Baeburania 3:6 - Indagano Inyaaya mu-Chijita

⁶ Nawe Kirisito ni mwiyikanyibhwa rwa Omwana unu keemereegururu abhaanu bha mu‑nju ya Nyamuwanga. Abhaanu abho niiswe araabha chikagenderera okukingira ku‑bhuteero chiri na ribhaasi na okwikuuyisya jinu echiiyikanya.

INDAGANO INYA:YA

⁶ Nawe Kristo abee mwiikanyibwa mu nyumba yabo rwo Mwana, neswe ciri nyumba eyo, cikaba cirumisye obuba:si bweswe, no kwiku:ya kwo kwiikanya kweswe kukinga ku bute:ro.

Baeburania 3:6 ပူးပေါင်းရင်းမြစ်များ

Matayo 10:22

Abhaanu bhoone bharibhasoka ku‑songa yaani. Nawe, omuunu woonewoone unu ariigumiirisya okukingira ku‑bhuteero, niwe Nyamuwanga arichungura.

Matayo 16:18

Anye enikubhwira ati, awe Peetero uri rutare, inguru ya orutare runu, nikwo niryumbaka rikanisa ryani, noorwo amanaga ga nyombe gataririyiga wuri.

Matayo 24:13

Nawe omuunu woonewoone unu ariigumiirisya okukingira ku‑bhuteero, niwe Nyamuwanga arichungura.

Barumi 11:22

Murore kutyo Nyamuwanga kaakorera ja ekisi abhaanu abhandi, na kutyo kaayaana ebhitiibha ebhiruru abhaanu abhandi. Kaayaana ebhitiibha bhanu ꞉bhaaremere okwikirisya, na kaakukorera ja ekisi, araabha owugenderera okwikirisya. Nawe ukarema okumwikirisya, awe wone uritemwa.

Barumi 12:12

Mukondererwega nimurindirira okubhona jinu Nyamuwanga ꞉aabharagire. Mwigumiirisyega mu‑myanya ja jinyaako, na mugendererega okusabhwa Nyamuwanga.

Barumi 15:13

Nyamuwanga niwe echiiyikanya ati arikora joone jinu ꞉aachiragire. Kurwa ejo, enibhasabhirwa ati, abhayaane rikonderwa ryone na omurembe omwanya gunu omugenderera okumwikirisya. Awo niwo muribha na obhwiyikanyo obhunene, muribha nabhwo ku‑managa ga Mwoyo Mweru.

Barumi 5:2

Ku‑njira ya okwikirisya Yeesu, Nyamuwanga achiyaaye obhwitiriranya bhwaye. Noorwo woori echigenderera okuramira obhwitiriranya obhwo. Echikonderwa muno, kwa okubha echiiyikanya ati chirisangira aamwi na Nyamuwanga mw‑ikusyo ryaye.

1 Bakorinto 3:16

Angu, mutakumenya ati, emwe muri riyekaru rya Nyamuwanga, ka wone ati Mwoyo wa Nyamuwanga eekaaye mw‑imwe?

1 Bakorinto 6:19

Mutakumenya ati, emibhiri jeemwe nijo riyekaru rya Mwoyo Mweru unu Nyamuwanga ꞉aabhayaaye, ka wone Mwoyo Mweru eekaaye mu‑myoyo jeemwe? Kutyo, emibhiri ejo jitari jeemwe, tari ni ja Nyamuwanga,

2 Bakorinto 6:16

Bhuri‑wo obhungwani ki agati ya riyekaru rya Nyamuwanga na amasusano ga amasambwa? Eswe chiri riyekaru rya Nyamuwanga omuwanga! Jiri rwa kutyo Nyamuwanga omwene ꞉aayikire ati, “Niriikara aamwi nabho na okuribhata agati yeebhwe. Niribhaga Nyamuwanga weebhwe, abheene wone bharibhaga abhaanu bhaani.”

Bagalatia 6:10

Mbe, bhuri kutyo echibhona omwanya, chikorerega abhaanu bhoone ja ekisi, nawe munomuno abheekirisya abheejaasu.

Bagalatia 6:9

Kurwa ejo, chisige okuyigwa okukora ebhikorwa bhya ekisi! Araabha echiigumiirisya mu‑kukora ja ekisi, chirigesa ja ekisi omwanya gwa okugesa gukakinga.

Baefeso 3:12

Mbe, mu‑kubha na obhumwi na Kirisito na ku‑njira ya eriikirisya ryeswe ku‑mwene, chiri na obhuturo, obhwitaage na ribhaasi rya okufogerera Nyamuwanga.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

1 Batesalonika 5:16

Mubhe na rikonderwa bhuri rusuku,

2 Batesalonika 2:16

Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

1 Timoteo 3:15

Nawe aribha naakoora, umenye jinu jiiyire abhaana bha Nyamuwanga bhakore. Abhaana abho nibho rikanisa rya Nyamuwanga omuwanga na rikanisa niryo ingʼingi na orufuka rwa echimari.

