Baeburania 7:6 - Indagano Inyaaya mu-Chijita

⁶ Noorwo kutyo Meerikijedeki ꞉ataasookere mu‑ruganda rwa Abharaawi, ꞉aaramiiye ribhaara rimwi kw‑ikumi okusooka ku‑Bhurayimu. Ka wone ꞉aayaaye amabhando Bhurayimu, unu Nyamuwanga ꞉aaragire okumuyaana amabhando.

INDAGANO INYA:YA

⁶ Nawe omu:nu uyo atakubarwa mu ruganda rwabo, niwe asoro:sisye ku Iburaimu, nasabirwa ribando unu aragirwe omurago.

Baeburania 7:6 ပူးပေါင်းရင်းမြစ်များ

Ebikorwa 3:25

Emwe muri bhaana bha abharagi, omuyaanwa indagano inu Nyamuwanga ꞉aakorere na bhasaaja waanyu. Nyamuwanga ꞉aaragire Bhurayimu ati, ‘Okutura ku‑muunu wa mu‑rwibhuro rwawo, abhaanu bha mu‑bhyaro bhyone bhariyaanwa ribhando.’

Barumi 4:13

Nyamuwanga ꞉aaragire Bhurayimu na abhaanu bha orwibhuro rwaye ati, aribhayaana echaaro choone okubha omwandu gwebhwe. Nyamuwanga ꞉ataabharagire kutyo kwa okubha Bhurayimu aariga ˆnaakuumisya ebhiraagiro, tari kwa okubha aariga ˆneekirisya Nyamuwanga na omurago gwaye. Niwo ˆnaabharwa okubha omurengeresi imbere ya Nyamuwanga.

Barumi 9:4

Abho nibho Abhayisirayeeri, abhaanu bhanu Nyamuwanga ꞉aasorere bhabhe abhaana bhaaye, ꞉aabheeresiisye rikusyo ryaye na ꞉aakorere jindagano nabho. Ka wone ꞉aabhayaaye ebhiraagiro bhyaye, aamwi na emirago jaaye, na ꞉aabharagiriiye kutyo jeenderwe bhamuramye.

Bagalatia 3:16

Mbe Nyamuwanga ꞉aasoosiisye emirago ku‑Bhurayimu saaja weeswe, aamwi na ku‑mwibhurwa waaye. Ebhikaame Ebhyeru bhitakwayika ati, “Na ku‑bheebhurwa bhaaye,” obhugajuro bhwabhyo ni ati bhatari bhaafu, tari bhyayika ati, “Na omwibhurwa waaye,” obhugajuro bhwabhyo ni ati ni umwi, niwe Kirisito.

Baeburania 11:13

Abhaanu abho bhoone, ꞉bhaagendereeye okubha na eriikirisya okukingira okumaama nyombe. ꞉Bhaamaamire nyombe bhachaari okubhona wuri jinu Nyamuwanga aariga abharagire, nawe bhaariga nibhajirora kura na okujikondererwa. Nibheekirisya ati abheene bhaariga bhari bhagenyi na abhayitingʼani ku‑chaaro kunu.

Baeburania 11:17

Eriikirisya niryo ꞉ryakorere Bhurayimu ˆneekirisya okusoosya Isaaka omwana waaye abhe echoogo ku‑Nyamuwanga. ꞉Eekirisiisye okukora kutyo omwanya gunu Nyamuwanga ꞉aamuregeejere. Bhurayimu niwe ꞉aaramiiye emirago okusooka ku‑Nyamuwanga, nawe ꞉eekirisiisye okusoosya omwana waaye eenyere abhe echoogo,

Baeburania 7:1

Meerikijedeki oyo aariga ari mukama wa omusi gwa Sareemu. Ka wone aariga ari mugabhisi wa Nyamuwanga unu ari Inguru ya Bhyone. Meerikijedeki ꞉aabhugeene na Bhurayimu omwanya gunu Bhurayimu aariga ˆnaasubha okusooka mw‑iremo. Bhurayimu aariga arwanire na abhakama bhana na okubhayiga. Niwo Meerikijedeki ˆnaamusabhirwa amabhando.

Baeburania 7:7

Chitari‑wo echiitimaato choonechoone noorwo na akatyari, ati unu kaasoosya amabhando ni mukuru okukira unu kaayaanwa amabhando.