2 Yoana 1:2 - Indagano Inyaaya mu-Chijita

² Echibheenda kwa okubha eswe na emwe, echimenya echimari chinu chiyigiiye, ka wone echigenderera okuchimenya akajaanende.

INDAGANO INYA:YA

² kurwo kumasya kunu kuri mwiswe, na ka kurabaga neswe kajanende.

2 Yoana 1:2 ပူးပေါင်းရင်းမြစ်များ

Yowana 14:16

Mbe, anye nirisabhwa Raata abhayaane Omusakisi owundi, korereki abhe aamwi na emwe siku joone.

Yowana 15:7

Araabha mukabha na obhumwi na anye, na emisango jaani jikabha mu‑myoyo jeemwe, mbe woori musabhwe Raata choonechoone chinu omwenda, omwene kaja okubhayaana.

1 Bakorinto 9:23

Enikora ejo joone inguru ya Emisango ja Ekisi, korereki nisangire na abhandi mu‑mabhando gaajo.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

2 Timoteo 1:5

Ka wone, eniichuka eriikirisya ryawo rya echimari. Eriikirisya eryo, aariga ari naryo kaka waanyu Royisi na nyakomwana Yewuniki. Woori, niri na obhwiyikanyo ati awe wone uri naryo.

2 Petero 1:12

Kurwa ejo, nirigenderera okubheechukya emisango ejo siku joone, noorwo kutyo omujimenya na okwimaririra mu‑chimari chinu ꞉mweeyigiiye.

1 Yoana 1:8

Araabha echaayika ati eswe chitari na ebhibhiibhi, echiijiga abheene, wone echimari chitari‑mo mu‑myoyo jeeswe.

1 Yoana 2:14

Enibhakaamira emwe abhakaruka mu‑riikirisya, kwa okubha omusombookerwa Yeesu Kirisito, unu aariga ari‑wo chichaari okubha‑wo echiinu choonechoone. Enibhakaamira emwe abhasigaji mu‑riikirisya, kwa okubha eriikirisya ryemwe ku‑Yeesu Kirisito riri na amanaga muno na omusango gwa Nyamuwanga bhuri rusuku guri mu‑myoyo jeemwe, ka wone muyigire Omubhiibhi urya.

1 Yoana 2:17

Echaaro aamwi na okurigira kwacho okubhiibhi, bhiri na obhuteero. Nawe woonewoone unu kaakora jinu ejikondera Nyamuwanga, kaabha na obhuwanga bhwa akajaanende.