2 Timoteo 4:8 - Indagano Inyaaya mu-Chijita

⁸ Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

INDAGANO INYA:YA

⁸ Cinu casigaeo, nibi:kiywe orutenga rwo burenge:resi, runu Ratabugenyi arinanira ku rusiku ruriya, niwe unu katema eci:na cirengere. Amwi atari anye era, nawe aribayana bo:ne banu abenda okuboneka kwae.

2 Timoteo 4:8 ပူးပေါင်းရင်းမြစ်များ

Matayo 24:36

“Nawe atari‑wo omuunu unu kaamenya orusuku noorwo isaa inu emisango ejo jirikorekana. Noorwo bhamaraayika bha mu‑rwire amwi Omwana wa Nyamuwanga bhatakumenya, tari Raata wenyere.

Matayo 7:22

Orusuku rwa indamu oruuja, na abhaanu bhaafu bharimbwira ati, ‘Raatabhugenyi, Raatabhugenyi! Owichuka ati, ꞉chaasoosiisye obhuragi kw‑isiina ryawo? Ka wone, ꞉chaasoosiisye amasambwa okusooka ku‑bhaanu kw‑isiina ryawo? Nichikora wone ebhiruguusyo bhyafu kw‑isiina ryawo?’

Ruuka 10:12

Enibhabhwira ati, orusuku runu Nyamuwanga arisoosya indamu ku‑bhaanu bha echaaro choone, arisoosya indamu isito muno ku‑bhaanu bha omusi ogwo, okukira inu arisoosya ku‑bhaanu abhanyamusi bha omusi gwa Sodoma!

Barumi 2:5

Awe uri na echigundu, ka wone owurema okuta ebhibhiibhi bhyawo. Kurwa ejo mbe, owiibhiikira ebhitiibha ku‑rusuku runu Nyamuwanga arisoosya indamu yaaye ya obhurengeresi.

Barumi 8:23

Ka wone, jitari ati ni bhibhumbwa ebhyo era bhinu ebhirira kwa obhusungu, tari noorwo eswe bhanu chiyaaywe Mwoyo Mweru, chirabhe bhwa ekisi ku‑jinu arichiyaana, noorwo eswe echirira kwa obhusungu mu‑myoyo jeeswe. Echirira kwa obhusungu, kwa okubha echirindirira muno omwanya gunu Nyamuwanga arichikuumisya okubha abhaana bhaaye. Awo niwo aricheerura okusooka mu‑bhugaya bhweswe bhwa obhunyamuke kwa okuchiyaana emibhiri emiyaaya.

1 Bakorinto 2:9

Nawe jiri rwa kutyo jikaamirwe mu‑Bhikaame Ebhyeru ati, “Atari‑wo omuunu unu areraabhire okujirora noorwo okujuungwa, atari‑wo omuunu unu areraabhire okujituura mu‑mwoyo gwaye, emisango jinu Nyamuwanga ꞉eeraabhiiye bhanu abhamwenda.”

1 Bakorinto 3:13

na obhwa ekisi bhwa emirimu ja bhuri muunu bhuribhonekana abhwerubhweru. Orusuku rurya rwa indamu emirimu joone jiribha abhweru, kwa okubha emirimu ja bhuri muunu, jiriregeejwa kwa omuriro.

1 Bakorinto 9:25

Abhaanu bhanu abhayaajana ku‑bhwenywa, abheeyingirira ku‑myafu inguru ya okuyaajana. Abhakora kutyo korereki bharamire orutengya rwa obhuyigi rwa akatungu kafuyi era. Nawe eswe echikora kutyo, korereki chiramire orutengya rwa obhuyigi runu orurama akajaanende koone.

2 Bakorinto 5:2

Mu‑nju jeeswe ja woori echaasibhwa, kurwa ejo, echiigomba muno okuyaanwa jinju jeeswe jinyaaya, nikwo okwayika ati okufwafibhwa emibhiri jeeswe emiyaaya jinu ejisooka mu‑rwire.

Bafilipi 3:11

Enikena emisango ejo korereki nibhe umwi wa abhaanu bhanu Nyamuwanga arisuurura okusooka mu‑bhafuuwe.

Bakolosai 1:5

Eriikirisya ryemwe na eryenda ryemwe eryo, ebhiruubhana na obhwiyikanyo bhwemwe ati muriramira amabhando ganu Nyamuwanga abhabhiikiiye mu‑rwire. ꞉Mwoonguuwe inguru ya obhwiyikanyo obhwo omwanya gunu ꞉mwaraasisiibhwe omusango gwa echimari, nijo Emisango ja Ekisi.

1 Batesalonika 1:10

Wone abhatonda kutyo omurindirira Omwana waaye, asubhe rindi okusooka mu‑rwire. Oyo niwe Nyamuwanga ꞉aasuuruuye okusooka mu‑bhafuuwe. Niwe Yeesu unu kaachichungura okusooka mu‑ndamu ya Nyamuwanga inu eyiija.

