Baeburania 7:16 - Indagano Inyaaya mu-Chijita

¹⁶ Omwene aariga atari mugabhisi kwa okubha ꞉aakuumisiisye echiraagiro chinu echiragirira ati abhagabhisi bhasooke mu‑ruganda rwa Abharaawi. Tari omwene ꞉aabheeye omugabhisi ku‑bhuturo bhwa obhuwanga bhwaye bhunu bhutari na obhuteero.

INDAGANO INYA:YA

¹⁶ unu atasorerwe kuba mugabisi rwa kutyo baragiriywe mu biragiro byo mubiri, nawe asorerwe rwa managa kutyo gari ago buanga bunu butana bute:ro,

Baeburania 7:16 ပူးပေါင်းရင်းမြစ်များ

Barumi 7:14

Chimenyere ati echiraagiro ꞉chaareeterwe na Mwoyo wa Nyamuwanga, nawe anye ku‑bhusimukwa bhwani bhwa echibhiibhi, niri mugaya wa echibhiibhi.

Bagalatia 4:3

Nyabhuriko eswe wone, ni kutyokutyo, omwanya gunu Kirisito aariga achaari okuuja, chaariga chiri rwa abhaana abharera, chaariga chiri bhagaya bha obhutinge bhwa akatungiiywe bhwa echaaro chinu.

Bagalatia 4:9

Nawe woori, omumenya Nyamuwanga na omwene wone kaabhamenya muno. Woori ni kurwa ki omusubha okuramya obhutinge bhwa akatungiiywe bhwa echaaro chinu? Obhutinge obhwo, bhutari na obhuturo noorwo obhugajuro bhwonebhwone. Amwi omwenda rindi okubha abhagaya bhaabhwo?

Bakolosai 2:14

꞉Aariyire ribhanja rya ebhibhiibhi bhyeswe ku‑njira ya Yeesu okuchifwira ku‑musarabha. ꞉Aasoosiisye‑wo orukaamo rwa ebhiraagiro runu rwariga niruchibhuura, ˆnaarusoosya‑wo chimwi kwa okurubhumiirira ku‑musarabha.

Bakolosai 2:20

Emwe, ꞉mwafuuwe aamwi na Kirisito, kutyo ꞉aabhachunguuye okusooka ku‑bhutinge bhwa akatungiiywe bhwa echaaro chinu. Mbe, ni kurwa ki muchaagayuka ebhiraagiro bhyebhwe, na okwikara rwa abhaanu bha ku‑chaaro kunu? Ebhiraagiro ebhyo nibhyo bhinu,

Baeburania 10:1

Mbe, ebhiraagiro bhya Muusa ni chijekekanyo era cha emisango ja ekisi jinu ejiija, nawe ebhyene bhitari emisango ejo ejeene. Kurwa ejo ebhyogo bhinu abhaanu abhasoosya bhuri muguuga okuruubhana na ebhiraagiro ebhyo, bhitakutura wuri noorwo na akatyari okwesya abhaanu bhanu abharamya Nyamuwanga.

Baeburania 7:15

Emisango jinu enaayika jiri abhweru muno, kwa okubha omugabhisi owundi eebhuka, unu ari rwa Meerikijedeki.

Baeburania 7:17

Jikaamirwe mu‑Bhikaame Ebhyeru ati, “Awe naawe omugabhisi akajaanende koone, rwa kutyo Meerikijedeki aariga ari.”

Baeburania 7:28

Okuruubhana na ebhiraagiro bhya Muusa, abhaanu bhaariga nibhakorwa okubha abhagabhisi abhakuru, noorwo kutyo bhaariga bhari bhakosi bha ebhibhiibhi. Nawe gwejire gwatura omwanya, Nyamuwanga ˆnaakora Omwana waaye kwa echirayiro okubha Omugabhisi, Omwana unu akuumiiye kajaanende koone.

Baeburania 7:3

Ejibhonekana ati abheebhusi bha Meerikijedeki bhatakumenyekana, oruganda rwaye wone rutakumenyekana, okwibhurwa na okufwa kwaye bhitakumenyekana. Omwene niwe omugabhisi wa kajaanende koone rwa Omwana wa Nyamuwanga.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

Obhusweruro 1:18

Naanye unu niri omuwanga! Naariga nifuuwe, nawe woori, rora, niri omuwanga rindi akajaanende koone! Ka wone, anye niri na jinyiguriro ja orufu na ja nyombe.