.

Baefeso 4:4

Guri‑wo omubhiri gumwi, ari‑wo Mwoyo Mweru umwi, rwa kutyo mwabhirikiiywe mubhe na obhwiyikanyo bhumwi bhunu Nyamuwanga achibhirikiriiye.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

Bakolosai 2:19

Abhaanu abho bheekindikire okusooka ku‑Kirisito omutangasya wa rikanisa, niwe omutwe gwa omubhiri gwaye. Kirisito niwe kaariisya na okugwatanya aamwi ebhiwuga na jinga joone. Ku‑njira eyo, omubhiri gwaye gwone ogukura kisi rwa kutyo Nyamuwanga keenda.

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

Bakolosai 3:15

Omurembe gwa Kirisito gutunge mu‑myoyo jeemwe. Emwe mubheeye omubhiri gumwi, kurwa ejo mubhirikiiywe okurama kwa omurembe. Ka wone, nimusiimaga Nyamuwanga.