2 Timoteo 2:3 - Indagano Inyaaya mu-Chijita

³ Igumiirisya aamwi na anye mu‑bhinyaasyo, rwa omusirikare wa ekisi wa Kirisito Yeesu.

INDAGANO INYA:YA

³ Usangire mu nya:ko jani, rwo musirikare we kisi owa Yesu Kristo.

2 Timoteo 2:3 ပူးပေါင်းရင်းမြစ်များ

Ebikorwa 23:31

Mbe, abhasirikare kwa okuruubha amaragiriro ganu ꞉bhaayaaywe, nibhagega Pawuro omwanya gwa mu‑ngeta na okumusira mu‑musi gwa Atipaatiri.

1 Bakorinto 13:7

Eryenda erikora eegumiirisye mu‑joone, abhe na eriikirisya omwanya gwone, abhe na obhwiyikanyo omwanya gwone, ka wone eekomeesyega mu‑joone.

1 Bakorinto 9:7

Ni musirikare ki unu kaagenda mw‑iremo kwa okwiriyira omwene? Ni murimi ki unu kaayamba emijabhiibhu mw‑isambu ryaye, ˆnaasiga okurya amatwasyo gaaryo? Ka wone ni mureefi ki unu kaareebha ebhitunganwa, ka ˆnaasiga okunywa amata ga ebhitunganwa ebhyo?

2 Bakorinto 1:6

Omwanya gunu echinyaasibhwa, echinyaasibhwa inguru ya okufungʼamibhwa kwemwe na obhuchungusi bhwemwe. Ka wone, omwanya gunu eswe echifungʼamibhwa, niwo emwe wone omusimbiisibhwa. Okusimbiisibhwa okwo okukora mwigumiirisye mu‑bhinyaasyo bhiryabhirya bhinu eswe wone echinyaasibhwa.

1 Timoteo 1:18

Omwana waani Timoteewo, enikuyaana amaragiriro ago, okuruubhana na emisango ja obhuragi jinu ꞉jaayikirwe inguru yaawo. Emisango ejo jikusakire okukora emirimu ja Nyamuwanga rwa okurwana riremo kisi.

2 Timoteo 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, korereki niraasye omusango gwa obhuwanga. Nyamuwanga ꞉aachiragire ati obhuwanga obhwo obhubhonekana kwa okwikirisya Kirisito Yeesu.

2 Timoteo 1:8

Woori, waasiga okwiswara okwayika inguru ya Raatabhugenyi weeswe, amwi okwiswara kwa okubha niri mw‑ibhoyero ku‑songa yaaye. Nawe, igumiirisya mu‑bhinyaasyo aamwi na anye, inguru ya okubhwira abhaanu Emisango ja Ekisi, okwingana na amanaga ganu Nyamuwanga kaakuyaana.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

2 Timoteo 2:9

Emisango ejo, nijo ejikora anye eninyaaka na okubhoywa amaseega rwa omukosi wa ebhibhiibhi. Nawe omusango gwa Nyamuwanga gutakutura okuyingwa.

2 Timoteo 3:11

eryenda ryani na okurindirira kwani. Owumenya kutyo abhaanu bhaannyaasyaga, bhunu naariga niri mu‑misi ja Atiyookiya, Yikoniya na Risitura. Ka wone, owumenya kutyo neegumiirisiisye jinyaako joone okukingira Raatabhugenyi ˆnaamonʼya okusooka mw‑ijo joone.

2 Timoteo 4:5

Nawe awe, ikenga ejo joone, igumiirisya mu‑bhinyaasyo, ukore emirimu ja okuraasya Emisango ja Ekisi, ukore ekisi mu‑bhukosi bhwawo bhwone.

Filemoni 1:2

Echikeesya na Afiya, omuyara waasu mu‑riikirisya na Arikipo, omurwani weejaasu wa riremo rya echinyamwoyo, aamwi na abheekirisya bhanu abheekumanyaga mu‑nju yaawo.

Baeburania 10:32

Nawe mwichuke jisiku jinu ꞉mwaambire okwikirisya Kirisito. Noorwo kutyo ꞉mwabhwene ebhinyaasyo bhyafu, nawe mwariga nimwigumiirisya ebhinyaasyo ebhyo.

Baeburania 11:27

Eriikirisya niryo ꞉ryakorere Muusa ˆnaasooka mu‑chaaro cha Miisiri, okuubhaya wuri risungu rya omukama. ꞉Eegumiirisiisye kwa okubha aariga ari wuti kaarora Nyamuwanga unu atakubhonekana.

Baeburania 6:15

Kurwa ejo Bhurayimu ꞉aarindiriiye na okwigumiirisya, okukingira ˆnaabhona joone jinu Nyamuwanga ꞉aamuragire.

Yakobo 1:12

Ari na ribhando omuunu unu keegumiirisya omwanya gunu kaaregeejibhwa, kwa okubha omwanya gunu ariyiga amaregeejo ago, Nyamuwanga arimuyaana orutengya rwa obhuwanga bhwa akajaanende runu ꞉aaragire okuyaana bhoone bhanu abhamwenda.