Baeburania 9:1 - Indagano Inyaaya mu-Chijita

¹ Mbe, indagano ya okwamba irya, yaariga iri na ebhiraagiro bhinu abhaanu bhaariga nibhabhigayuka omwanya gunu bhaaramyaga Nyamuwanga. Ka wone indagano eyo yaariga iri na ebhiraagiro ku‑rubhaara rwa ayeeru wa okuramya Nyamuwanga ku‑chaaro kunu.

INDAGANO INYA:YA

¹ Mbe, na indagano yo kwamba yariga iri na jintungwa jo kuramyaga jinu jariga jiragiriye, no rubara orweru, mu ca:ro.

Baeburania 9:1 ပူးပေါင်းရင်းမြစ်များ

Ruuka 1:6

Abhaanu bhanu ku‑bhubhiri bhwebhwe, bhaariga bhari bharengeresi mu‑meeso ga Nyamuwanga. Ka wone bhaariga nibhagayuka ebhiraagiro bhyone bhya Raatabhugenyi, nibhabhiruubhiriraga, okubhisiga wuri.

Barumi 9:4

Abho nibho Abhayisirayeeri, abhaanu bhanu Nyamuwanga ꞉aasorere bhabhe abhaana bhaaye, ꞉aabheeresiisye rikusyo ryaye na ꞉aakorere jindagano nabho. Ka wone ꞉aabhayaaye ebhiraagiro bhyaye, aamwi na emirago jaaye, na ꞉aabharagiriiye kutyo jeenderwe bhamuramye.

Bakolosai 2:8

Mubhe mwiyangariiye, omuunu woonewoone aasiga okubhayabhya kwa ameeyigisyo ga kutyo era na ga orubheeyi. Ameeyigisyo ago, agaruubhana na obhusimukwa bhwa abhaanu, na obhutinge bhwa akatungiiywe bhwa echaaro chinu. Ameeyigisyo ago gatakusooka ku‑Kirisito,

Baeburania 8:13

Omwanya gunu Nyamuwanga ꞉aayikire ati, indagano inyaaya inu, keeresya ati indagano ya okwamba yakokoowe. Mbe echiinu choonechoone chinu chakokoowe na okuseeseka, chiri yeeyi okuwaa‑wo.

Baeburania 8:2

Eyo kaakora emirimu ja Omugabhisi Omukuru ayeeru, mw‑iyeema rya echimari rinu ꞉ritoombakirwe na omuunu, tari Raatabhugenyi omwene niwe ꞉aaryumbakire.

Baeburania 8:7

Araabha indagano ya okwamba yaakabheeye itari‑ko esoro, indagano ya kabhiri itaakakenerwe.

Baeburania 9:24

Kirisito ꞉ateengiiye Ayeeru a Ayeeru anu oombakirwe na omuunu. Orubhaara orwo ni chijekekanyo cha orubhaara rwa echimari runu ruri mu‑rwire. Tari omwene ꞉eengiiye mu‑rwire orwene. Eyo niyo kaachisabhirwa woori imbere ya Nyamuwanga.