2 Timoteo 2:9 - Indagano Inyaaya mu-Chijita

⁹ Emisango ejo, nijo ejikora anye eninyaaka na okubhoywa amaseega rwa omukosi wa ebhibhiibhi. Nawe omusango gwa Nyamuwanga gutakutura okuyingwa.

INDAGANO INYA:YA

⁹ Nibyo Ebigambo binu eninya:kira okukinga mu buboywa, rwo munyamusi. Nawe omusango gwa Nyamuanga gutakuboywa.

2 Timoteo 2:9 ပူးပေါင်းရင်းမြစ်များ

Ruuka 23:32

Abhasirikare nibhasira Yeesu na abhanyamusi bhabhiri, korereki bheetwe aamwi nage.

Ebikorwa 21:33

Omukuru wa abhasirikare oyo, ˆnaafogera, ˆnaagwata Pawuro, ˆnaaragirira ati abhoywe na amaseega gabhiri. Neeya, ˆnaabhuusya eriikofyanyo rirya ati, “Unu niga? Ka aakora chiinu ki?”

Ebikorwa 28:31

Aariga ˆneeyigisya abhaanu kwa ribhaasi inguru ya obhukama bhwa Nyamuwanga na inguru ya Raatabhugenyi Yeesu Kirisito, okugaanywa na omuunu wuri.

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

Baefeso 3:1

Kurwa ejo, anye Pawuro enibhasabhirwa. Anye niri omubhoywa wa Kirisito Yeesu inguru ya obhukosi bhwani kw‑imwe, emwe bhanu mutari Bhayawudi.

Bafilipi 1:17

Nawe bharya abha inyombo, abharaasya emisango ja Kirisito kwa orwiso, noorwo itari mu‑bhwira bhwa ekisi. Abho abheenda okwongesya ebhinyaasyo bhyani mw‑ibhoyero enu.

Bafilipi 1:7

Ni kisi anye niganirisye kutyo inguru yeemwe bhoone, kwa okubha enibheenda muno. Okubha anye na emwe, chiyaaywe obhwitiriranya bhwa okusangira emirimu aamwi, nibhe niri mw‑ibhoyero amwi nimbagira na okweresya echimari cha Emisango ja Ekisi kutyo jiri.

Bakolosai 4:18

Anye Pawuro, enikaama obhukeesya bhunu kwa okubhoko kwani omwene. Mwichuke ati nibhoyerwe mw‑ibhoyero. Obhwitiriranya bhwa Nyamuwanga bhubhe aamwi na emwe.

Bakolosai 4:3

Muchisabhirwe eswe wone, korereki Nyamuwanga achiigurire orwigi rwa okuraasya omusango gwaye inguru ya Kirisito gunu kara gwariga gubhisirwe. Anye nibhoyerwe inguru ya okuraasya omusango ogwo.

1 Batesalonika 1:8

Okusookana na emwe, abhaanu ꞉bhoonguuwe Emisango ja Ekisi inguru ya Raatabhugenyi Yeesu. Itari ku‑bhaanu bha Makedooniya na Akaaya era, tari eriikirisya ryemwe ku‑Nyamuwanga rimenyekeene bhuri rubhaara. Kurwa ejo, eswe chitakunyaaka okubhwira abhaanu inguru ya eriikirisya ryemwe.

2 Batesalonika 3:1

Woori abhayiri bheeswe, muchisabhirwe korereki Emisango ja Ekisi inguru ya Raatabhugenyi Yeesu, jigenderere okuswirana bhwangu na abhaanu bhajiramire kwa echibharo, rwa kutyo jaariga jiri kw‑imwe.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

2 Timoteo 1:16

Enisabhwa Raatabhugenyi afwire echigongo abhaanu bha iika wa Onesifooro, kwa okubha kwiya kaafu aariga ˆnaakondisya omwoyo gwani. Ka wone, ꞉ateeswarire okuuja okundora, bhunu naariga nibhoyerwe amaseega.

2 Timoteo 1:8

Woori, waasiga okwiswara okwayika inguru ya Raatabhugenyi weeswe, amwi okwiswara kwa okubha niri mw‑ibhoyero ku‑songa yaaye. Nawe, igumiirisya mu‑bhinyaasyo aamwi na anye, inguru ya okubhwira abhaanu Emisango ja Ekisi, okwingana na amanaga ganu Nyamuwanga kaakuyaana.

2 Timoteo 2:3

Igumiirisya aamwi na anye mu‑bhinyaasyo, rwa omusirikare wa ekisi wa Kirisito Yeesu.

2 Timoteo 4:17

Nawe Raatabhugenyi Yeesu aariga ari aamwi na anye. ꞉Aanaaye amanaga ga okuraasya Emisango joone ja Ekisi, korereki abhaanu bhoone bhanu bhatari Bhayawudi wone bhajuungwe. Ka wone Yeesu ꞉aamonʼyiisye okusooka mu‑rufu, kwa okubha naariga wuti niri mu‑kanwa ka itare.

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

1 Petero 2:14

Ka wone, mugayuke abhatungi bha emikoowa, abho nibho omukama oyo ꞉aawuuwe. ꞉Aabhawuuwe, korereki bhabhe nibhayaana ebhitiibha abhaanu bhanu abhakora ebhikayo na okukuuya bhanu abhakora ebhikorwa bhya ekisi.

1 Petero 3:16

Mubhega na emitima emyeru, korereki bhanu abhabhakuurisya amabhiibhi bhaakarora akatungiiywe keemwe ka ekisi ku‑Kirisito, bheesware.

1 Petero 4:15

Nawe, omuunu woonewoone kw‑imwe aasiga okunyaasibhwa kwa okubha ati ni mwiti, ni mwifi, ni mukosi wa ebhibhiibhi amwi omusokanya wa abhaanu.