Baeburania 8:2 - Indagano Inyaaya mu-Chijita

² Eyo kaakora emirimu ja Omugabhisi Omukuru ayeeru, mw‑iyeema rya echimari rinu ꞉ritoombakirwe na omuunu, tari Raatabhugenyi omwene niwe ꞉aaryumbakire.

INDAGANO INYA:YA

² Naba mukosi wo rubara rweru, na wa riyema rye cimari, rinu Ratabugenyi ayemere, ritayemerwe na mu:nu.

Baeburania 8:2 ပူးပေါင်းရင်းမြစ်များ

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Barumi 15:8

Enibhabhwira ati, Kirisito ꞉eejire okubha omukosi wa Abhayawudi, korereki abheeresye ati, Nyamuwanga ni mwiyikanyibhwa. Okutura ku‑Kirisito, Nyamuwanga akuumisiisye emirago joone jinu ꞉aaragire bhasaaja weeswe.

2 Bakorinto 5:1

Emibhiri jeeswe ja ku‑chaaro anu, jiri rwa ebhiwuuna. Nawe chimenyere ati, bhikakambuka, Nyamuwanga arichiyaana jinju ja akajaanende mu‑rwire jinu jitakumbakwa na abhaanu.

Bakolosai 2:11

Omwanya gunu ꞉mwabheeye na obhumwi na Kirisito, omwene ꞉aabhatendere, nikwo okwayika ati, ꞉aabhafuurire bhumuunu bhwemwe bhwa ebhibhiibhi. Okutenda okwo ꞉kutaakorerwe kwa amabhoko ga abhaanu, tari ku‑njira yaaye omwene.

Baeburania 10:11

Okuruubhana na indagano ya kara, bhuri rusuku abhagabhisi abhakorera emirimu Nyamuwanga na okusoosya kwiya kaafu ebhyogo bhiryabhirya, bhinu bhitakutura wuri noorwo na akatyari okusoosya‑wo ebhibhiibhi.

Baeburania 10:21

Eswe chiri na Omugabhisi Omukuru unu keemereegururu inju ya Nyamuwanga.

Baeburania 11:10

Bhurayimu ꞉aakorere kutyo, kwa okubha aariga ˆneeyikanya okwikara mu‑musi gwa ekisi gwa akajaanende koone, omusi gunu Nyamuwanga omwene ꞉aagwiraabhire na okuguumbaka.

Baeburania 9:1

Mbe, indagano ya okwamba irya, yaariga iri na ebhiraagiro bhinu abhaanu bhaariga nibhabhigayuka omwanya gunu bhaaramyaga Nyamuwanga. Ka wone indagano eyo yaariga iri na ebhiraagiro ku‑rubhaara rwa ayeeru wa okuramya Nyamuwanga ku‑chaaro kunu.

Obhusweruro 21:3

Ninuungwa obhuraka obhunene okusooka ku‑chitebhe chirya cha ingʼoma, nibhwayikaga ati, “Ringira! Obhwikaro bhwa Nyamuwanga nibhwo obhwikaro bhwa abhaanu wone. Ariikara aamwi na abhaanu, bharibha abhaana bhaaye, omwene wone aribha Nyamuwanga weebhwe.