Baeburania 6:2 - Indagano Inyaaya mu-Chijita

² Chisigega okusubhiirira rindi okwiyigira ameeyigisyo ga obhubhatiijo, ga okutuurira‑ko abhaanu amabhoko, ga abhafuuwe okusuuruka na ga indamu ya kajaanende koone.

INDAGANO INYA:YA

² no kwiigisya kwo kubatija, no kwo kutako amaboko, no kwo kusu:ka kwa bafu:ye, na intambara inyatawao.

Baeburania 6:2 ပူးပေါင်းရင်းမြစ်များ

Matayo 28:19

Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru,

Matayo 3:14

Nawe Yowana ˆnaaregeeja okumuyingirira, ˆnaamubhwira ati, “Owuuja kutiki kw‑anye nikubhatiije? Anye naanye enikena umbatiije.”

Mariko 16:16

Omuunu woonewoone unu anyikirisiisye na okubhatiijibhwa, arichungurwa. Nawe, omuunu woonewoone unu aremere okunyikirisya, ariramurwa.

Mariko 7:8

Yeesu ˆnaagenderera okubhabhwira ati, “Emwe omusigaga ebhiraagiro bhya Nyamuwanga, omuruubhaga jitungwa ja bhasaaja weemwe.

Ruuka 11:38

Omufarisaayo oyo, ˆnaaruguura muno ejire aarora Yeesu ˆnaarya ebhiryo ateesaabhire rwa kutyo jaariga jeenderwe mu‑tungwa jeebhwe.

Ruuka 12:50

Noorwo anye omwene, niri na ebhinyaasyo bhinu neenderwe nibhiikirisye, na enija okugenderera okunyaaka mu‑mwoyo gwani, okukingira bhikuumire.

Ruuka 14:14

Niwo uriyaanwa amabhando, kwa okubha abheene abho bhatari na echiinu cha okukuriya. Kurwa ejo, Nyamuwanga arikuriya omwanya gunu arisuurura abharengeresi.”

Ruuka 3:16

Nawe Yowana ˆnaabhasubhya ati, “Chimari anye enibhabhatiija mu‑manji era. Nawe ariija omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Yowana 1:33

Nawe ꞉nitaamumenyere ati niga, tari Nyamuwanga unu ꞉aantumire okubhatiija abhaanu mu‑manji aariga aambwiriiye ati, ‘Omuunu unu owuja okurora Mwoyo waani ˆneekaga na okugwa inguru yaaye, oyo niwe unu aribhatiija abhaanu kwa Mwoyo Mweru.’”

Yowana 5:29

bharisuuruka na okusooka mu‑fwa jeebhwe. Abhaanu bhanu bhaakoraga emisango ja ekisi, bhariyaanwa obhuwanga bhwa akajaanende koone, nawe bhanu bhaakoraga ebhibhiibhi, bhariramurwa.”

Ebikorwa 10:47

“Abhaanu abho bharamiiye Mwoyo Mweru rwa eswe kutyo ꞉chaamuramiiye. Angu ari‑wo omuunu unu kaatura okugaanya abhaanu abho, bhasige okubhatiijibhwa mu‑manji?”

Ebikorwa 13:3

Mbe, bhejire bhaamara okusabhwa Nyamuwanga na okwiyima okurya ebhiryo, nibhatuura amabhoko geebhwe ku‑Bharinaabha na Saawuri okubhasabhirwa, nibhabhatuma bhagende.

Ebikorwa 16:15

Bhunu ꞉eekirisiisye na okubhatiijibhwa omwene aamwi na abhaanu bha iika ewaaye, ˆnaachiirembeeresya ati, “Araabha chimari mwarora ati anye neekirisya Raatabhugenyi Yeesu, ambe enibhakuma iika ewaani mwinyanje.” ˆNaachisegera muno ati chigende ewaaye.

Ebikorwa 16:33

Omwanya ogwoogwo gwa mu‑ngeta, omusirikare ˆnaagega Pawuro na Siira, ˆnoosya ebhiwuta bhyebhwe, ˆnaabhatiijibhwa awoawo aamwi na abhaanu bhaaye bhoone.

Ebikorwa 17:18

Niwo abhaanu abharebhe bha obhwengeeso bhanu bhaatogwaga ati Abhayepukiriyo, aamwi na Abhasitoyiko, nibhaamba okubhambasyanya na Pawuro na okurema emisango jaaye. Abhandi mu‑bheene nibhabhuusya ati, “Ni misango ki jinu omuromiromi unu kaayika?” Abhandi nibhaayika ati, “Eyibhonekana ati kaayikira inguru ya amasambwa ga echaaro echindi.” ꞉Bhaayikire kutyo kwa okubha Pawuro aabharaasisyaga inguru ya Yeesu na inguru ya okusuuruka mu‑bhafuuwe.

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Ebikorwa 2:41

Abhaanu wuti bhiwumbi bhisatu (3,000) nibheekirisya emisango ja Peetero, nibhabhatiijibhwa, nibhoongesibhwa ku‑chise cha abheekirisya abhandi bha Yeesu orusuku orwo.

