Baeburania 11:7 - Indagano Inyaaya mu-Chijita

⁷ Eriikirisya niryo ꞉ryakorere Nuuwu ˆnaagayuka Nyamuwanga, omwanya gunu Nyamuwanga ꞉aamukengiisye inguru ya emisango jinu jaariga jichaari okukorekana. ꞉Aakonjere echiinu rwa ingarabha inene, korereki achungure abhaanu bhaaye. Ku‑njira ya eriikirisya eryo, ˆneekindika okusooka ku‑bhaanu bha ku‑chaaro bhanu ꞉bhateekirisiisye Nyamuwanga, korereki bharamurwe. Ka wone, ku‑njira ya eriikirisya eryoeryo, Nyamuwanga ˆnaabhara Nuuwu okubha omurengeresi imbere yaaye.

INDAGANO INYA:YA

⁷ Kurwo kwikirisya, Nuu ejire Nyamuanga amukabusya ku misango jinu jariga jicari kuboneka, no:baya Nyamuanga, nakonja ingaraba inu aba mu musi gwae baoneemo. Nikwo akorere natemera i:si ecima, naba muri wo mwandu gwo burengeresi bunu buri mu kwikirisya.

Baeburania 11:7 ပူးပေါင်းရင်းမြစ်များ

Matayo 2:12

Mbe, Nyamuwanga ejire aamara okubhakengya mu‑chirooto ati, bhaasiga okusubha rindi ku‑Yeroode, nibheemuka, nibhatura ku‑njira eyindi nibhasubha eweebhwe.

Matayo 24:15

“Ku‑mwanya ogwo, murirora echiinu chinu omuragi Danyeeri ꞉aatogere ati ni chiinu cha okujabhiyasya na okunyamura. Echiinu echo nicho murirora chimereeguuyu ayeeru mw‑Iyekaru rya Nyamuwanga. Omuunu woonewoone unu kaasoma emisango jinu, asombookerwe kisi obhugajuro bhwajo.

Matayo 24:25

Mwiyangarire! Naatangata okubhabhwira joone ejo jichaari okukorekana.

Matayo 24:38

Mu‑siku ejo, omwanya gunu ingʼubha ya induruma yaariga ichaari okugwa, abhaanu bhaariga nibharya na okunywa, bhaariga nibhatwara na okutwarwa, okukingira ku‑rusuku runu Nuuwu ꞉eengiiye mu‑ngarabha.

Matayo 3:7

Nawe Yowana ejire aarora Abhafarisaayo na Abhasadukaayo bhaafu nibhamuuja‑ko, korereki abhabhatiije, ˆnaabhabhwira ati, “Emwe orwibhuro rwa jinjoka! Niga unu ꞉aabhabhwiriiye ati, omutura okwikenga indamu ya Nyamuwanga inu iriija, kwa okubhatiijibhwa era?

Ruuka 17:26

“Rwa kutyo jaariga jiri mu‑siku ja Nuuwu, nikwo kutyo jiribha ku‑rusuku rwa okusubha kwani anye Omwana wa Omuunu.

Barumi 1:17

Emisango ja Ekisi ejo, ejeeresya abhwerubhweru kutyo Nyamuwanga kaabhara abhaanu okubha abharengeresi imbere yaaye. Abhaanu abhabharwa okubha abharengeresi imbere ya Nyamuwanga ku‑njira ya eriikirisya era. Rwa kutyo Ebhikaame Ebhyeru ebhyayika ati, “Omuunu unu aribha na obhuwanga, ni unu Nyamuwanga kaabhara ati ni murengeresi ku‑njira ya eriikirisya ryaye.”

Barumi 10:6

Nawe inguru ya okubharwa okubha omurengeresi imbere ya Nyamuwanga ku‑njira ya okwikirisya, Muusa ꞉aayikire ati, “Mwasiga okwibhuusya mu‑myoyo jeemwe ati, ‘Niga unu kaatura okuriinya inguru okukinga mu‑rwire?’” Okwayika kutyo kuri rwa okugenda okusabhwa Kirisito aaje ku‑chaaro anu.

Barumi 3:22

Abhaanu bhoone bhanu abheekirisya Yeesu Kirisito, Nyamuwanga kaabhabhara ati ni bharengeresi imbere yaaye, okutura ku‑bhwiyikanyibhwa bhwa Yeesu oyo. Nyamuwanga atakusoroora omuunu woonewoone,

Barumi 4:11

Okutendwa kwaye ꞉kwabheeye echibharikisyo, ka wone ꞉kwabheeye orunabho runu ꞉rweresiisye ati Nyamuwanga ꞉aamubharire okubha omurengeresi okuruubhana na eriikirisya ryaye rinu aariga ari naryo achaari okutendwa. Ku‑njira eyo, Bhurayimu ꞉aakorerwe okubha esemwene abheekirisya bhanu bhachaari okutendwa, korereki noorwo abheene bhabharwe okubha abharengeresi imbere ya Nyamuwanga.

