Baeburania 13:4 - Indagano Inyaaya mu-Chijita

⁴ Obhutwarwa bhwenderwe bhuyaanwe echibharo na abhaanu bhoone. Omurume na omugasi bheekengega obhuromesi, kwa okubha Nyamuwanga ariramura abhasengani na abharomesi.

INDAGANO INYA:YA

⁴ Okutwarana kukusibwe na bo:ne, no buriri bube bweru, okuba abaromesi na basengi Nyamuanga aribatemera ecima.

Baeburania 13:4 ပူးပေါင်းရင်းမြစ်များ

1 Bakorinto 6:18

Kurwa ejo mwiyangarire mwasiga okukora obhuromesi. Ebhibhiibhi ebhindi bhyone, omuunu kaabhikora anja ya omubhiri gwaye, nawe omuunu unu kaaromera, oyo kaakora ebhibhiibhi inguru ya omubhiri gwaye omwene.

1 Bakorinto 6:9

Mutakumenya ati abhajabhi bhatariingira mu‑bhukama bhwa Nyamuwanga? Mwasiga okwijiga! Abhasengani, abhaanu bhanu abharamya amasusano, abharomesi, noorwo abhasambukani,

1 Bakorinto 7:38

Kutyo, unu kaaramura okutwara omuyarakaji unu ateeye‑ko obhuko, kaakora kisi. Unu atakutwara, kaakora kisi muno.

1 Bakorinto 9:5

Woori, omwitogera ati eswe chitari na obhwitaage bhwa okugenda na abhagasi abheekirisya, mu‑rugendo rwa okuraasya emisango inguru ya Kirisito, rwa kutyo jitumwa ejindi, na abhamura bhaabho Raatabhugenyi Yeesu abhagenda nabho, noorwo Keefa?

2 Bakorinto 5:10

Nikwo kutyo, kwa okubha eswe bhoone chiriimereeguru imbere ya echitebhe cha indamu cha Kirisito, korereki bhuri umwi, ayaanwe omuyeero okuruubhana na kutyo ꞉aakorere ku‑chaaro kunu, jibhe ja kisi amwi mibhiibhi.

Bagalatia 5:19

Mbe, ebhikorwa bhinu ebhikorwa na okurigira kwa omubhiri bhiri bhweru, nibhyo bhinu, obhuromesi, obhujabhi, orukubho,

Bagalatia 5:21

orwiso, obhukorwa, obhunanamba na jinu jiri rwa ejo. Enibhabhwira rindi rwa kutyo naariga naabhabhwiriiye ati, abhaanu bhanu abhakora emisango ejo, bhataribha na omwandu gwonegwone mu‑bhukama bhwa Nyamuwanga.

Baefeso 5:5

Okubha mumenyere chimwi ati, omuunu woonewoone urya unu kaakora obhuromesi, omujabhi woonewoone urya na omwigombi woonewoone urya, ataribha omuri wa omwandu mu‑bhukama bhwa Kirisito na Nyamuwanga. Chimari, omuunu unu keesigombera ebhiinu, niwe kaaramya amasusano.

1 Batesalonika 4:6

Kurwa ejo, omuunu woonewoone asige okukayira oweejaabho, noorwo okumujiga. Rwa kutyo ꞉chaabhabhwiriiye na okubhagaanya ku‑bhwambiro ati, Raatabhugenyi Yeesu niwe kaasubhya orusiima ku‑bhaanu bhoone bhanu abhakora ebhibhiibhi ebhyo.

1 Timoteo 3:12

Abhasakisi bha rikanisa, bheenderwe bhuri umwi abhe na omugasi umwi era. Ka wone, bhabhe nibheemereegururu kisi abhaana bheebhwe na emisi jeebhwe.

1 Timoteo 3:2

Mbe, bhuri mwangarisi wa rikanisa, abhe omuunu unu atari‑ko esoro. Abhe murume wa omugasi umwi era, abhe omwiyingirisi, ka wone abhe na obhwengeeso, omuunu unu kaayaanwa echibharo, omufura na abhe omuunu unu kaamenya okwiyigisya.

1 Timoteo 3:4

Abhe omuunu wa okwimereegururu kisi omusi gwaye, unu kaamenya okwiyigisya abhaana bhaaye korereki bhabhe nibhamugayuka na okumuyaana echibharo.

1 Timoteo 4:3

Abhaanu abho ku‑meeyigisyo geebhwe, abhayingirira abhaanu bhasige okutwara, amwi bhasige okurya ebhiryo ebhirebhe. Nawe Nyamuwanga ꞉aabhibhumbire korereki abheekirisya bhabhiramire, bhamusiime na okubhirya kwa okubha abheene abhamenya echimari.

1 Timoteo 5:14

Woori, anye enikena abhatumbagasi abhasigaji, bhabhe nibhatwarwa, bheebhure abhaana na okwangarira jinyuumba jeebhwe abheene, korereki abhasoko bheeswe bhaasiga okuchayika kubhiibhi.

Tiito 1:6

Bhuri mukaruka wa rikanisa, akenerwe okubha omuunu unu atari‑ko esoro. Abhe murume wa omugasi umwi era, abhaana bhaaye bhabhe abheekirisya, bhasige okubha abhanyamusi bha jipirya noorwo bhanyatagayuka.

Baeburania 12:16

Mwiyangarirega, korereki agati yeemwe aasiga okubha‑wo omuunu omuromesi amwi omuunu unu atakuyaana echibharo Nyamuwanga rwa kutyo Esawu aariga atakumuyaana. Omwene Esawu ꞉aagusiisye rirenga rya omwibhurwa wa obhubhere inguru ya riribhire rimwi era.

Obhusweruro 22:15

Nawe, abharosi bhoone, abharomesi, abheeti, abhaanu bhanu abharamya amasusano na abhaanu bhoone bhanu abheenda okwayika orubheeyi, bharibha anja ya omusi ogwo rwa jimbwa.