2 Timoteo 2:5 - Indagano Inyaaya mu-Chijita

⁵ Noorwo omubhirimi woonewoone atakutura okuyaanwa echiyaanwa cha obhuyigi, akabha ataruubhire amaragiriro ga obhwenywa bhwa okubhirima.

INDAGANO INYA:YA

⁵ Omu:nu unu kaki:byanya mu bwenywa, atakuyabwa rutenga akaba ataki:byanyisye rwa kutyo buragiriywe.

2 Timoteo 2:5 ပူးပေါင်းရင်းမြစ်များ

Ruuka 13:24

“Emwe, mwikomeesye okutura mw‑irango rifunde mwingire. Enibhabhwira ati, abhaanu bhaafu bhariregeeja okwingira, nawe bharitaamibhwa.

Bafilipi 1:15

Ni chimari ati, bhari‑wo abhaanu abhandi bhanu abharaasya emisango ja Kirisito kwa orwiso na kwa inyombo. Noorwo kutyo, bhari‑wo abhandi bhanu abhajiraasya mu‑bhwira bhwa ekisi.

Bakolosai 1:29

Inguru ya omusango ogwo, eniikomeesya na okurwanirira emirimu jinu ku‑managa maafu ganu Kirisito kaanaana.

Baeburania 12:4

Omwikomeesya okuyiga ebhibhiibhi, nawe muchaari okurwana na ebhibhiibhi okukingira okwitwa.

Baeburania 2:7

꞉Waakorere omuunu okubha omutooto okukira bhamaraayika ku‑mwanya mufuyi era. Nawe woori umuyaaye rikusyo na echibharo,

Baeburania 2:9

Nawe echirora Yeesu, unu Nyamuwanga ꞉aakorere okubha omutooto okukira bhamaraayika ku‑mwanya mufuyi era. Nyamuwanga ꞉aakorere kutyo, korereki okuruubhana na echigongo chaaye, Yeesu afwe inguru ya okuchungura abhaanu bhoone. Woori Nyamuwanga amuyaaye rikusyo na echibharo, ku‑songa ya okunyaaka na okufwa kwaye.

Yakobo 1:12

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.

1 Petero 5:4

Mbe, Omureefi Omukuru wa rikanisa aribha aswerurwa, muriyaanwa orutengya rwa rikusyo runu rutakunyamuka.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

Obhusweruro 3:11

Eniija bhwangu! Mubhe abheeyikanyibhwa, korereki omuunu woonewoone aasiga okubhateesya orutengya rwemwe.

Obhusweruro 4:10

Bhuri omwanya Nyamuwanga aariga ˆnaakuuyibhwa na ebhibhumbwa bhirya, abhakaruka makumi gabhiri na bhana bharya, bhaariga nibhagwa bhwifumbike imbere ya unu eenyanjire ku‑chitebhe cha ingʼoma na okumuramya. Omwene oyo, niwe omuwanga akajaanende koone. Wone bhaariga nibhafuura jitengya jeebhwe, nibhajituura imbere ya echitebhe cha ingʼoma, nibhaayikaga ati,

Obhusweruro 4:4

Ka wone, echitebhe cha ingʼoma echo chaariga chisingiywe na ebhitebhe ebhindi makumi gabhiri na bhina bhya obhutungi. Ku‑bhitebhe ebhyo, bhaariga bheenyanjire‑ko abhakaruka makumi gabhiri na bhana. Abhakaruka abho, bhaariga bhafwaye emyenda emyeru na ku‑mitwe jeebhwe bhaariga bhafwaye jitengya ja inaaryo.