Baeburania 2:10 - Indagano Inyaaya mu-Chijita

¹⁰ Nyamuwanga niwe ꞉aabhumbire ebhiinu bhyone na okubhikora bhibhe kutyo bhiri. ꞉Jaamukondeeye areete abheekirisya bhaafu mw‑ikusyo ryaye, kurwa ejo ꞉aakuumisiisye Yeesu ku‑njira ya okunyaasibhwa, korereki abhe obhusimukwa bhwa obhuchungusi.

INDAGANO INYA:YA

¹⁰ Okuba kwariga kumwiire Oyo akorere bi:nu byone na ka biriwo kubwae, ejire enda okure:ta aba:na ba:fu mwikusyo, kwariga kumwiire okuku:misya Omukuru wo mweruro gwebwe mu kunya:sibwa.

Baeburania 2:10 ပူးပေါင်းရင်းမြစ်များ

Ruuka 13:32

Yeesu ˆnaabhasubhya ati, “Mugende, mubhwire rinyamubhwe riruru eryo ati, ‘Reero na mutondo, enisoosya amasambwa ku‑bhaanu, na okuwosya abharwaye. Orusuku rwa kasatu, enimara emirimu jaani.’

Ruuka 2:14

“Nyamuwanga wa mu‑rwire akusibhwe! Ku‑chaaro anu, omurembe gubhe ku‑bhaanu bhanu eendere.”

Ruuka 24:26

Angu, jaariga jiteenderwe Kirisito okubhona ebhinyaasyo ebhyo, niwo eengire mw‑ikusyo ryaye?”

Ruuka 24:46

Ka wone ˆnaabhabhwira ati, “Jikaamirwe ati, Kirisito arinyaasibhwa na okwitwa na ku‑rusuku rwa kasatu arisuuruka okusooka mu‑bhafuuwe.

Yowana 11:52

Ka wone, Yeesu atarifwa inguru ya riyanga eryo era, tari ni ku‑songa ya okukumanya abhaana bha Nyamuwanga bhanu bhanyarageene, korereki bhabhe aamwi.

Yowana 19:30

Yeesu ejire aarabha isese eyo, ˆnaayika ati, “Naamara omurimu gwani!” Mbe, ˆneenamya omutwe gwaye, ˆnaafwa.

Ebikorwa 3:15

Kurwa ejo, ꞉mweetire unu ari bhusimukwa bhwa obhuwanga. Nawe Nyamuwanga ˆnaamusuurura okusooka mu‑bhafuuwe! Eswe chiri bhabhambaasi bha okusuuruka kwaye.

Ebikorwa 5:31

Neeya, Nyamuwanga ˆneenamusya Yeesu unu, ˆnaamutuura orubhaara rwaye rwa ebhuryo, abhe Omutungi na Omuchungusi, korereki asakire Abhayisirayeeri bhate ebhibhiibhi bhyebhwe, bhafwirwe echigongo.

Barumi 11:36

Nyamuwanga niwe ꞉aabhumbire ebhiinu bhyone. Okutura ku‑mwene ebhiinu bhyone ebhigenderera okubha‑wo, na ebhiinu bhyone bhiri‑wo inguru ya rikusyo ryaye. Nyamuwanga akusibhwe akajaanende koone! Jibhe kutyo.

Barumi 9:23

꞉Aakorere kutyo, korereki eeresye rikusyo ryaye rikuru inguru ya abhaanu bhanu ꞉eeraabhire okuramira echigongo chaaye. Aariga eeraabhire okwambira kara okubhareeta ku‑mwene bhabhe nage mw‑ikusyo ryaye.

1 Bakorinto 2:7

Obhwengeeso bhunu echiraasya ni mbisike ya Nyamuwanga, inu yaariga ichaari okuswerurwa ku‑bhaanu. Omwanya gunu Nyamuwanga aariga achaari okubhumba echaaro, ꞉aaramuuye okukorera emirimu obhwengeeso obhwo, inguru ya rikusyo ryeswe.

1 Bakorinto 8:6

Nawe kw‑iswe, ari‑wo Nyamuwanga umwi wenyere, niwe Raata, niwe ꞉aabhumbire ebhiinu bhyone. Eswe chiikaaye inguru yaaye. Ka wone ari‑wo Raatabhugenyi umwi wenyere, niwe Yeesu Kirisito, na ebhiinu bhyone ꞉bhyabhumbirwe okutura ku‑mwene, ka wone eswe chiri bhaanga okutura ku‑mwene.

2 Bakorinto 3:18

Mbe, eswe bhoone bhanu chitakuswikira obhusu kwa echitambaara, echeeresya rikusyo rya Raatabhugenyi rwa kutyo rirore eryeresya orususo. Echiyindurwa, korereki chisusane nage, okusooka mw‑ikusyo okuja mw‑ikusyo ryafu muno. Rikusyo eryo erisooka ku‑Raatabhugenyi, omwene oyo niwe Mwoyo.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.

