Baeburania 7:18 - Indagano Inyaaya mu-Chijita

¹⁸ Kurwa ejo, Nyamuwanga ꞉aasoosiisye‑wo riragiriro rirya rya ku‑bhwambiro kwa okubha ryariga ritari na amanaga, ka wone ryariga ritari na omurimu gwonegwone.

INDAGANO INYA:YA

¹⁸ Okuba eciragiro co kwamba caso:sibweo okuba cariga citana managa amwi muri:ro.

Baeburania 7:18 ပူးပေါင်းရင်းမြစ်များ

Ebikorwa 13:39

Okutura ku‑mwene era, bhuri muunu unu kaamwikirisya, kaabharirwa ati ni murengeresi imbere ya Nyamuwanga, omusango gunu gutakuturikana kw‑imwe kwa okuruubha ebhiraagiro bhya Muusa.

Barumi 3:31

Angu woori, omwanya gunu echikomeeresya okwikirisya Yeesu, okwingana na okwayika ati ebhiraagiro bhya Muusa bhitari na omuriiro? Wuri, noorwo na akatyari! Nawe chikeekirisya Yeesu, niwo echibha chikuumisiisye joone jinu ebhiraagiro bhya Muusa bhiragiriiye.

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

Bagalatia 3:15

Abhayiri bhaani mu‑riikirisya nibhabhwire echijekekanyo cha obhurame bhwa bhuri rusuku. Chaayike ati abhaanu bhabhiri, bheekirisyanya inguru ya omusango omurebhe. Araabha indagano ikorekeene na okurumatanywa, atari‑wo omuunu wa okuyirema amwi wa okwongesya‑ko omusango omurebhe mu‑kwikirisyanya kwebhwe.

Bagalatia 3:17

Omusango gunu eneenda okwayika ni gunu, Nyamuwanga ꞉aakorere indagano yaaye na okuyirumatanya emiguuga magana gana na makumi gasatu (430) ebhiraagiro bhya Muusa bhichaari okubha‑wo. Kurwa ejo, ebhiraagiro ebhyo, bhitakutura okunyamura indagano eyo, noorwo okuyindura omurago gwaye.

Bagalatia 3:21

Woori angu, jitari ati ebhiraagiro ebhiyaajana na emirago jinu Nyamuwanga ꞉aaragire? Wuri, noorwo na akatyari! Araabha bhwakabheye‑wo obhuturo bhwa ebhiraagiro okuyaana abhaanu obhuwanga, mbe chaakaturire okubharwa ati chiri bharengeresi imbere ya Nyamuwanga kwa okuruubha ebhiraagiro.

Bagalatia 4:21

Woori mumbwire, emwe bhanu omwenda okubha abhagaya kwa okuruubha ebhiraagiro bhya Muusa. Angu, mutakumenya kutyo ebhiraagiro ebhyayika?

Bagalatia 4:9

Nawe woori, omumenya Nyamuwanga na omwene wone kaabhamenya muno. Woori ni kurwa ki omusubha okuramya obhutinge bhwa akatungiiywe bhwa echaaro chinu? Obhutinge obhwo, bhutari na obhuturo noorwo obhugajuro bhwonebhwone. Amwi omwenda rindi okubha abhagaya bhaabhwo?

1 Timoteo 4:8

Jimenyekeene ati, “Okunasya omubhiri okubhona amanaga, kuri‑mo omuriiro mutooto era. Tari, okwikomeesya okwikara rwa kutyo Nyamuwanga keenda, kuri‑mo omuriiro gwa bhuri mbaga, kwa okubha rinu erichiyaana omurago gwa okubhona obhuwanga bhwa woori na bhunu bhuriija.”

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

Baeburania 7:19

꞉Aarisoosiisye‑wo, kwa okubha ebhiraagiro bhya Muusa bhyariga bhitari na obhuturo bhwa okukuumisya omusango gwonegwone. Nawe woori, Nyamuwanga achiyaaye obhwiyikanyo obhundi bhwa ekisi muno, bhunu obhuchikora chibhe ayeeyi nage.