Baeburania 4:9 - Indagano Inyaaya mu-Chijita

⁹ Kurwa ejo, guchaari‑wo omwanya gwa okwisya omwoyo rwa ogwa orusuku rurya rya Isabhaato ku‑bhaanu bha Nyamuwanga.

INDAGANO INYA:YA

⁹ Mbe casigaeo ecifuŋamo ca isabato ku ba:nu ba Nyamuanga.

Baeburania 4:9 ပူးပေါင်းရင်းမြစ်များ

Matayo 1:21

Ariibhura omwana wa echirume, na urimutoga Yeesu, kwa okubha oyo, niwe arichungura abhaanu bhaaye okusooka mu‑bhibhiibhi bhyebhwe.”

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Baeburania 11:25

꞉Eetoorere okunyaaka aamwi na abhaanu bha Nyamuwanga, okukira okukondererwa mu‑bhibhiibhi akatungu kafuyi era.

Baeburania 3:11

Kurwa ejo ꞉naabhiyiiywe na okurayira, ninaayikaga ati, ‘Nitaribheekirisisya wuri noorwo na akatyari abhaanu abho okwingira orubhaara rwa okwisya omwoyo, orubhaara runu nibheeraabhiiye.’”

Baeburania 4:1

Mbe, omurago gwa Nyamuwanga gwa abhaanu okwingira orubhaara rwa okwisya omwoyo guchaari aryaarya. Kurwa ejo chiyangarirega, korereki aasiga okubha‑wo omuunu woonewoone agati yeemwe unu aritaamibhwa okwingira mu‑rubhaara orwo.

Baeburania 4:10

Omuunu woonewoone unu keengira orubhaara rwa okwisya omwoyo anu Nyamuwanga eeraabhire, keesya omwoyo okukora emirimu jaaye, rwa kutyo Nyamuwanga ꞉eesiisye omwoyo omwanya gunu ꞉aamarire emirimu ja okubhumba echaaro.

Baeburania 4:3

Ku‑songa eyo, Nyamuwanga ꞉aayikire ati, “꞉Naabhiyiiywe na okurayira, ninaayikaga ati, ‘Nitaribheekirisisya wuri noorwo na akatyari abhaanu abho okwingira orubhaara rwa okwisya omwoyo, orubhaara runu nibheeraabhiiye.’” Nawe eswe bhanu echiikirisya Nyamuwanga, chiriingira orubhaara orwo rwa okwisya omwoyo. Nyamuwanga ꞉aayikire ati abhandi bharya bhatariingira, noorwo kutyo aariga aamarire okwiraabha orubhaara orwo rwa okwisya omwoyo okusookerera okubhumbwa kwa echaaro choone.

Baeburania 4:8

Araabha Yooswa aakakingiisye abhaanu orubhaara rwa okwisya omwoyo awo, Nyamuwanga ataakaayikire rindi inguru ya orusuku orundi rwa okwisya omwoyo.

1 Petero 2:10

Kara eyo, emwe mwariga mutari bhaanu bha Nyamuwanga, nawe woori emwe muri bhaanu bhaaye. Ka wone, Nyamuwanga aariga atabhafwiriiye echigongo, nawe woori, abhafwiriiye.

Obhusweruro 14:13

Ninuungwa obhuraka okusooka mu‑rwire, nibhumbwira ati, “Kaama ati, okwambira woori, bhari na amabhando abhaanu bhoone bhanu abhafwa bheekirisiisye Raatabhugenyi Yeesu.” Neeya Mwoyo wa Nyamuwanga ˆnaayika ati, “Cha, bharibhona amabhando maafu. Bhariisya omwoyo okusooka ku‑mirimu jeebhwe emisito, okubha bhariyaanwa ebhiyaanwa inguru ya ebhikorwa bhyebhwe bhya ekisi.”

Obhusweruro 21:4

Aryeya amasiga geebhwe goone. Abhaanu bhatarifwa rindi noorwo okusurumbara. Bhataririra noorwo bhatarirwara, okubha emisango ja kara ejo jaaturire.”