Baeburania 5:2 - Indagano Inyaaya mu-Chijita

² Omugabhisi omukuru kaatura okufwira echigongo ebhibhiibhi bhya abhaanu abhandi bhinu bhaariga nibhakora okumenya wuri, kwa okubha omwene wone ni mukosi wa ebhibhiibhi.

INDAGANO INYA:YA

² Oyo katura okwigumirisya na banu batakumenya na banu abayaba, okuba omwene one asingiywe oburenga.

Baeburania 5:2 ပူးပေါင်းရင်းမြစ်များ

Ruuka 22:32

Nawe, naakusabhirwa ku‑Nyamuwanga, korereki eriikirisya ryawo ryasiga okugeruka‑ko. Omwanya gunu urinsubha‑ko, ukomeesye abheejaanyu.”

2 Bakorinto 11:30

Araabha neenderwe okwikuuya, enija okwikuuya inguru ya obhujorobhoke bhwani.

2 Bakorinto 12:5

Woori inguru ya omuunu rwa oyo, enija okwikuuya. Nawe nitariikuuya inguru yaani omwene, tari inguru ya obhujorobhoke bhwani era.

Bagalatia 4:13

Mumenyere ati obhurwaye bhunu naariga nirwaye ku‑bhwambiro, nibhwo ꞉bhwakorere nimbona omwanya gwa okubharaasisya Emisango ja Ekisi.

Baefeso 4:18

Obhusombookerwa bhwebhwe bhuri‑mo echisuute, bhakindikirwe kura okusooka ku‑bhuwanga bhwa Nyamuwanga, ku‑songa ya obhumuumu bhunu bhubhari‑mo okuruubhana na obhukomeeye bhwa emyoyo jeebhwe.

1 Timoteo 1:13

noorwo kutyo ku‑bhwambiro naamufumaga na okunyaasya abhaanu bhaaye, naariga niri murakoko. Nawe, omwene ꞉aanfwiriiye echigongo, kwa okubha naariga ninkora ejo mu‑bhumuumu na naariga nitari na eriikirisya.

Baeburania 12:13

Muribhatega ku‑njira jinu jiimire, korereki echiinu chinu chifuuwe amaguru chaasiga okuwutaara, tari chiwosibhwe.

Baeburania 2:17

Ku‑songa eyo, ꞉aakenerwe aaje ari rwa kutyo abhayiri bhaaye bhari mu‑joone, korereki abhe Omugabhisi Omukuru unu ari owa echigongo na omwiyikanyibhwa ku‑mirimu jaaye imbere ya Nyamuwanga. Omugabhisi oyo niwe ꞉aakorere echoogo korereki Nyamuwanga afwire echigongo abhaanu ebhibhiibhi bhyebhwe.

Baeburania 2:18

Okubha Yeesu ꞉aaregeejerwe na okunyaaka, kurwa ejo kaatura okusakira bhanu abharegeejibhwa.

Baeburania 4:15

Omugabhisi Omukuru oyo niwe kaamenya obhujorobhoke bhweswe, kwa okubha ꞉aaregeejerwe na Syetaani ku‑misango joone rwa eswe, nawe omwene ꞉ataakorere ebhibhiibhi.

Baeburania 7:28

Okuruubhana na ebhiraagiro bhya Muusa, abhaanu bhaariga nibhakorwa okubha abhagabhisi abhakuru, noorwo kutyo bhaariga bhari bhakosi bha ebhibhiibhi. Nawe gwejire gwatura omwanya, Nyamuwanga ˆnaakora Omwana waaye kwa echirayiro okubha Omugabhisi, Omwana unu akuumiiye kajaanende koone.

Baeburania 9:7

Nawe omugabhisi omukuru eenyere niwe aariga ˆneekirisibhwa okwingira mu‑chisago cha kabhiri chirya, wone eengiraga rumwi era ku‑muguuga. Ka wone omwanya gunu aariga ˆneengira, eendwaga okubha na orwamba rwa ityanyi. Orwamba orwo nirwo rwariga ruri choogo ku‑Nyamuwanga inguru ya okufwirwa echigongo ebhibhiibhi bhya omugabhisi na ebhibhiibhi bhya abhaanu abhandi bhinu bhaariga nibhakora okumenya wuri.

Yakobo 5:19

Abhayiri bhaani mu‑riikirisya, owumwi weemwe akayabha na okubha kura na echimari na omwikirisya oweejaabho ˆnaamusubhya rindi ku‑njira ya echimari,

1 Petero 2:25

Okubha mwariga muri rwa jinaama jinu jibhurire, nawe woori, mwasubhire ku‑Mureefi na ku‑Mwangarisi wa emyoyo jeemwe.