Baeburania 4:1 - Indagano Inyaaya mu-Chijita

¹ Mbe, omurago gwa Nyamuwanga gwa abhaanu okwingira orubhaara rwa okwisya omwoyo guchaari aryaarya. Kurwa ejo chiyangarirega, korereki aasiga okubha‑wo omuunu woonewoone agati yeemwe unu aritaamibhwa okwingira mu‑rubhaara orwo.

INDAGANO INYA:YA

¹ Mbe eswe, nakabee gucasigae omurago gwo kwingira mu kufukama kwae, cu:baega mu:nu wo:ne kwimwe asiga kuboneka uti agurebereko.

Baeburania 4:1 ပူးပေါင်းရင်းမြစ်များ

Matayo 24:48

“Nawe omugaya omubhiibhi ni urya keeganirisya mu‑mwoyo gwaye ati, ‘Mwami waani arikoora okusubha.’

Ebikorwa 3:19

Kurwa ejo, mute chimwi ebhibhiibhi bhyemwe na muyindukire Nyamuwanga, korereki abhafwire echigongo. Nikwo kutyo Nyamuwanga aribhasimbiisya emwe, ku‑njira ya okubha ayeeyi na emwe,

Barumi 11:20

Omusango ogwo ni gwa echimari. Amatabhi ago ꞉gaatemerwe kwa okubha ꞉gateekirisiisye, tari awe urumateene kwa okubha owikirisya. Kurwa ejo, waasiga okwikuuya, tari uubhaye Nyamuwanga.

Barumi 3:23

kwa okubha abhaanu bhoone bhakorere ebhibhiibhi na abhagerukirwa rikusyo rya Nyamuwanga.

1 Bakorinto 10:12

Kutyo, unu keerora ati eemereeguuyu tiritiri mu‑riikirisya, eeyangarire, aasiga okugwa.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

Bagalatia 5:4

Araabha omwiyikanya okubha abharengeresi imbere ya Nyamuwanga mu‑kuruubha ebhiraagiro, mbe mumenye ati mwikindikire okusooka ku‑Kirisito, na muri kura na obhwitiriranya bhwa Nyamuwanga.

2 Timoteo 2:13

Araabha eswe chitari abheeyikanyibhwa ku‑mwene, omwene kaagenderera okubha omwiyikanyibhwa, kwa okubha omwene atakutura okwirema.”

Baeburania 12:15

Mwiyangarirega, korereki omuunu woonewoone aasiga okugerukirwa obhwitiriranya bhwa Nyamuwanga. Ka wone, aasiga okwibhuka omuunu agati yeemwe unu ari rwa riiti riruru. Omuunu rwa oyo kaja okubhanyaasya, na okujabhiyasya abhaanu bhaafu.

Baeburania 12:25

Kurwa ejo, mutegeresyega unu kaayika na emwe. Abhayisirayeeri ꞉bhateerukire ebhitiibha omwanya gunu ꞉bhaaremere okutegeresya Muusa bhunu ꞉aabhakengiisye. Mbe woori, eswe echitura kutiki okwiruka ebhitiibha araabha echirema okutegeresya Nyamuwanga omwanya gunu kaachikengya okusooka mu‑rwire?

Baeburania 13:7

Mwichuke abhatangasya bheemwe bhanu bhaariga nibhabheeyigisya omusango gwa Nyamuwanga. Mwiganirisye inguru ya jitungwa jeebhwe kutyo bhaariga bheekaaye, murorerega eriikirisya ryebhwe.

Baeburania 3:11

Kurwa ejo ꞉naabhiyiiywe na okurayira, ninaayikaga ati, ‘Nitaribheekirisisya wuri noorwo na akatyari abhaanu abho okwingira orubhaara rwa okwisya omwoyo, orubhaara runu nibheeraabhiiye.’”

Baeburania 4:11

Kurwa ejo, chiikomeesye okwingira orubhaara rwa okwisya omwoyo. Chibhega nichikora kutyo korereki aasiga okubha‑wo omuunu woonewoone wa okutaamibhwa okwingira ku‑songa ya okurema okugayuka Nyamuwanga, rwa kutyo bhasaaja weeswe bhaariga nibhakora.

Baeburania 4:9

Kurwa ejo, guchaari‑wo omwanya gwa okwisya omwoyo rwa ogwa orusuku rurya rya Isabhaato ku‑bhaanu bha Nyamuwanga.