Baeburania 5:5 - Indagano Inyaaya mu-Chijita

⁵ Nyabhuriko, Kirisito wone ꞉ateeyenjeeye omwene echibharo cha okubha Omugabhisi Omukuru, tari Nyamuwanga niwe ꞉aamusorere na okumubhwira ati, “Awe naawe Omwana waani, reero eniraasya ati anye niri Somwana.”

INDAGANO INYA:YA

⁵ Nikwo kutyo Kristo one ate:ku:isye omwene kuba mugabisi mukuru, nawe ateyweo na Unu amubwiriye ati, Awe uri Mwana wani Rero nakwibura.

Baeburania 5:5 ပူးပေါင်းရင်းမြစ်များ

Yowana 3:16

Nyamuwanga eendere muno abhaanu bhoone bha ku‑chaaro kunu. Nikwo okukora ꞉aatumire Omwana waaye wenyere aaje ku‑chaaro kunu, korereki bhuri muunu unu keekirisya Omwana oyo aasiga okusimagira, tari abhe na obhuwanga bhwa akajaanende koone.

Yowana 7:18

Omuunu woonewoone unu kaayika ku‑bhuturo bhwaye omwene, oyo keeyenjera echibharo chaaye omwene. Nawe unu kaayenja echibharo inguru ya unu ꞉aamutumire, oyo kaayika echimari, atakwayika orubheeyi wuri.”

Yowana 8:54

Yeesu ˆnaabhasubhya ati, “Araabha eniikumangya anye omwene, okwikumangya kwani kutari na obhugajuro bhwonebhwone. Nawe Raata waani, unu emwe omwayika ati ni Nyamuwanga weemwe, niwe kaankumangya.

Ebikorwa 13:33

aajikuumisya kw‑iswe abhaana bheebhwe, kwa okusuurura Yeesu. Nikwo kutyo jikaamirwe mu‑Jabhuri ya kabhiri ati, ‘Awe naawe Omwana waani, reero eniraasya ati anye niri Somwana.’

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

Baeburania 1:1

Kara awo, Nyamuwanga ꞉aayikire na bhasaaja weeswe kaafu na ku‑njira nyafu, okutura ku‑bharagi.

Baeburania 1:5

Okubha atari‑wo maraayika unu Nyamuwanga ꞉aabhwiriiye emisango rwa jinu ꞉aabhwiriiye Yeesu ati, “Awe naawe Omwana waani, reero eniraasya ati anye niri Somwana.” Ka wone Nyamuwanga ꞉ataayikire inguru ya maraayika woonewoone ati, “Anye niribha Esemwene, na omwene aribha Omwana waani.”

Baeburania 2:17

Ku‑songa eyo, ꞉aakenerwe aaje ari rwa kutyo abhayiri bhaaye bhari mu‑joone, korereki abhe Omugabhisi Omukuru unu ari owa echigongo na omwiyikanyibhwa ku‑mirimu jaaye imbere ya Nyamuwanga. Omugabhisi oyo niwe ꞉aakorere echoogo korereki Nyamuwanga afwire echigongo abhaanu ebhibhiibhi bhyebhwe.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

Baeburania 5:10

Nyamuwanga ꞉aamuteeye‑wo okubha Omugabhisi Omukuru rwa kutyo Meerikijedeki aariga ari.