Baefeso 1:19 - Indagano Inyaaya mu-Chijita

¹⁹ Mumenye wone, kutyo bhuri bhuturo bhwaye obhukuru bhunu obhukora emirimu inguru yeeswe, eswe bhanu echiikirisya. Obhuturo obhwo, bhutakwinganyirisibhwa na echiinu choonechoone, ka wone, obhukora emirimu ku‑managa maafu muno.

INDAGANO INYA:YA

¹⁹ Mumwenye no bukuru bwafu obwa managa gae kwiswe abe:kirisya kutyo buri, rwo buinga bwa managa gae kutyo agakora,

Baefeso 1:19 ပူးပေါင်းရင်းမြစ်များ

Yowana 3:6

Omuunu keebhurwa na abheebhusi bhaaye echinyamubhiri, nawe Mwoyo Mweru niwe kaakora omuunu okubha omuyaaya echinyamwoyo.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

2 Bakorinto 4:7

Nawe eswe bhanu chiri na echibhiikwa echo, chiri rwa ebhiinu bhya rimoga era, korereki imenyekane abhwerubhweru ati, amanaga amaafu ga okukora emirimu ejo, agasooka ku‑Nyamuwanga, na kutari kw‑iswe.

2 Bakorinto 5:17

Omuunu woonewoone unu ari na obhumwi na Kirisito, aabha echibhumbwa echiyaaya, emisango ja kara jaayitingʼeene, woori ni miyaaya!

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Baefeso 3:20

Mbe Nyamuwanga akusibhwe, kwa okubha omwene ari na obhuturo bhwa okukora emisango myafu muno okukira ebhiinu bhyone bhinu echisabhwa amwi bhinu echiiganirisya. Omwene kaakora ejo, ku‑njira ya obhuturo bhwaye bhunu obhukora emirimu mu‑myoyo jeeswe.

Baefeso 3:7

Anye ꞉naakorerwe omukosi wa Emisango ja Ekisi ejo, ku‑chiyaanwa cha obhwitiriranya bhwa Nyamuwanga bhunu ꞉aanaaye ku‑bhuturo bhwaye obhukuru.

Baefeso 6:10

Ku‑bhuteero, mubhega na amanaga ga echinyamwoyo mu‑Raatabhugenyi na mu‑bhuturo bhwa amanaga gaaye.

Bafilipi 2:13

Mbe, mukore kutyo kwa okubha Nyamuwanga niwe kaakora emirimu mu‑mitima jeemwe, korereki mwende na okukora emisango jinu kaakena jikorekane.

Bafilipi 3:21

Omwene ari na amanaga ga okutuura ebhiinu bhyone bhibhe emwaro ya obhutungi bhwaye. Ku‑njira ya amanaga ago, ariyindura emibhiri jeeswe jinu jijorobhokere, jibhe na rikusyo rwa kutyo omubhiri gwaye guri.

Bakolosai 1:29

Inguru ya omusango ogwo, eniikomeesya na okurwanirira emirimu jinu ku‑managa maafu ganu Kirisito kaanaana.

Bakolosai 2:12

Omwanya gunu ꞉mwabhatiijiibhwe, ꞉mwafuuwe, nimusiikwa aamwi na Kirisito. Nimwiya nimusuuruka aamwi nage, kwa okubha ꞉mweekirisiisye amanaga ga Nyamuwanga unu ꞉aamusuuruuye okusooka mu‑bhafuuwe.

1 Batesalonika 1:5

Echimenya kutyo, kwa okubha omwanya gunu ꞉chaabharaasisiisye Emisango ja Ekisi inguru ya Yeesu, ꞉chitaabharaasisiisye emisango era. Tari okuraasya kweswe, ꞉kwaruubheene na ebhiruguusyo bhinu bhyakorwaga na Mwoyo Mweru. ꞉Chaaraasiisye chimenyere kisi ati, emisango ejo ni ja echimari. Emwe abheene mumenyere kutyo chaariga chiri aamwi na emwe, korereki chibhasakire.

2 Batesalonika 1:11

Kurwa ejo, echisabhwa Nyamuwanga weeswe bhuri rusuku ati, abhayaane obhuturo bhwa okwikara obhurame bhunu abhabhirikiiye mwikare. Ka wone, echimusabhwa ati, ku‑bhuturo bhwaye akuumisye bhuri musango gwa ekisi gunu omukena okukora na akuumisye bhuri musango gunu omukora mu‑riikirisya.

Yakobo 1:18

Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.