2 Timoteo 3:3 - Indagano Inyaaya mu-Chijita

³ Ka wone, bhataryendaga omuunu woonewoone, bhataryendaga okugwatanyibhwa, bharibhaga abharomi bha abhaanu, bhatariyingirira, abharuru na bhataryendaga ebhikorwa bhya ekisi,

INDAGANO INYA:YA

³ banyatenda ba:na be:ja:bo, banyataroma gumwi, ababeeresya, banyate: bamura, na baruru, banu batakwenda ebye kisi,

2 Timoteo 3:3 ပူးပေါင်းရင်းမြစ်များ

Matayo 10:21

“Ku‑mwanya ogwo, omuunu wa inda imwi, ariromera iniku owaabho, korereki eetwe. Ka wone, omwibhusi wa echirume ariromera iniku omwana waaye, korereki eetwe. Abhaana wone bhatarigayuka abheebhusi bheebhwe na okureterera abheebhusi bheebhwe bheetwe.

Matayo 4:1

Neeya Yeesu ˆnaatangasibhwa na Mwoyo Mweru okuja mw‑ibhara, korereki aregeejibhwe na Syetaani.

Ruuka 10:16

Niwo, Yeesu ˆnaabhabhwira abharuubhirisya bharya ati, “Omuunu unu kaabhategeresya emwe, kaategeresya anye. Omuunu unu kaabharema emwe, noorwo anye wone kaandema. Omuunu unu kaandema anye, kaarema noorwo unu ꞉aantumire.”

Ruuka 16:14

Mbe, Abhafarisaayo bhejire bhoongwa emisango ja Yeesu ejo, nibhamugaya, kwa okubha bhaariga bheendere jipirya muno.

Yowana 6:70

Niwo Yeesu ˆnaabhabhwira ati, “꞉Naasorere emwe ekumi na bhabhiri okubha abheeyigisibhwa bhaani, nawe owumwi weemwe ni wa Syetaani.”

Barumi 1:29

Bheejuuywe ebhibhiibhi bhyafubhyafu, abhakora obhujabhi bhwafubhwafu, ka wone abheesigombera ebhiinu bhyone na abheenda inyombo. Bheejuuywe orwiso, obhwiti na obhukungirisi. Abhaayika orubheeyi, bhari na obhwira obhubhiibhi, ni bharomi bha abhaanu,

Barumi 1:31

ni bhamuumu, bhatakukuumisya emirago jeebhwe, bhatari na eryenda noorwo echigongo.

1 Bakorinto 7:5

Mwasiga okwimana, tari araabha mweekirisyanya okukora kutyo katungu kafuyi era, korereki mubhone omwanya gwa ekisi gwa okusabhwa Nyamuwanga. Mukamara ogwo, musubhirane rindi, korereki Syetaani aasiga okubharegeeja mukore obhuromesi kwa okubha mutakutura okwiyingirira.

1 Bakorinto 7:9

Nawe araabha bhatakutura okwiyingirira, ni kisi bhatware amwi bhatwarwe, kwa okubha ni akiri kukora kutyo okukira okunyaasibhwa na okurigira okubhiibhi kwa omubhiri.

1 Batesalonika 4:8

Omuunu woonewoone unu kaarema ameeyigisyo ago, atakurema omuunu, nawe, kaarema Nyamuwanga unu kaachiyaana Mwoyo Mweru waaye.

1 Timoteo 3:11

Abhagasi bheebhwe wone, bhabhe abha jitungwa ja ekisi, bhasige okubha abharomi bha abhaanu, bhabhe bha okwiyingirira, ka wone, bhabhe abheeyikanyibhwa mu‑misango joone.

Tiito 1:8

Tari abhe mufura, abhe omwendi wa ja ekisi, abhe na obhwengeeso, abhe omurengeresi, abhe omweru, abhe na obhuturo bhwa okwiyingirira omwene.

Tiito 2:3

Kutyokutyo abhakwekuru wone, ubheeyigisye bhabhe na jitungwa jinu ejikusya Nyamuwanga. Bhasige okubha abharomi bha abhaanu, bhasige okubha abhakorwa, tari abhakenwa bheeyigisye ameeyigisyo ga ekisi.

Yakobo 2:6

Nawe, emwe omugaya muno abhataka! Itari ati abhaniibhi abho, nibho abhabhegatiirisya na okubhakurura okubhasira mw‑iramuriro ku‑bharamusi?

2 Petero 2:14

Ameeso geebhwe geejuuywe obhuromesi na okurigira kwebhwe kwa okukora ebhibhiibhi kutari na obhuteero. Abhakongya abhaanu bhanu bhatarumateene mu‑riikirisya bhakore rwa abheene. Bhanasiisye emyoyo jeebhwe okurigira obhuniibhi. Abhaanu abho bheeyiimirwe!

2 Petero 2:19

Abheeyigisya bha orubheeyi abho abharaga abhaanu ati bhakabheekirisya bharibha na obhwitaage, kasi abheene abho nibho abhagaya bha obhunyamuke. Jiri kutyo kwa okubha bhuri muunu kaabha omugaya wa choonechoone chinu chimutamire.

2 Petero 3:3

Omusango gwa bhusibhusi gunu omukenwa mumenye ni ati, mu‑siku ja obhuteero, bhariija abhaanu abha okusiijaaka muno, bhanu bhariruubhaga okurigira kwebhwe okubhiibhi. Bharisiijaaka

Yuuda 1:16

Abheeyigisya bha orubheeyi bharya abhajujuuma na okutongʼanira abhandi, keenu nibharuubha okurigira kwebhwe okubhiibhi. Abheekuuya muno na okwayika emisango ja okukondisya abhaanu, isonga iri ati, bheebhonere omuriiro.

Yuuda 1:18

Bhaabhabhwiraga ati, “Mu‑siku ja obhuteero bhariibhuka abhaanu abha okusiijaaka, bhanu bhariruubhaga okurigira kwebhwe okubhiibhi.”

Obhusweruro 13:15

Rityanyi eryo niriyaanwa obhuturo bhwa okuyembera omwika gwa obhuwanga mw‑isusano rya rityanyi rya okwamba, korereki riture okwayika na okukora bheete abhaanu bhoone bhanu ꞉bhaaremere okuriramya.

Obhusweruro 13:17

Ka wone, omuunu woonewoone unu ꞉ataateeywe‑ko orunabho ꞉ataaturire okugura amwi okugusya echiinu choonechoone. Orunabho orwo ni siina rya rityanyi rya okwamba rirya, amwi obhukumi bhwa jinyuguta joone ja risiina ryaryo.

Obhusweruro 16:6

Okubha abhaanu abhabhiibhi ꞉bheetire isagama ya abheeru bhaawo na abharagi bhaawo, Raatabhugenyi awe, wabhayaana isagama, bhanywe. Bheeyire jimbuma ejo!”

Obhusweruro 17:6

꞉Naaruguurire muno, nejire naarora omugasi oyo akorerwe isagama ya abheeru bha Nyamuwanga, bhanu ꞉bheetirwe ku‑songa ya okubha abhabhambaasi bha Yeesu.