3 Yoana 1:11 - Indagano Inyaaya mu-Chijita

¹¹ Woori, omwendwa waani Gaayo, waasiga okuruubha echijekekanyo echibhiibhi, tari echijekekanyo cha ekisi. Omuunu woonewoone unu kaakora ja ekisi, oyo ni mwana wa Nyamuwanga. Nawe unu kaakora ebhibhiibhi, atakusombookerwa ati Nyamuwanga niga.

INDAGANO INYA:YA

¹¹ Mbe omwendwa, utaru:baga ejo bubi:bi, nawe ejo bwana. Unu kakora ebyo bwana ni wa Nyamuanga. Unu kakora ebibi:bi acariga kurora Nyamuanga.

3 Yoana 1:11 ပူးပေါင်းရင်းမြစ်များ

Yowana 10:27

Jinaama jaani ejuungwa obhuraka bhwani. Anye nijimenyere, ejeene ejinduubha.

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Yowana 3:20

Abhaanu bhoone bhanu abhakora ebhikorwa ebhijabhi, abhabhiyiririrwa obhweru obhwo. Bhatakwenda okuuja mu‑bhweru, korereki ebhikorwa bhyebhwe ebhijabhi bhyasiga okutuurwa abhweru.

1 Bakorinto 11:1

Kutyo mubhega nimunduubha, rwa kutyo anye wone eniruubha Kirisito.

1 Bakorinto 4:16

Woori, enibheerembeeresya ati, mubhe nimuruubha orugere rwani.

Baefeso 5:1

Emwe muri abhaana abheendwa bha Nyamuwanga, kurwa ejo, mukorega rwa kutyo omwene kaakora.

Bafilipi 3:17

Abhayiri bhaani, bhoone muruubhe jitungwa jaani. Ka wone mwiyigire okusooka ku‑bhaanu bhanu abharuubha jitungwa jeeswe.

1 Batesalonika 1:6

Emwe noorwo kutyo ꞉mwanyaasiibhwe muno inguru ya eriikirisya ryemwe, ꞉mwaruubhire omusango ogwo kwa rikonderwa rinu ꞉mwayaanirwe na Mwoyo Mweru. Kwa okukora kutyo, ꞉mwaruubhire echijekekanyo cheeswe na echa Raatabhugenyi Yeesu.

1 Batesalonika 2:14

Abhayiri bheeswe, emisango jinu ꞉jaabhwene abhaanu bhanu ꞉bheekirisiisye Kirisito Yeesu, mu‑makanisa ga Nyamuwanga mu‑mukoowa gwa Yuudeya, nijo jibhabhwene emwe wone. Abhaanu bheemwe ꞉bhaabhanyaasiisye emwe, rwa abheene kutyo bhaanyaasiibhwe na Abhayawudi bheejaabho.

2 Timoteo 3:10

Mbe awe, uruubhire ameeyigisyo gaani, jitungwa jaani, obhukarariiye bhwani, eriikirisya ryani, obhwigumiirisya bhwani,

Baeburania 6:12

Mwasiga okurengaara, tari mubhe rwa abhaanu bhanu ku‑njira ya okwikirisya na okwigumiirisya, bhaaramira jinu Nyamuwanga ꞉aaragire okubhayaana.

1 Petero 3:11

Asige okukora ebhibhiibhi, akore ja ekisi. Ka wone eekomeesye okubha na omurembe aamwi na abheejaabho,

1 Petero 3:13

Niga unu aribhakorera emibhiibhi, araabha omwikomeesya okukora ja ekisi?

1 Yoana 2:29

Mumenyere ati Kirisito ni murengeresi. Kurwa ejo, mumenye ati, omuunu woonewoone unu kaakora ja rirenga, omwene ni mwana wa Nyamuwanga.

1 Yoana 3:10

Nawe, omuunu woonewoone unu atakukora eja rirenga atari mwana wa Nyamuwanga, nyabhuriko omuunu unu atakwenda oweejaabho atari mwana wa Nyamuwanga. Obhwo nibhwo obhutaasyanya bhunu bhuri agati ya abhaana bha Nyamuwanga na abhaanu bha Syetaani.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.