Baeburania 13:9 - Indagano Inyaaya mu-Chijita

⁹ Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

INDAGANO INYA:YA

⁹ Mutagegwagegwaga na kwiigisya kundi na kundi okwe cigenyi, okuba ni kwa bwana omutima gurumibwe ne cigongo, amwi gutakurumibwa na ntungwa ja kurya, jinu banu abaribatiramo batakubonamo muri:ro.

Baeburania 13:9 ပူးပေါင်းရင်းမြစ်များ

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

Matayo 24:4

Yeesu ˆnaabhasubhya ati, “Mwangarire, omuunu woonewoone aasiga okubhajiga!

Ruuka 5:38

Nawe echifuufu echiyaaya, cheenderwe chituurwe mu‑sagwa ja jinjayi jinyaaya!

Ebikorwa 20:30

Noorwo agati yeemwe abheene, bhariibhuka‑mo abhaanu bhanu bharyayika emisango jinu jitari ja echimari, korereki bhakurure abheeyigisibhwa, bhabharuubhirire abheene.

Ebikorwa 20:32

“Woori, enibhatuura ku‑Nyamuwanga na ku‑musango gwa obhwitiriranya bhwaye obhukuru. Okubha gunu, ogutura okubhakomeesya na okubhayaana omwandu gwa amabhando ganu atereeye‑wo abhaanu bhaaye bhanu bheesiibhwe.

Barumi 14:17

Okubha emisango ja bhusibhusi mu‑bhukama bhwa Nyamuwanga kutari kurya amwi okunywa, nawe ni kukora eja obhurengeresi imbere ya Nyamuwanga, okubha na omurembe na rikonderwa. Ejo joone ejiturikana ku‑bhusakisi bhwa Mwoyo Mweru.

Barumi 14:2

Omuunu unu arumateene mu‑riikirisya ryaye, kaarora ati kaatura okurya choonechoone chirya, nawe owundi unu atarumateene mu‑riikirisya ryaye, keetogera ati keekirisibhwa okurya emikubhi era.

Barumi 14:6

Omuunu unu kaarora ati orusuku orurebhe ruri na obhugajuro okukira jisiku ejindi, kaakora kutyo kwa okubha keenda okukondisya Raatabhugenyi Yeesu. Owundi unu kaarya choonechoone chirya, kaakora kutyo korereki akondisye Raatabhugenyi Yeesu, kwa okubha kaarya enu ˆnaasiimaga Nyamuwanga. Owundi unu kaarya emikubhi era, kaakora kutyo kwa okubha keenda okukondisya Raatabhugenyi Yeesu. Oyo wone kaasiima Nyamuwanga.

1 Bakorinto 6:13

Abhandi agati yeemwe abhaayika ati, “Ebhiryo ni inguru ya inda, na inda ni inguru ya ebhiryo.” Nikwo kutyo jiri, nawe Nyamuwanga arinyamura bhyone bhibhiri. Omubhiri ꞉gutaabhumbirwe inguru ya okukora obhuromesi, tari inguru ya okukorera Raatabhugenyi emirimu, Raatabhugenyi omwene niwe kaangarira omubhiri.

1 Bakorinto 8:8

Woori, ebhiryo bhitakukora chibhe ayeeyi na Nyamuwanga, kwa okubha noorwo chikasiga okurya, chitakugerukirwa‑ko echiinu, ka wone noorwo chikarya, chitakwongesibhwa‑ko echiinu.

2 Bakorinto 1:21

Mbe, Nyamuwanga niwe kaachirumatanya na emwe mu‑kwikirisya Kirisito. Achisorere

Bagalatia 6:1

Abhayiri bhaani mu‑riikirisya, araabha mukamenya ati oweejaanyu aakora echibhiibhi, emwe bhanu omutangasibhwa na Mwoyo Mweru, mumusubhye ku‑tungwa ja ekisi. Mukore kutyo mu‑mwoyo gwa obhworooro. Nawe mwiyangarire, mwasiga okusakwa na okubha na jitungwa rwa jaaye.

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

Baefeso 5:6

Mwasiga okwikirisya omuunu woonewoone okubhajiga kwa emisango ja kutyo era, okubha ebhibhiibhi ebhyo bhyone, nibhyo ebhikora risungu rya Nyamuwanga niriitika ku‑bhanyatagayuka.

Bakolosai 2:4

Enibhakaamira ejo, korereki mwasiga okwikirisya omuunu woonewoone okubhajiga kwa emisango ja orubheeyi, noorwo jikabha jiri ja okukongya muno.

2 Batesalonika 2:17

abhasimbiisye emyoyo na okubhakomeesya, korereki mukorega na okwayika jinu jiri ja ekisi.

2 Batesalonika 2:2

musige okusurumbara noorwo okuubhaya mu‑myoyo jeemwe ati, orusuku rwa okusubha Raatabhugenyi Yeesu rwakingire. Amwi mubhe munguuwe kutyo okuruubhana na obhuragi obhurebhe, amwi emisango, amwi musomere inyarubha inu eyitogerwa ati isookere kw‑iswe.

1 Timoteo 6:20

Timoteewo wangarire kisi echimari chinu Nyamuwanga akuyaaye. Wiikenge na emisango emijabhi jinu jitari na obhugajuro na jimamba ja echitaamutaamu, kwa okubha bhitakureeta echibharo ku‑Nyamuwanga. Abhaanu abhandi, abhatoga emisango ejo ati ni obhusombookerwa, nawe chimari bhutari obhusombookerwa.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

Yuuda 1:12

Abhaanu abho, omwanya gunu omurya ebhiryo aamwi nabho mu‑bhugenyi bhwemwe bhwa eryenda, abharya keenu nibheegana abheene era, bhatakwiswara wuri. Abhaanu abho, bhari rwa ebhyaji bhya mu‑nyanja bhinu bhitakubhonekana, ni ngʼanga kw‑imwe. Bhatari na omuriiro gwonegwone, bhari rwa ameere ganu gatari‑mo amanji, omuyaga ogugayemba na okugasira woonewoone. Bhari rwa amati ganu gawungurukire, gafuuwe kwiya kabhiri, nikwo okwayika ati gatari na amatwasyo, na geeyirwe chimwi.

Yuuda 1:3

Abheendwa bhaani, neegombaga muno okubhakaamira inguru ya obhuchungusi bhunu echisangira aamwi bhoone. Nawe, woori enirora ati, ni bhusibhusi nibhakaamire inyarubha inu, korereki nibheerembeeresye ati, murwanirire echimari cha eriikirisya rinu Nyamuwanga ꞉aayaaye abheeru bhaaye rumwi era.