2 Timoteo 4:5 - Indagano Inyaaya mu-Chijita

⁵ Nawe awe, ikenga ejo joone, igumiirisya mu‑bhinyaasyo, ukore emirimu ja okuraasya Emisango ja Ekisi, ukore ekisi mu‑bhukosi bhwawo bhwone.

INDAGANO INYA:YA

⁵ Nawe awe kengaga mu byone. Nya:kaga, ukorega omurimu gwo kusimuraga Ebigambo byo bwana, ku:misyaga okukora kwao.

2 Timoteo 4:5 ပူးပေါင်းရင်းမြစ်များ

Matayo 25:16

“Awoawo, omugaya unu ꞉aayaaywe jitaranta etaanu, ˆnaagenda okukora ebhyasara na okubhona jitaranta ejindi etaanu.

Mariko 13:34

“Okuuja kwani okususanyibhwa na omuunu unu ꞉eendere okuja orugendo. ˆNaasigira abhakosi bhaaye inju yaaye korereki bhayangarire. ˆNaagabhira bhoone emirimu ja okukora. ˆNaaragirira omuriisi wa orwigi ati, atengeeje.”

Mariko 13:37

Omusango gunu enibhabhwira, nigwo enibhwira abhaanu bhoone ati, bhatengeeje.”

Ruuka 12:37

Bhari na amabhando, abhakosi bhanu omwami weebhwe aribha aasubha ˆnaabhasongʼana nibhamurindiriraga. Ni chimari enibhabhwira ati, aritengeeja, aribheenyanjya ku‑nenda na okubhafurubhendera!

Ebikorwa 21:8

Mwejo yende‑ko, nichiriinya mu‑ngarabha, nichikinga mu‑musi gwa Kayisaariya. Nichiikara mu‑nju ya Firipo, unu aariga ari muraasya wa Emisango ja Ekisi ja Yeesu. Aariga ari umwi wa abhasakisi bhataanu na bhabhiri bhanu ꞉bhaasorerwe Yerusareemu.

Barumi 15:19

꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko.

Baefeso 4:11

Omwene niwe ꞉aawuuwe abhaanu abhandi okubha jitumwa, abhandi abharagi, abhandi abharaasya, abhandi abhareefi na abheeyigisya.

Baefeso 4:12

꞉Aabhateeye‑wo bhakore abheeru bha Nyamuwanga bhabhe bhatengeejere inguru ya emirimu ja obhukosi, korereki rikanisa rya Kirisito ryumbakwe, eryo nigwo omubhiri gwaye.

Bakolosai 1:25

Nyamuwanga anteeye‑wo okubha omukosi wa rikanisa ryaye, korereki nibharaasisye emisango jaaye joone kutyo jiri.

Bakolosai 4:17

Mubhwire Arikipo ati, akuumisye kisi emirimu jinu Raatabhugenyi amuyaaye.

1 Batesalonika 5:6

Mbe, chisige okubha rwa abhandi bhanu bhawongeeye. Nawe, eswe chitengeeje na chiyingirire.

1 Timoteo 4:12

Omuunu woonewoone asige okukugaya, kwa okubha ati uchaari musigaji, tari wiikomeesye okubha echijekekanyo cha ekisi ku‑bheekirisya mu‑nyaayika, mu‑tungwa, mu‑ryenda, mu‑riikirisya na mu‑bhwima.

1 Timoteo 4:15

Wiikomeeresye okukora ejo mu‑mutima gwawo gwone, korereki abhaanu bhoone bharore amagenderero gaawo.

2 Timoteo 1:8

Woori, waasiga okwiswara okwayika inguru ya Raatabhugenyi weeswe, amwi okwiswara kwa okubha niri mw‑ibhoyero ku‑songa yaaye. Nawe, igumiirisya mu‑bhinyaasyo aamwi na anye, inguru ya okubhwira abhaanu Emisango ja Ekisi, okwingana na amanaga ganu Nyamuwanga kaakuyaana.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

2 Timoteo 2:3

Igumiirisya aamwi na anye mu‑bhinyaasyo, rwa omusirikare wa ekisi wa Kirisito Yeesu.

2 Timoteo 4:17

Nawe Raatabhugenyi Yeesu aariga ari aamwi na anye. ꞉Aanaaye amanaga ga okuraasya Emisango joone ja Ekisi, korereki abhaanu bhoone bhanu bhatari Bhayawudi wone bhajuungwe. Ka wone Yeesu ꞉aamonʼyiisye okusooka mu‑rufu, kwa okubha naariga wuti niri mu‑kanwa ka itare.

Baeburania 13:17

Mugayukega abhatangasya bheemwe na okuruubha jinu abhabharagirira, kwa okubha abheene nibho abhabhanyaakirira okuyigwa wuri. Abheene bharyendwa okweresya emirimu jeebhwe imbere ya Nyamuwanga. Kurwa ejo mubhagayukega, korereki bhakore emirimu jeebhwe nibhakondererwaga. Nawe araabha mukarema okubhagayuka, abhaja okukora emirimu jeebhwe bhasurumbaaye, na emirimu jeebhwe ejo jitaribha na omuriiro gwonegwone kw‑imwe.

1 Petero 1:13

Kurwa ejo, mubhe mutengeejere na mwiyangariiye ku‑jinu omuja okukora na mubhe mwiyingiriiye. Mutuure obhwiyikanyo bhwemwe bhwone mu‑bhwitiriranya bhunu muriramira, orusuku runu Yeesu Kirisito ariswerurwa.

Obhusweruro 3:2

Mubhe mutengeejere! Murumatanye emisango emitooto ja ekisi jinu jichaari okufwa, kwa okubha ejeene wone jiri yeeyi okufwa. Enirora ati ebhikorwa bhyemwe bhichaari okukuumira rwa kutyo Nyamuwanga waani keenda.