Baefeso 1:15 - Indagano Inyaaya mu-Chijita

¹⁵ Nikwo kutyo anye wone, okusookerera omwanya gunu ꞉noonguuwe eriikirisya rinu muri naryo ku‑Raatabhugenyi Yeesu na eryenda rinu muri naryo ku‑bheeru bhoone,

INDAGANO INYA:YA

¹⁵ Nikwo kutyo nanye one kuso:ka anu nonguywe okwikirisya kwemwe ku Ratabugenyi Yesu, no kwenda kunu munakwo ku be:ru bo:ne,

Baefeso 1:15 ပူးပေါင်းရင်းမြစ်များ

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Barumi 1:8

Nyabharinyabhari, enisiima Nyamuwanga okutura ku‑Yeesu Kirisito, inguru yeemwe bhoone, kwa okubha emisango inguru ya eriikirisya ryemwe ejimenyekana mu‑chaaro choone.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Baefeso 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga. Enikaamira emwe abheeru bha Nyamuwanga [bhanu muri mu‑musi gwa Yefeeso]. Emwe muri abheeyikanyibhwa mu‑kubha na obhumwi na Kirisito Yeesu.

Baefeso 3:18

korereki emwe aamwi na abheeru abhandi bhoone, mubhe na obhuturo bhwa okusombookerwa obhugari, obhureera, obhwima na echitaanda cha eryenda rya Kirisito kutyo riri.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

1 Batesalonika 4:9

Mbe, bhutari‑wo obhukene bhwa okubhakaamira inguru ya okwendana, kwa okubha Nyamuwanga omwene ꞉aabheeyigisiisye kutyo jeenderwe mwendane abheene kwa abheene.

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

1 Timoteo 1:14

Chimari, Raatabhugenyi weeswe Kirisito Yeesu ꞉aanyitiriiye obhwitiriranya bhwafu muno. Ka wone, ꞉aanaaye eriikirisya na eryenda mu‑kubha na obhumwi nage.

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

Filemoni 1:5

kwa okubha enuungwa ati owugenderera okwikirisya Raatabhugenyi Yeesu na okwenda abheekirisya abheejaanyu bhoone.

Baeburania 6:10

Nyamuwanga ni murengeresi, atakutura okurabhirwa ebhikorwa bhya ekisi bhinu mukorere. Ka wone atakutura okurabhirwa eryenda rinu ꞉mweresiisye inguru yaaye ku‑njira ya okusakira abheekirisya abheejaanyu okusookerera ku‑bhwambiro okukingira woori.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Yoana 3:17

Araabha omuunu ari na ebhiinu bhya okumusakira ku‑bhurame bhwa ku‑chaaro anu, ka wone kaamenya ati oweejaabho ari na obhukene, nawe atari na omwoyo gwa echigongo gwa okumusakira, chimari, eryenda rya Nyamuwanga eribha kutiki mu‑mwoyo gwaye?

1 Yoana 4:21

Mbe, Nyamuwanga achiyaaye echiraagiro ati, omuunu woonewoone unu keenda Nyamuwanga, kaakenwa wone eende oweejaabho.