Baeburania 11:8 - Indagano Inyaaya mu-Chijita

⁸ Eriikirisya niryo ꞉ryakorere Bhurayimu ˆnaagayuka Nyamuwanga, omwanya gunu ꞉aabhwiriiywe ati asooke mu‑chaaro chaaye, agende mu‑chaaro chinu Nyamuwanga ꞉aaragire okumuyaana. Bhurayimu ꞉aasookere mu‑chaaro chaaye, noorwo kutyo ꞉ataamenyere ati aariga ˆnaagenda ki.

INDAGANO INYA:YA

⁸ Kurwo kwikirisya Iburaimu, wejire abirikirwa nongwa, ne imuka nagenda orubara runu ariga naja okuyabwa gube omwandu. Nasorkayo atamenyere enu kagenda.

Baeburania 11:8 ပူးပေါင်းရင်းမြစ်များ

Matayo 2:21

Mbe, Jejefu ˆneemuka, ˆnaagega mukaaye aamwi na omwana, nibhasubha mu‑chaaro cha Yisirayeeri.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Barumi 10:16

Noorwo kutyo, jitari ati Abhayisirayeeri bhoone ꞉bhaagayukire Emisango ja Ekisi ejo kwa okwikirisya Kirisito, abhaafu bhajiremere. Omuragi Iisaya ꞉aayikire ati, “Raatabhugenyi, niga unu eekirisya emisango jeeswe?”

Barumi 6:17

Kara, emwe mwariga muri bhagaya bha echibhiibhi. Nawe enisiima Nyamuwanga, kwa okubha woori mweekirisya na emyoyo jeemwe joone okugayuka ameeyigisyo ga echimari ganu ꞉mwaramiiye.

2 Bakorinto 10:5

Echisingaarisya emisango joone jinu ejibhonekana okubha ja echimari keenu jiri ja orubheeyi, na emisango joone ja orwikuuya jinu ejireterera abhaanu bhasige okusombookerwa Nyamuwanga. Ka wone echigwata bhuri bhwiganirisya korereki bhugayuke Kirisito.

Baeburania 11:33

Okuruubhana na eriikirisya ryebhwe, abhaanu abho ꞉bhaarwanire riremo na abhakama bha ebhyaro ebhindi, nibhayiga. ꞉Bhaakorere emisango ja obhurengeresi na okuramira jinu Nyamuwanga ꞉aaragire. Bhaariga bhari na obhuturo bhwa okubhumbatanya eminwa ja jiitare.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Petero 3:1

Nyabhuriko, emwe abhagasi bhanu mutwawe, mugayuke abharume bheemwe, korereki araabha bhari‑wo abharume bhanu bhatakwikirisya Emisango ja Ekisi, bhajiikirisye kwa okubha abharora jitungwa jeemwe ja ekisi. Kurwa ejo, abhatura okwikirisya Nyamuwanga noorwo bhatabhwiriiywe omusango.

1 Petero 4:17

Mumenye ati, omwanya gwa obhuramusi gwakinga na Nyamuwanga kaja okwamba okuramura abhaana bhaaye. Woori araabha obhuramusi bhukambira kw‑iswe abhaana bhaaye, angu, jiribha kutiki ku‑bhanu bhatakwikirisya Emisango ja Ekisi ja Nyamuwanga?