Barumi 4:13

Nyamuwanga ꞉aaragire Bhurayimu na abhaanu bha orwibhuro rwaye ati, aribhayaana echaaro choone okubha omwandu gwebhwe. Nyamuwanga ꞉ataabharagire kutyo kwa okubha Bhurayimu aariga ˆnaakuumisya ebhiraagiro, tari kwa okubha aariga ˆneekirisya Nyamuwanga na omurago gwaye. Niwo ˆnaabharwa okubha omurengeresi imbere ya Nyamuwanga.

Barumi 9:30

Mbe, chaayike ki woori inguru ya emisango ejo? Abhaanu bhanu bhatari Bhayisirayeeri ꞉bhateekomeesiisye okubha abharengeresi imbere ya Nyamuwanga, nawe Nyamuwanga ꞉aabhabharire okubha abharengeresi ku‑njira ya kwikirisya Kirisito.

Bagalatia 5:5

Nawe eswe, echiiyikanya ku‑bhuturo bhwa Mwoyo Mweru ati, Nyamuwanga arichibhara ati chiri bharengeresi, kwa okwikirisya Yeesu.

Bafilipi 3:9

ka wone nibhe na obhumwi nage. Nitakwiyikanya rindi obhurengeresi bhunu obhusooka mu‑kugayuka ebhiraagiro, tari obhurengeresi bhunu obhusooka mu‑kwikirisya Kirisito. Obhwo nibhwo obhurengeresi bhunu Nyamuwanga kaayaana bhanu abheekirisya Kirisito.

Baeburania 11:1

Mbe, eriikirisya ni kubha na echimari cha emisango jinu echiiyikanya. Ka wone ni kwikirisya kata ati emisango jinu chitakurora woori ni ja chimari.

Baeburania 12:25

Kurwa ejo, mutegeresyega unu kaayika na emwe. Abhayisirayeeri ꞉bhateerukire ebhitiibha omwanya gunu ꞉bhaaremere okutegeresya Muusa bhunu ꞉aabhakengiisye. Mbe woori, eswe echitura kutiki okwiruka ebhitiibha araabha echirema okutegeresya Nyamuwanga omwanya gunu kaachikengya okusooka mu‑rwire?

Baeburania 5:7

Omwanya gunu Yeesu aariga ari ku‑chaaro anu, ꞉aasabhirwe na okwirembeeresya muno Nyamuwanga, ka wone ꞉aamuuwe obhuraka ˆnaarira amasiga mogomogo ku‑Nyamuwanga unu ari na obhuturo bhwa okumuchungura okusooka mu‑rufu. Inguru ya okwikeeya kwaye, Nyamuwanga ˆnaamuungwa.

Baeburania 8:5

Emisango jinu abhagabhisi abho abhakora ayeeru ni chijekekanyo era cha emisango ja echimari jinu jiri ayeeru mu‑rwire eyo. Niyo isonga omwanya gunu Muusa aariga ˆnaatengeeja okuumbaka riyeema rya okuramya Nyamuwanga, Nyamuwanga ꞉aamubhwiriiye ati, “Nuukore bhuri chiinu okuruubhana na echijekekanyo chinu ꞉naakweresiisye ku‑chiima chirya cha Sinaayi.”

1 Petero 3:20

Emyoyo ejo, ni ja abhaanu bhanu ꞉bhataagayukire Nyamuwanga kara awo, omwanya gunu Nuuwu aariga achaakonja ingarabha. Nyamuwanga ꞉eegumiirisiisye ebhibhiibhi bhyebhwe okukingira omwanya gunu ingarabha ꞉yaamarirwe okukonjwa. Mu‑ngarabha omwo, nimwo ꞉bheengiiye abhaanu bhatooto era, abhaanu bhataanu na bhasatu, bhanu ꞉bhaawonere okusingaarika mu‑manji.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

2 Petero 2:5

Ka wone omwanya gurya gwa Nuuwu, Nyamuwanga ꞉ataasigire abhaanu bhanu bhaariga bhatakumugayuka, tari ꞉aareetere induruma ku‑chaaro, abhaanu nibhafwa. ꞉Aawoniisye Nuuwu aamwi na abhaanu abhandi bhataanu na bhabhiri. Nuuwu oyo niwe aariga araasisiisye abhaanu bha emyanya jaaye ati bhakore jinu Nyamuwanga keenda.

2 Petero 3:6

Ku‑musango ogwo na ku‑manji ga induruma, echaaro cha omwanya gurya nichisingaarisibhwa.