2 Yoana 1:3 - Indagano Inyaaya mu-Chijita

³ Mbe, Raata Nyamuwanga na Omwana waaye Yeesu Kirisito, abhachiyaana obhwitiriranya, echigongo na omurembe, eswe bhanu echiruubha echimari na eryenda.

INDAGANO INYA:YA

³ Obwira ne cigongo no murembe, binu ebiso:ka ku Nyamuanga Rata na ku Yesu Kristo, niwe Omwana wa Rata, birabaga neswe mu kumasya na mu kwenda.

2 Yoana 1:3 ပူးပေါင်းရင်းမြစ်များ

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

1 Timoteo 1:14

Chimari, Raatabhugenyi weeswe Kirisito Yeesu ꞉aanyitiriiye obhwitiriranya bhwafu muno. Ka wone, ꞉aanaaye eriikirisya na eryenda mu‑kubha na obhumwi nage.

1 Timoteo 1:2

Enikukaamira awe Timoteewo, omwana waani wa echimari mu‑riikirisya. Obhwitiriranya, echigongo na omurembe okusooka ku‑Raata Nyamuwanga na ku‑Kirisito Yeesu Raatabhugenyi weeswe, bhibhe aamwi na awe.

2 Timoteo 1:13

Ugwate kisi ameeyigisyo ga echimari ganu ꞉naakwiyigisiisye. Wiyigisye ago, ubhe echijekekanyo cha eriikirisya na eryenda bhinu ebhibhonekana kwa okwikirisya Kirisito Yeesu.

1 Yoana 4:10

Rinu niryo eryenda, jitari ati, eswe ꞉chaatangatire okwenda Nyamuwanga. Tari omwene niwe ꞉aatangatire okucheenda eswe. Nikwo okukora ˆnaatuma Omwana waaye, abhe echoogo cha okusoosya‑wo ebhibhiibhi bhyeswe na okuchigwatanya na Nyamuwanga.

2 Yoana 1:1

Anye omukaruka weemwe mu‑riikirisya, enikukaamira awe omusubhaati omwendwa unu usorerwe na Nyamuwanga, aamwi na abhaana bhaawo. Ni chimari nibheendere bhoone. Nitari anye omwene era unu nibheendere, tari na abhaanu bhoone bhanu abhamenya echimari.