2 Timoteo 3:2 - Indagano Inyaaya mu-Chijita

² Omwanya ogwo, abhaanu bharibhaga nibheeyenda abheene, bharibhaga nibheegomba jiyera, bharibhaga abha orwikuuya, bharibhaga abha echigundu, bharibhaga abhafumi, bharibhaga bhatakuyaana abheebhusi bheebhwe echibharo, bhataribha na risiima, bhataribha na emitima myeru.

INDAGANO INYA:YA

² Okuba aba:nu baribaga nibeyenda abene, na banu abenda jimpirya, na banu abe:ku:ya, na be cigundu, na bafumi, banyato:robera be:busi bebwe, na banyatasi:ma, banu bate:rere,

2 Timoteo 3:2 ပူးပေါင်းရင်းမြစ်များ

Matayo 15:6

Kurwa ejo, omwayika ati omuunu atakukenwa okuyaana esemwene amwi nyiramwene echibharo. Nawe okwo nikwo okugaya omusango gwa Nyamuwanga kwa okuruubha jitungwa jeemwe.

Ruuka 12:15

Niwo, Yeesu ˆnaabhwira abhaanu abho ati, “Murore! Mwikenge na omuruuru gwa ebhiinu! Okubha, obhuwanga bhwa omuunu, bhutakusookana na obhwafu bhwa ebhiinu bhyaye.”

Ruuka 16:14

Mbe, Abhafarisaayo bhejire bhoongwa emisango ja Yeesu ejo, nibhamugaya, kwa okubha bhaariga bheendere jipirya muno.

Ruuka 6:35

“Nawe emwe, mwendega abhasoko bheemwe, mubhakorerega eja ekisi. Mubhabhanjega muteeyikanya okusubhisibhwa. Nyamuwanga aribhayaana echiyaanwa echinene, na omuja okubha abhaana bha echimari ku‑mwene unu ari Inguru ya Bhyone. Okubha Nyamuwanga kaasakira abhaanu bhoone noorwo bhanu bhatakumusiima, na bhanu abhakora amabhiibhi.

Ebikorwa 5:36

Okubha omwichuka jisiku jinu ꞉jaayitingʼeene, ꞉aabhonekeene omuunu umwi, risiina ryaye aatogwaga Tewuda. Tewuda oyo aariga ˆneekora ati ni omuunu mukuru, na abhaanu amagana gana (400) kutya ꞉bhaaruubheene nage. Nawe ku‑bhuteero, ˆneetwa na abharuubhirisya bhaaye bhoone nibhanyarambuka. Jifurubhendo jeebhwe joone nijiwa‑wo.

Barumi 11:18

Kurwa ejo, mwasiga okugaya amatabhi ganu ꞉gaatemerwe. Mwasiga okwikuuya, na mwichuke ati, emisi jitakwiyikanya emwe, tari emwe neemwe omujiiyikanya.

2 Bakorinto 5:15

Omuunu oyo ꞉aafuuwe inguru ya abhaanu bhoone, korereki bhanu bharamire, bhasige okurama inguru yeebhwe abheene, tari bharame inguru ya unu ꞉aafuuwe na okusuuruka inguru yeebhwe.

Bafilipi 2:21

Abhaanu abhandi bhoone abhafurubhenda na emisango jeebhwe abheene, jitari jinu Yeesu Kirisito keenda.

Bakolosai 3:5

Mbe woori, mwese kura chimwi emisango joone ja echaaro chinu jinu jiri mu‑myoyo jeemwe, emisango ejo ni bhuromesi, obhujabhi, okurigira okubhiibhi, obhwiganirisya obhubhiibhi, na okwisigombera ebhiinu. Okwisigombera ebhiinu kuri rwa okuramya amasusano na okusiga okuramya Nyamuwanga.

2 Batesalonika 2:4

Nawe ku‑bhwambiro ariigaana abhwerubhweru, bhuri chiinu chinu abhaanu abhatoga ati ni Nyamuwanga, noorwo bhuri chiinu chinu abharamya. Omwene ariituura inguru ya ebhyo bhyone. Ka wone, ariingira na okwinyanja mw‑Iyekaru rya Nyamuwanga na okwikora wuti omwene niwe Nyamuwanga.

1 Timoteo 1:20

Mu‑bhaanu abho ari‑mo Imenaayo na Arekijanda. Abho nibhasigiiye Syetaani korereki bheeyigire, bhasige okufuma Nyamuwanga.

1 Timoteo 1:9

Wone jiiyire okumenya ati, ebhiraagiro bhitateeywe‑wo inguru ya abharengeresi, tari inguru ya bhanu abhanyamura ebhiraagiro na inguru ya bhanyatagayuka, ku‑bhanu bhatakuramya Nyamuwanga na ku‑bhakosi bha ebhibhiibhi, ku‑bhanu bhatari na mitima myeru na ku‑bhajabhi, ku‑bhanu abheeta bheesemwene, bhanyiramwene na ku‑bheeti bha abhaanu,

1 Timoteo 3:3

Asige okubha omukorwa, asige okubha omurwani, tari abhe mworooro, abhe omwendi wa omurembe na asige okubha na inamba imbiibhi ya okubhona jipirya.