1 Batesalonika 5:4

Tari, emwe abhayiri bheeswe, mutari mu‑chisuute rwa abhaanu bhanu bhachaari okuta ebhibhiibhi, kutyo, orusuku orwo rutaribhatakya rwa kutyo omwifi kaakora.

2 Batesalonika 2:8

Awo niwo Omunyamusi oyo arituurwa abhweru. Nawe Raatabhugenyi Yeesu aribha aasubha rindi, arimwita na omwika gwa mu‑kanwa kaaye na arimusingaarisya na rikusyo rya okuuja kwaye.

1 Timoteo 6:19

Ku‑njira eyo, bhariibhiikira abheene ebhiinu okubha rwa orufuka rwa ekisi ku‑siku jinu ejiija. Omwanya ogwo niwo bhariramira obhuwanga bhwa echimari.

2 Timoteo 1:10

Nawe woori, Nyamuwanga eeresya obhwitiriranya bhwaye kw‑iswe, kwa okuuja kwa Omuchungusi weeswe Kirisito Yeesu. Omwene ꞉aayigire amanaga ga orufu na ꞉eeresiisye obhuwanga bhwa akajaanende ku‑njira ya Emisango ja Ekisi.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

2 Timoteo 1:18

Awe wone owumenya kisi, emyafu jinu ꞉aankoreeye mu‑musi gwa Yefeeso eyo. Raatabhugenyi amufwire echigongo ku‑rusuku rwa indamu.

2 Timoteo 2:5

Noorwo omubhirimi woonewoone atakutura okuyaanwa echiyaanwa cha obhuyigi, akabha ataruubhire amaragiriro ga obhwenywa bhwa okubhirima.

2 Timoteo 4:1

Enikuragirira jinu imbere ya Nyamuwanga na imbere ya Kirisito Yeesu, unu ariramura abhaanga na abhafuuwe. Kirisito arikora kutyo aribha aasubha rindi na bhuri muunu arimurora. Ka wone, ariija okutunga rwa omukama.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

Baeburania 12:11

Atari‑wo omuunu unu kaakonderwa omwanya gunu kaayaanwa ebhitiibha, tari kaasurumbara. Nawe, abhaanu bhanu bheeyigiiye okubha na jitungwa ja ekisi ku‑njira ya ebhitiibha, bheekaaye na omurembe na abhakora emisango ja obhurengeresi.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

Yakobo 1:12

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.

1 Petero 1:4

Woori echirindirira okwanjura amabhando ganu Nyamuwanga abhiikiiye abhaana bhaaye mu‑rwire. Amabhando ago, gatakutura okubhora, okunyamuka, noorwo okuwotoka.

1 Petero 5:4

Mbe, Omureefi Omukuru wa rikanisa aribha aswerurwa, muriyaanwa orutengya rwa rikusyo runu rutakunyamuka.

Obhusweruro 1:7

Muringire! Ariija ari ku‑meere! Abhaanu bhoone bharimurora, noorwo bhanu ꞉bhaamusomere, wone bharimurora. Jingʼanda joone mu‑chaaro jiririra inguru yaaye. Chimari nikwo kutyo jiribha. Jibhe kutyo.

Obhusweruro 19:11

Nejire neeya, nindora orwire rwigukire. Ringira, ifwaraasi iinyeru na unu aariga ayiriinyire‑ko kaatogwa ati, “Mwiyikanyibhwa” na “Owa Echimari.” Niwe kaaramura na okurwana riremo kwa obhurengeresi.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

Obhusweruro 22:20

Omwene unu kaasoosya obhubhambaasi bhwa emisango jinu kaayika ati, “Chimari, eniija bhwangu.” Jibhe kutyo. Iija Raatabhugenyi Yeesu!

Obhusweruro 4:10

Bhuri omwanya Nyamuwanga aariga ˆnaakuuyibhwa na ebhibhumbwa bhirya, abhakaruka makumi gabhiri na bhana bharya, bhaariga nibhagwa bhwifumbike imbere ya unu eenyanjire ku‑chitebhe cha ingʼoma na okumuramya. Omwene oyo, niwe omuwanga akajaanende koone. Wone bhaariga nibhafuura jitengya jeebhwe, nibhajituura imbere ya echitebhe cha ingʼoma, nibhaayikaga ati,

Obhusweruro 4:4

Ka wone, echitebhe cha ingʼoma echo chaariga chisingiywe na ebhitebhe ebhindi makumi gabhiri na bhina bhya obhutungi. Ku‑bhitebhe ebhyo, bhaariga bheenyanjire‑ko abhakaruka makumi gabhiri na bhana. Abhakaruka abho, bhaariga bhafwaye emyenda emyeru na ku‑mitwe jeebhwe bhaariga bhafwaye jitengya ja inaaryo.