2 Timoteo 4:2 - Indagano Inyaaya mu-Chijita

² Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

INDAGANO INYA:YA

² Simuraga omusango, ubega umaririye mu mwanya gunu gwiire na mu mwanya gunu gute:ire. Ganyaga, gonyaga, komeresyaga no kwigumirisya kwone no kwiigisya.

2 Timoteo 4:2 ပူးပေါင်းရင်းမြစ်များ

Ruuka 7:23

Ari na ribhando omuunu woonewoone unu atari na echiitimaato mu‑mwoyo gwaye inguru yaani!”

Ruuka 7:4

Abhakuru abho, bhejire bhaakinga ku‑Yeesu, nibhamwirembeeresya muno, nibhamubhwiraga ati, “Omwangarisi oyo, eeyire umuwosisye,

Ruuka 9:60

Nawe Yeesu ˆnaamusubhya ati, “Siga bhanu bhafuuwe echinyamwoyo bhasiike abhafuuwe bheebhwe. Nawe awe, genda uraasisye abhaanu emisango inguru ya obhukama bhwa Nyamuwanga.”

Ebikorwa 13:5

Omwanya gunu ꞉bhaakingire kw‑isinga eryo, mu‑musi gwa Saraami, nibhaamba okuraasisya abhaanu omusango gwa Nyamuwanga mu‑nju ja ameekofyanyo ga Abhayawudi. Awo Yowana Maariko, aariga ari aamwi nabho wuti musakisi weebhwe.

Ebikorwa 16:13

Orusuku rwa Isabhaato nichigenda anja ya omusi ogwo, ku‑mbarimbari ya omusima, okubha cheeyikanyaga ati, awo niwo ꞉chaakabhwene wa okurombera. ꞉Cheenyanjire, nichiroma na abhagasi bhanu bhaariga bheekumanyiisye awo.

Ebikorwa 20:7

Orusuku rwa obhwoyo rwejire rwakinga, nichiikumanya, korereki chikore obhumwi bhwa okubhega omukaate. Awo Pawuro ˆnaaraasisya abhaanu omusango gwa Nyamuwanga, nikinga mu‑bhwire agati, kwa okubha aariga akarariiye okusooka awo mwejo yende‑ko.

Ebikorwa 28:16

Chejire chaakinga mu‑musi gwa Ruumi, Pawuro ꞉eekirisiibhwe okubha mu‑nju yaaye omwene na omusirikare wa okumwangarira.

Barumi 10:15

Ka wone, abhaanu abhatura kutiki okuja okuraasya emisango ejo araabha bhachaariga okutumwa? Rwa kutyo Ebhikaame Ebhyeru ebhyayika ati, “Okukinga kwa omuunu unu kaareeta Emisango ja Ekisi, kurikondisyaga abhaanu bhanu bharimutegeresya!”

Barumi 12:12

Mukondererwega nimurindirira okubhona jinu Nyamuwanga ꞉aabharagire. Mwigumiirisyega mu‑myanya ja jinyaako, na mugendererega okusabhwa Nyamuwanga.

Bagalatia 6:6

Omuunu unu keeyigisibhwa omusango gwa Nyamuwanga, ribhona ryaye rinu kaabhona abhe ˆnaagabhira‑ko omwiyigisya waaye oyo.

Bakolosai 1:25

Nyamuwanga anteeye‑wo okubha omukosi wa rikanisa ryaye, korereki nibharaasisye emisango jaaye joone kutyo jiri.

Bakolosai 4:3

Muchisabhirwe eswe wone, korereki Nyamuwanga achiigurire orwigi rwa okuraasya omusango gwaye inguru ya Kirisito gunu kara gwariga gubhisirwe. Anye nibhoyerwe inguru ya okuraasya omusango ogwo.

1 Batesalonika 1:6

Emwe noorwo kutyo ꞉mwanyaasiibhwe muno inguru ya eriikirisya ryemwe, ꞉mwaruubhire omusango ogwo kwa rikonderwa rinu ꞉mwayaanirwe na Mwoyo Mweru. Kwa okukora kutyo, ꞉mwaruubhire echijekekanyo cheeswe na echa Raatabhugenyi Yeesu.

1 Batesalonika 5:14

Emwe, abhayiri bheeswe, echibheerembeeresya mugonye abharenga na musimbiisye bhoone bhanu bhafuuwe emitima. Ka wone musakire bhanu bhatari na amanaga na mubhe na obhwigumiirisya ku‑bhaanu bhoone.

1 Batesalonika 5:20

Ka wone musige okurema obhuragi,

1 Timoteo 4:13

Ikomeesya okusomera abhaanu, okubhakomeeresya na okubheeyigisya Ebhikaame Ebhyeru okukingira anu niriija.

1 Timoteo 5:20

Nawe abhakaruka bhanu abhagenderera okukora ebhibhiibhi, ubhagonye imbere ya abhaanu abhandi bhoone, korereki abho wone bhoobhaye.

2 Timoteo 2:21

Woori, omuunu aakeeyesya na okusigana na ameeyigisyo geebhwe, kaabha rwa echiinu cha okukorera emirimu ja echibharo chinu chaawuuywe, aribhaga eeyire ku‑Raatabhugenyi waaye. Omuunu oyo aribhaga emariiriiye okukora ebhikorwa bhya ekisi.

2 Timoteo 2:25

Eenderwe abhe ˆnaatongeraga kwa obhworooro abhaanu bhanu abhabhambasyanya nage, ˆneeyikanyaga ati Nyamuwanga kaatura okukora bhate na okumenya echimari.

2 Timoteo 3:10

Mbe awe, uruubhire ameeyigisyo gaani, jitungwa jaani, obhukarariiye bhwani, eriikirisya ryani, obhwigumiirisya bhwani,

Tiito 1:13

Obhubhambaasi obhwo ni bhwa echimari. Kurwa ejo, gonya kwa obhururu muno abheeyigisya bha orubheeyi abho, korereki eriikirisya ryebhwe rirumatane mu‑meeyigisyo ga echimari.

Tiito 2:15

Mbe, iyigisya abhaanu emisango ejo, bhasimbiisye na okubhagonya ku‑bhuturo bhwone. Ka wone, omuunu woonewoone asige okukugaya.

Baeburania 13:22

Enibheerembeeresya emwe abhayiri bhaani mu‑riikirisya, muruubhega emisango ja okubhasimbiisya jinu naabhakaamira ku‑nyarubha inu. Naabhakaamira emisango emitooto era.

Obhusweruro 3:19

Anye, enigonya na okufyetura jisimbo abhaanu bhoone bhanu eneenda. Mbe, mwikomeesye na okuta ebhibhiibhi bhyemwe.