1 Timoteo 6:10

Okubha inamba imbiibhi ya okubhona jipirya nibhwo obhwambiro bhwa ebhibhiibhi bhyafu bhya bhuri mbaga. Abhaanu abhandi bhanu abheegomba obhuniibhi kutyo, bhajigirwe na bhasigire eriikirisya. Woori, abhaanu abho bheeretereeye obhusurumbaaye bhwafu mu‑myoyo jeebhwe.

1 Timoteo 6:4

Abho bheejuuywe orwikuuya, ka wone bhatakusombookerwa echiinu choonechoone. Abhaanu abho bhoomiriiye jimamba keenu jitari na omuriiro gwonegwone inguru ya emisango emitoototooto. Mu‑misango ejo nimwo orusooka orwiso, inyombo, amafumo na obhwiganirisya obhubhiibhi,

2 Timoteo 3:4

bharibhaga nibharomera abheejaabho iniku, bharibhaga bhamaayuke na abha okwikumangya. Bharibhaga bhatakwenda Nyamuwanga, tari bharyendaga emisango ja echaaro muno.

Yakobo 2:8

Mu‑Bhikaame Ebhyeru, echiraagiro cha obhukama bhwa Nyamuwanga chikaamirwe ati, “Wendega oweejaanyu rwa kutyo owiyenda omwene.” Mukabha nimukora kutyo, omukora kisi.

Yakobo 4:16

Nawe woori emwe, omwikumangya na omwikuuya. Okwikumangya okwo, ni ku‑bhibhiibhi.

Yakobo 4:6

Nawe Nyamuwanga kaachiyaana obhwitiriranya bhwafu, nikwo okukora jikaamirwe mu‑Bhikaame Ebhyeru ati, “Nyamuwanga kaayaajana na abha echigundu, tari bhanu abheekeeya, kaabhayaana obhwitiriranya.”

1 Petero 5:5

Nyabhuriko, emwe abhasigaji wone, mugayuke abhakaruka bha rikanisa. Emwe bhoone, abhasigaji na abhakaruka, bhuri muunu eekeeyega ku‑weejaabho na okusakirana. Mukore kutyo, kwa okubha jikaamirwe mu‑Bhikaame Ebhyeru ati, “Nyamuwanga kaayaajana na abha echigundu, tari bhanu abheekeeya, kaabhayaana obhwitiriranya.”

2 Petero 2:10

chimwichimwi bharya abharuubha okurigira okubhiibhi kwa echinyamubhiri na okugaya obhuturo bhwa Nyamuwanga. Abheeyigisya bha orubheeyi abho, bhari na jitungwa ja jimamba na orwikuuya, noorwo bhatakuubhaya okufuma ebhibhumbwa bhya rikusyo bhya mu‑rwire.

2 Petero 2:12

Abhaanu abho abhafuma emisango jinu bhatakusombookerwa. Abhasusana na jityanyi jinu jitari na obhwenge, kwa okubha, ejiibhurwa era, korereki jigwatwe na okwitwa! Bharisingaarisibhwa rwa kutyo ꞉bhaasingaarisiisye abhaanu abhandi.

2 Petero 2:18

Abhaayika emisango ja orwikuuya na jinu jitari na obhugajuro, na mu‑kuruubha okurigira kwebhwe okubhiibhi kwa orukubho, abhatega abhaanu bhakore kutyokutyo. Abhaanu bhanu abhategwa, bhaamamara okwikirisya na okusiga okukora jinu abhanyamusi abhakora.

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

Yuuda 1:16

Abheeyigisya bha orubheeyi bharya abhajujuuma na okutongʼanira abhandi, keenu nibharuubha okurigira kwebhwe okubhiibhi. Abheekuuya muno na okwayika emisango ja okukondisya abhaanu, isonga iri ati, bheebhonere omuriiro.

Obhusweruro 13:1

Nejire neeya, nindora rityanyi nirisooka mu‑nyanja. Rityanyi eryo, ryariga riri na emitwe etaanu na ebhiri na amayembe ekumi, na bhuri riyembe ryariga riri na orutengya. Bhuri mutwe gwariga gukaamirwe‑ko risiina rya okufumirisya Nyamuwanga.

Obhusweruro 16:11

Nibhafuma Nyamuwanga wa mu‑rwire ku‑songa ya obhwasye bhwafu na ebhironda bhyebhwe ebhibhiibhi. Noorwo ꞉bhataasigire okukora ebhikorwa bhyebhwe ebhibhiibhi.

Obhusweruro 16:21

Ingʼubha nyafu muno ya amabhuyi niigwa. Amabhuyi ago, obhusito bhwago bhwariga wuti kiro makumi gataanu bhuri rimwi, ꞉gaasookere mu‑rutumba nigagwira abhaanu. Abhaanu nibhafuma Nyamuwanga ku‑songa ya itambara inu ꞉yaareeterwe na ingʼubha ya amabhuyi eyo, okubha itambara eyo yaariga iri mbiibhi muno.

Obhusweruro 16:9

Abhaanu nibhoochiibhwa kubhiibhi muno. Nibhafuma risiina rya Nyamuwanga kwa okubha omwene aariga ari na obhuturo ku‑tambara ejo, nawe ꞉bhataataaye ebhibhiibhi bhyebhwe ku‑mwene noorwo ꞉bhataamukusiisye.