Ebikorwa 23:6

Mbe, Pawuro ˆnaasombookerwa ati mu‑bhaanu abho bhaariga bhari‑mo Abhasadukaayo aamwi na Abhafarisaayo. ˆNaamura obhuraka bhwaye mw‑ibharaja, ˆnaayika ati, “Abhayiri bhaasu, anye niri Mufarisaayo, omwana wa Omufarisaayo. Enibhuurwa anu inguru ya obhwiyikanyo bhwani ati, Nyamuwanga arisuurura abhafuuwe.”

Ebikorwa 24:15

Anye niri na obhwiyikanyo ku‑Nyamuwanga ati, arisuurura abhafuuwe bhoone, abha rirenga na bhanu bhatari abha rirenga. Noorwo abheene wone abhagwikirisya ogwo.

Ebikorwa 24:21

Tari ni inguru ya omusango gumwi era, gunu ꞉naamwayiiye inguru imbere yeebhwe ati, ‘Anye eniramurwa imbere yeemwe reero, kwa okubha eniikirisya ati abhafuuwe bharisuuruka.’”

Ebikorwa 24:25

Omwanya gunu Pawuro ꞉aayikire inguru ya obhurengeresi, okwiyingirira na inguru ya orusuku runu Nyamuwanga ariramura bhuri muunu. Feeriki ˆnoobhaya, ˆnaayika ati, “Woori, nuugende. Nikabhona omwanya enija okukubhirikira rindi.”

Ebikorwa 26:8

Mbawo emwe mutakwikirisya ati Nyamuwanga kaasuurura abhafuuwe?

Ebikorwa 4:2

Abhakuru abho ꞉bhaabhiyiiywe muno, kwa okubha Peetero na Yowana bhaariga nibheeyigisya abhaanu na okuraasya ati, Nyamuwanga arisuurura abhafuuwe, okuruubhana na okusuuruka kwa Yeesu.

Ebikorwa 6:6

Nibhareeta abhaanu abho imbere ya jitumwa. Jitumwa nibhabhasabhirwa na okubhateera‑ko amabhoko korereki bhaje okukora emirimu.

Barumi 2:16

Nikwo kutyo jiribha ku‑rusuku rwa indamu. Nyamuwanga ariramura abhaanu okutura ku‑Kirisito Yeesu, noorwo emisango jeebhwe ja imbisike, rwa kutyo ejaayika Emisango ja Ekisi jinu eniraasya.

1 Bakorinto 10:2

Jiri wuti ꞉bhaabhatiijiibhwe mu‑riire na mu‑nyanja okubha abharuubhirisya bha Muusa.

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

2 Bakorinto 5:10

Nikwo kutyo, kwa okubha eswe bhoone chiriimereeguru imbere ya echitebhe cha indamu cha Kirisito, korereki bhuri umwi, ayaanwe omuyeero okuruubhana na kutyo ꞉aakorere ku‑chaaro kunu, jibhe ja kisi amwi mibhiibhi.

Bafilipi 3:21

Omwene ari na amanaga ga okutuura ebhiinu bhyone bhibhe emwaro ya obhutungi bhwaye. Ku‑njira ya amanaga ago, ariyindura emibhiri jeeswe jinu jijorobhokere, jibhe na rikusyo rwa kutyo omubhiri gwaye guri.

Bakolosai 2:12

Omwanya gunu ꞉mwabhatiijiibhwe, ꞉mwafuuwe, nimusiikwa aamwi na Kirisito. Nimwiya nimusuuruka aamwi nage, kwa okubha ꞉mweekirisiisye amanaga ga Nyamuwanga unu ꞉aamusuuruuye okusooka mu‑bhafuuwe.

2 Timoteo 2:18

Abho bhabhurire muno, bhasigire echimari. Abhaayika ati obhusuuruko bhwa abhafuuwe bhurakorekeene. Kwa okwiyigisya kutyo abhayabhya eriikirisya rya abhaanu abhandi.

Baeburania 11:35

Eriikirisya niryo ꞉ryakorere abhagasi abharebhe nibharamira rindi abhayiri bheebhwe bhanu bhaariga bhaafuuwe, nawe nibhasuuruka. Abhandi bhawutaasiibhwe muno na okwitwa. ꞉Bhateekirisiisye okusuruumurwa, kwa okubha bhaariga nibheeyikanya ati Nyamuwanga aakabhasuuruuye, korereki bhabhone obhurame bhwa ekisi muno.

Baeburania 9:10

Okubha emisango ejo jaariga jiri ja echinyamubhiri, ja ebhiryo, ja ebhinywebhwa, na eja okwiyesya emibhiri era. Ejo joone jiriwaa‑wo omwanya gunu Nyamuwanga arituura‑wo obhutinge obhuyaaya.

2 Petero 3:7

Ka wone ku‑musango ogwoogwo Nyamuwanga aangariiye orutumba na echaaro chinu, korereki bhyochibhwe kwa omuriro. Abhyangariiye inguru ya orusuku runu ariramura abhaanu bhanu bhatakumugayuka, awo woori niwo bharisingaarika.