2 Bakorinto 5:18

Ejo joone ejisooka ku‑Nyamuwanga. Achigwatanyiisye ku‑mwene ku‑njira ya Kirisito. Eswe achiyaaye emirimu ja okuraasya inguru ya obhugwatanyi obhwo.

2 Bakorinto 6:18

Ka wone ꞉aayikire ati, “Niribha Esomwana, na emwe muribha abhaana bhaani bha echirume na abha echigasi. Nikwo kutyo kaayika Raatabhugenyi Nyamuwanga owa obhuturo bhwone!”

Bagalatia 3:26

Woori, emwe bhoone muri bhaana bha Nyamuwanga kwa eriikirisya ryemwe, kwa okubha muri na obhumwi na Kirisito Yeesu.

Baefeso 2:7

korereki eeresye ku‑bhoone ku‑mwanya gunu oguuja, obhwitiriranya bhwaye bhwafu muno ku‑bhwa ekisi bhwaye kw‑iswe bhunu bhuri mu‑Kirisito Yeesu.

Baefeso 3:10

Obhukarariiye bhwa ejo, ni ati, ku‑njira ya rikanisa, obhwengeeso bhwafu bhwa bhuri mbaga bhwa Nyamuwanga kutyo bhuri, bhumenyekane ku‑bhutungi na ku‑bhuturo mu‑chaaro chinyatarorwa.

Bakolosai 3:4

Mbe, obhurame obhwo obhuruubhana na Kirisito. Omwanya gunu aribhuurika, niwo emwe wone muribhuurika aamwi nage na okusangira aamwi rikusyo ryaye.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

Baeburania 6:20

Yeesu ꞉aatangatire okwingira awo inguru yeeswe. ꞉Eengiiye ˆnaabha Omugabhisi Omukuru akajaanende koone rwa kutyo Meerikijedeki aariga ari.

Baeburania 7:26

Omugabhisi Omukuru wa imbaga eyo keendwa muno kw‑iswe, kwa okubha omwene ni Mweru, atari na esoro, noorwo ꞉ataakorere echibhiibhi choonechoone. Nyamuwanga ꞉aamukindikire okusooka ku‑bhakosi bha ebhibhiibhi, ˆnaamwinamusya okuja mu‑rwire.

Baeburania 7:28

Okuruubhana na ebhiraagiro bhya Muusa, abhaanu bhaariga nibhakorwa okubha abhagabhisi abhakuru, noorwo kutyo bhaariga bhari bhakosi bha ebhibhiibhi. Nawe gwejire gwatura omwanya, Nyamuwanga ˆnaakora Omwana waaye kwa echirayiro okubha Omugabhisi, Omwana unu akuumiiye kajaanende koone.

1 Petero 1:12

Nyamuwanga ꞉aasweruriiye abharagi abho ati, emisango jinu ꞉bhaaragire, jaariga jitari jeebhwe abheene, tari jaariga jiri jeemwe. Emisango jinu ꞉bhaayikire, nijo ꞉mwaraasisiibhwe na abhaanu bhanu ꞉bhaabhareteeye Emisango ja Ekisi inguru ya Yeesu Kirisito. Abheene ꞉bhaabhabhwiriiye emisango ejo, ku‑bhuturo bhwa Mwoyo Mweru unu ꞉aatumirwe okusooka mu‑rwire. Emisango ejo, noorwo bhamaraayika wone abheegomba muno okujisombookerwa.

1 Petero 5:1

Woori, enaayika na emwe abhakaruka bha rikanisa. Anye niri omukaruka oweejaanyu, unu ꞉neeroreeye omwene kutyo Kirisito ꞉aanyaasiibhwe. Ka wone, anye niri omusangisi oweejaanyu wa rikusyo rinu riri yeeyi okuswerurwa. Kurwa ejo, enibheerembeeresya emwe,

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

Obhusweruro 4:11

“Raatabhugenyi na Nyamuwanga weeswe, wiiyire ukuuyibhwe, okuyaanwa echibharo na okubha na obhuturo bhwone. Okubha awe ꞉waabhumbire ebhiinu bhyone, mu‑kwenda kwawo ꞉bhyabhumbirwe, ka wone bhiri‑wo.”

Obhusweruro 7:9

Ejo jejire jaawa, nindingira, nindora echise echinene cha abhaanu chinu omuunu aariga atakutura okubhara. Abhaanu abho bhaariga bhasookere mu‑maanga goone, mu‑ngʼanda joone, mu‑nyaami joone na mu‑nyaayika joone. Abho bhoone bhaariga bheemereeguuyu imbere ya echitebhe cha ingʼoma na imbere ya Omwana wa Inaama. Abhaanu abho bhaariga bhafwaye emingiro jiinyeru na bhaariga bhagwatiriiye amatabhi ga jikinda mu‑mabhoko geebhwe.