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.

Baeburania 10:19

Abhayiri bhaani mu‑riikirisya, ku‑songa ya isagama ya Yeesu, chiri na obhwitaage bhwa okwingira Ayeeru a Ayeeru okuubhaya wuri.

Baeburania 10:21

Eswe chiri na Omugabhisi Omukuru unu keemereegururu inju ya Nyamuwanga.

Baeburania 10:23

Chiikomeesye muno okugwatirira jinu echiikirisya na okwiyikanya, okubha Nyamuwanga unu ꞉aaragire, ni mwiyikanyibhwa.

Baeburania 10:35

Kurwa ejo, mugenderere okubha na ribhaasi eryo, kwa okubha ku‑njira eyo muriramira echiyaanwa echinene muno okusooka ku‑Nyamuwanga.

Baeburania 11:1

Mbe, eriikirisya ni kubha na echimari cha emisango jinu echiiyikanya. Ka wone ni kwikirisya kata ati emisango jinu chitakurora woori ni ja chimari.

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

Baeburania 4:11

Kurwa ejo, chiikomeesye okwingira orubhaara rwa okwisya omwoyo. Chibhega nichikora kutyo korereki aasiga okubha‑wo omuunu woonewoone wa okutaamibhwa okwingira ku‑songa ya okurema okugayuka Nyamuwanga, rwa kutyo bhasaaja weeswe bhaariga nibhakora.

Baeburania 4:14

Mbe, chiri na Omugabhisi Omukuru unu ꞉aagendere na okwingira mu‑rwire, niwe Yeesu Omwana wa Nyamuwanga. Ku‑songa eyo, chigwatirire jinu echiikirisya.

Baeburania 4:16

Kurwa ejo chibhe na ribhaasi mu‑kufogera ku‑chitebhe cha ingʼoma cha Nyamuwanga, korereki achiyaane echigongo na obhwitiriranya bhwa okuchisakira omwanya gwa obhukene bhweswe.

Baeburania 6:11

Eniigomba muno ati bhuri umwi weemwe eeresyega okwikomeesya okwookwo okukingira ku‑bhuteero, korereki muramire joone jinu omwiyikanya.

Baeburania 6:18

Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.

Baeburania 7:19

꞉Aarisoosiisye‑wo, kwa okubha ebhiraagiro bhya Muusa bhyariga bhitari na obhuturo bhwa okukuumisya omusango gwonegwone. Nawe woori, Nyamuwanga achiyaaye obhwiyikanyo obhundi bhwa ekisi muno, bhunu obhuchikora chibhe ayeeyi nage.

1 Petero 1:8

Emwe muchaariga okumurora, nawe mumwendere. Ka wone, noorwo kutyo mutakumurora woori, nawe omumwikirisya. Kurwa ejo, omukonderwa rikonderwa rinu ritakwayikwa na rinu riijuuye rikusyo,

1 Petero 2:5

Mumenye ati, emwe wone muri rwa amabhuyi amawanga, Nyamuwanga kaabhoombaka mubhe inju ya echinyamwoyo. Ka wone abhawuuwe na okubhakora mubhe abhagabhisi bhanu abhasoosya ebhyogo bhya echinyamwoyo bhinu ebhimukondisya ku‑njira ya Yeesu Kirisito.

1 Petero 4:17

Mumenye ati, omwanya gwa obhuramusi gwakinga na Nyamuwanga kaja okwamba okuramura abhaana bhaaye. Woori araabha obhuramusi bhukambira kw‑iswe abhaana bhaaye, angu, jiribha kutiki ku‑bhanu bhatakwikirisya Emisango ja Ekisi ja Nyamuwanga?

Obhusweruro 2:18

“Ukaamire maraayika wa mw‑ikanisa rya Tiyaatira kutya, Anye, naanye Omwana wa Nyamuwanga. Ameeso gaani gari rwa jimbeesi ja omuriro na amaguru gaani agangʼarabhya muno rwa echuuma echitukurasi chinu chikuubhirwe muno. Mutegeresye jinu enibhabhwira!

Obhusweruro 2:25

tari mubhe abheeyikanyibhwa okukingira anu niriija.

Obhusweruro 2:26

Omuunu woonewoone unu ariyiga na okugenderera okukora okwenda kwani okukingira ku‑bhuteero, nirimuyaana obhuturo bhwa okutunga amaanga goone.

Obhusweruro 3:11

Eniija bhwangu! Mubhe abheeyikanyibhwa, korereki omuunu woonewoone aasiga okubhateesya orutengya rwemwe.