Baeburania 3:12 - Indagano Inyaaya mu-Chijita

¹² Emwe abhayiri bhaani mu‑riikirisya, mwiyangarirega, korereki aasiga okubha‑wo omuunu woonewoone mw‑imwe unu ari na omutima omubhiibhi, gwa okurema okwikirisya, ka wone unu kaarema okuruubha Nyamuwanga omuwanga.

INDAGANO INYA:YA

¹² Mwirinde, ba:na ba:su. Mu munu wo:ne mwimwe gwasiga kubao omutima omubi:bi ogwo bute:kirisya, ogwo kuso:ka ku Nyamuanga omuanga.

Baeburania 3:12 ပူးပေါင်းရင်းမြစ်များ

Matayo 16:16

Simooni Peetero ˆnaamusubhya ati, “Awe naawe Kirisito, Omwana wa Nyamuwanga omuwanga.”

Matayo 24:4

Yeesu ˆnaabhasubhya ati, “Mwangarire, omuunu woonewoone aasiga okubhajiga!

Mariko 13:23

Mbe, mwiyangarire! Anye naatangata okubhabhwira joone ejo jichaari okukorekana.

Mariko 13:33

Kurwa ejo, mwiyangarirega! Mutengeejega, kwa okubha mutakumenya ati, omwanya ogwo gurikinga rusuku ri.

Mariko 13:9

“Nawe emwe, mwiyangarire muno. Abhaanu bharibhasira mu‑maramuriro, ka wone bharibhasira mu‑nju ja ameekofyanyo geebhwe na okubhabhuma kubhiibhi. Bharibhasira imbere ya abhatungi bha Echiruumi na abhakama bha Echiyawudi ku‑songa yaani. Murikenwa okubha abhabhambaasi bhaani imbere ya abhatungi na abhakama abho.

Ruuka 21:8

Yeesu ˆnaabhasubhya ati, “Mwangarire, omuunu woonewoone aasiga okubhajiga. Abhaanu bhaafu bhariija nibhakoreraga emirimu risiina ryani, bharyayikaga ati, ‘Anye naanye Kirisito!’ Ka wone bharyayikaga ati, ‘Omwanya gwa obhuteero gwafogeeye!’ Abhaanu abho, mwasiga okubharuubha!

Barumi 11:21

Nyamuwanga ꞉ataafwiriiye echigongo Abhayisirayeeri bhanu bhari matabhi ga obhusimukwa bhwa omujeyituuni, ˆnaabharema. Kurwa ejo noorwo awe wone, kaatura okukurema.

1 Bakorinto 10:12

Kutyo, unu keerora ati eemereeguuyu tiritiri mu‑riikirisya, eeyangarire, aasiga okugwa.

Bakolosai 2:8

Mubhe mwiyangariiye, omuunu woonewoone aasiga okubhayabhya kwa ameeyigisyo ga kutyo era na ga orubheeyi. Ameeyigisyo ago, agaruubhana na obhusimukwa bhwa abhaanu, na obhutinge bhwa akatungiiywe bhwa echaaro chinu. Ameeyigisyo ago gatakusooka ku‑Kirisito,

1 Batesalonika 1:9

Abhaanu abho abhatonda kutyo ꞉mwachikumire na kutyo ꞉mwasigire okuramya amasusano geemwe, nimuyinduka, nimuramya Nyamuwanga omuwanga na owa echimari.

Baeburania 10:31

Ni musango gwa okuubhaya muno omuunu okugwa mu‑mabhoko ga Nyamuwanga omuwanga.

Baeburania 10:38

Omuunu unu aribha na obhuwanga, ni unu Nyamuwanga kaabhara ati ni murengeresi ku‑njira ya eriikirisya ryaye. Nawe araabha kaasiga okunduubha anye, nitarimukondererwa wuri noorwo na akatyari.”

Baeburania 12:15

Mwiyangarirega, korereki omuunu woonewoone aasiga okugerukirwa obhwitiriranya bhwa Nyamuwanga. Ka wone, aasiga okwibhuka omuunu agati yeemwe unu ari rwa riiti riruru. Omuunu rwa oyo kaja okubhanyaasya, na okujabhiyasya abhaanu bhaafu.

Baeburania 12:22

Nawe emwe mwakingire ku‑chiima echindi, echiima cha Sayuuni, nigwo omusi gwa Yerusareemu irya ya mu‑rwire. Omusi ogwo, ni musi gwa Nyamuwanga omuwanga. Mu‑musi ogwo nimwo ꞉bheekumanyiisye kwa rikonderwa bhamaraayika ebhiwumbi na ebhiwumbi.

Baeburania 12:25

Kurwa ejo, mutegeresyega unu kaayika na emwe. Abhayisirayeeri ꞉bhateerukire ebhitiibha omwanya gunu ꞉bhaaremere okutegeresya Muusa bhunu ꞉aabhakengiisye. Mbe woori, eswe echitura kutiki okwiruka ebhitiibha araabha echirema okutegeresya Nyamuwanga omwanya gunu kaachikengya okusooka mu‑rwire?

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

Baeburania 3:10

Ku‑songa eyo ꞉naabhiyiriiywe abhaanu abho, ninaayikaga ati, ‘Siku joone abhaanu bhanu bhatari bheeyikanyibhwa, ni bhaanu bhanu bhatakwenda okuruubha jinjira jaani.’

Baeburania 3:19

Kurwa ejo chimenyere ati, abhaanu abho ꞉bhaataamiibhwe okwingira orubhaara rwa okwisya omwoyo, kwa okubha ꞉bhaaremere okwikirisya Nyamuwanga.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.