2 Timoteo 3:8 - Indagano Inyaaya mu-Chijita

⁸ Abheeyigisya bha orubheeyi bhanu, abheengira kwa obhwiro bhwa ebhibhiibhi, abhayingirira echimari. Abhakora rwa kutyo Yaane na Yambure bhaayaajanaga na Muusa. Abhaanu abho obhwenge bhwebhwe bhunyamukire, bharemere okwikirisya Nyamuwanga.

INDAGANO INYA:YA

⁸ Rwa Yane na Yambure kutyo bayajene na Musa, na banu one nikwo kutyo abayajana ne bye cimari, ka banyamukire obwenge bwebwe, ni be:kote mu kwikirisya.

2 Timoteo 3:8 ပူးပေါင်းရင်းမြစ်များ

Ebikorwa 15:24

Choongwa ati abhaanu abhandi okusooka mw‑iswe ꞉bhaabhabhwiriiye emisango ja okubhayabhya, ka wone ja okunyaasya emyoyo jeemwe, eswe ꞉chitaabhatumire.

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

1 Timoteo 1:19

Ugwatirire eriikirisya na okubha na omutima gwa ekisi. Abhaanu abhandi abhagaya okukora emisango jinu abhamenya ati ni chimari, eryo rikorere nibhasiga okwikirisya Nyamuwanga.

1 Timoteo 4:2

Ameeyigisyo ago ageeyigisibhwa na abheerimaanya na abhabheeyi bhanu emitima jeebhwe jinyamukire chimwi rwa wuti jisingaarisiibhwe mu‑muriro.

1 Timoteo 6:5

ka wone nijo ejinyamura obhungwani siku joone. Abhaanu abho obhwenge bhwebhwe bhunyamukire, bhatari‑mo echimari mu‑myoyo jeebhwe. Abheetogera ati okwikara rwa kutyo Nyamuwanga keenda niyo injira ya okubhona obhuniibhi.

2 Timoteo 4:15

Awe wone, wiikenge omuunu oyo, kwa okubha ꞉aayajeene muno na Emisango ja Ekisi jinu charaasyaga.

Tiito 1:10

Okubha bhari‑wo abhaanu bhaafu bhanyatagayuka, abhaayika emisango jinu jitari na obhugajuro bhwonebhwone, ni bhajigi, chimwichimwi, abhaanu bhanu abhakomeeresya jitungwa ja Echiyawudi. Abhaanu abho ni bhusibhusi bhagaanyibhwe okwiyigisya.

Tiito 1:16

Abheene abhaayika ati bhamenyere Nyamuwanga, nawe ebhikorwa bhyebhwe ebhyeresya ati abhamwigaana. Abho ni bhaanu bhanu abhafuruurusya muno, ni bhanyatagayuka, bhateeyire ku‑bhikorwa bhyonebhyone bhya ekisi.

2 Petero 2:14

Ameeso geebhwe geejuuywe obhuromesi na okurigira kwebhwe kwa okukora ebhibhiibhi kutari na obhuteero. Abhakongya abhaanu bhanu bhatarumateene mu‑riikirisya bhakore rwa abheene. Bhanasiisye emyoyo jeebhwe okurigira obhuniibhi. Abhaanu abho bheeyiimirwe!

1 Yoana 2:18

Abhaana abheendwa mu‑riikirisya, jisiku ja obhuteero jaakinga! Mwonguuwe ati omusoko wa Kirisito kaaja, noorwo woori abhasoko abhaafu bha Kirisito bheejire. Kutyo nikwo echimenya ati chiri mu‑siku ja obhuteero.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

Obhusweruro 2:20

Nawe, muri na omusango gumwi gunu guchaannyaasya. Emwe omwikirisisya omugasi unu kaatogwa ati Yejebheeri. Omwene keetoga ati ni omuragi, nawe atari omuragi. Mumwikirisiisye abhajige emwe abhakosi bhaani, kwa okubheeyigisya mukore obhuromesi na okurya ebhiryo bhinu bhisoosiibhwe echoogo ku‑masusano.

Obhusweruro 2:6

Nawe guri‑wo omusango gunu omukora kisi. Omufuruurusibhwa na emisango emijabhi jinu Abhanikoraayi abhakora. Ejo ejinfuruurusya muno noorwo anye wone.